EKSODAS 25
25
Ka’nchibe Paîki hangge Kela Peipatbe ramme
(Eks 35.4-9)
1Tingwang ne Mosabe je, 2“A hangge kela peipatbe penui teiwang ra lei be Israelme je rang gai be lau; pe lung gene pei ra ka’nchâbe kau dagene ningnui a hangge kela peipatbe lu ra lei. 3Zai penui dagene peipatbe ningnui lurabe ze â aize de lei: gechâk, gepût, zai kangngâgeî, 4kelangria ka’nzaibe, gieremangbe, zai ’ntologielang ramme benai banutlang kerilube, kemei gêu ramme, 5meli’nsei gei rîmlube ramme, kemei gei ramme, akasia ching, 6kachâbung ramme hangge taudui, ’nnukrabe taudui ramme benai mâ-perîmyibe ’ntaurabe hangge perîmyibe pemung ramme, 7ephod benai tingkume gu mi gapuâ hangge oniks tingchu benai taureugairabe tingchu ramme lu ra lei. 8Zai penui je peize a hangge kakellumbe-paîki tew gai lau, chidezai penui ruage I ’nnai ze bam ra hangge zeu. 9Hera ki benai pelung ge mâ-kaira ramme bamrabe luî tak ningchu I teiliabeibe luigum ze, chipau luigum ze ningnui tew ra lei.
Samhatkaibe Bung
(Eks 37.1-9)
10“Akasia ching ne hechingbung (Bakso) penui tew ra lei; petâ hangge sâu na ze bepi ra lei, zai pedit hangge sâu kat ze bepi ra lei, zai pehut hangge sâu kat ze bepi ra lei. 11Zai nang chize gechâk ’nchichiakbe ne pelung benai hela ze kûm ra lei, zai nang chize gechâk ne bekunghia kûmguâ ra lei. 12Zai gechâk ne tewlube heriagua medai tew lu ze pe pî medai ge gua na ze katlam ’mbia hang zai gua na ze kêda ’mbia hang kai ra lei. 13Akasia ching ne puabe cha hangge nang tew ra lei, zai gechâk ne chize kûm ra lei. 14Zai penui ne puarabe hangge becha ramme pebung hiage gechâk riagua bambe lungge kerigut kai ra lei. 15Pecha ramme ze pebung gu heriagua ramme lungge kai lu bam bam ra lei; chigene chipau ramme ze tukpat mak ra lei. 16Zai chipau hingde bung lungge ze I ne ningchu peirabe ze nang kai ra lei. 17Gechâk ’nchichiakbe ne pegum nang tew gai ra lei; petâ hangge sâu na ze bepi, pedit hangge sâu kat ze bepi, tew gai ra lei. 18Zai ka’nggiabe bâmra ge betû-tû ’mbe kena lam ge gechâk ne hekilube kerubme kena luî nang tew gai ra lei. 19Tû kat ’mbia ge kerub kat luî tew gai, zai kêdabe tû ’mbia kerub kat luî tew gai ra lei; kena lam kerubme bambe ze pegum ge tewhelua gai ra lei. 20Kerubme kena zene bepeirei ge penai kan liâmpat ze, penai kan ne ka’nggiabe bâmra ze liâmnam ra lei, penai ju ze kat-kat lam ’nsua ra lei; kerubme ju ze ka’nggiabe bâmra ’mbe piezua ra lei. 21Zai pebung peireige ka’nggiabe bâmra ze nang kai ra lei; zai pebung lungge ze I ne ningchu peirabe samde tingchudepei kena nang kai ra lei. 22Chigene ningchu hedau gu lei, zai ka’nggiabe bâmra peirei gene samdebung peireige kerub kena kakgene ningchu I ’mpau ze Israelme hangge hingde ramme ningchu I pei gu lei.
Herâtewbe Tingkukaibe-kaira
(Eks 37.10-16)
23“Akasia ching ne tewbe kaira nang tew gai ra lei; petâ hangge sâu na, pedit hangge sâu kat, zai pehut hangge sâu kat ze bepi ra lei. 24Chize gechâk ’nchichiakbe ne nang kûm ra zai gechâk ne bekung kûmguâ ra lei. 25Zai chize sâu kat riâ bekung tewgua ra lei, zai gechâk ne bekung kûmguâ ra lei. 26Zai chipau kaira hangge gechâk riagua medai tew lu pemik medai pî ’nsangne ge kai ra lei. 27Bechâp ne chipau kaira puarabe kerigairabe bâm hangge bekung tewgaibe hiage gechâk riagua ramme bam ra lei. 28Akasia ching ne bechâp ramme hangge tew ra lei, zai chize gechâk ne kûm ra lei, zai chipau châp ramme ne chipau kaira ze pua ra lei. 29Zai perîmyibe ’ntaurabe hang hekuak poine benai hekuak ramme, zai wain ruîkeugairabe hangge hepiak benai mâkuakpoine ramme nang tew gai ra lei. 30Zai chipau kaira ge a masuage nguabambe tingku ze nang kaisau mak ze bam ra lei.
Hemibung-kaira
(Eks 37.17-24)
31“Gechâk ’nchichiakbe ne tewbe kachâbungra nang tew ra lei. Bepî benai bechia ze gechâk ne heki ra lei, mâpâ ne bepuâtewbe pengûm ne benai pepâkua ramme ze chige kûmgit kai ra lei, 32zai pebia bia ge bekeî seruk getuapat ra lei, katlam ’mbia kechum chum zeu; 33bekeî ’nsangne ge almond pâ luî gumbe pâ chum, pengûmne benai pepâkuak ramme bambe tew gai ra lei; 34zai kachâbung-kaira chia ge â almond pâ luigumbe pepâ-ngûmne benai pepâkuak ramme bambe medai tew gai ra lei. 35Bekeî ’nsangne kangge mâpâ-ngûmne kat-kat bam ra lei. 36Ma-pâ-ngûmne ramme, bekeî ramme, zai kachâbung-kaira ze pelane dâng kat ge gechâk ’nchichiakbe ne hekihelua gai ra lei, 37Bekaira ge kai ra hangge kachâbung sena tew gai lau, zai besua ’mbia pa’mbi bapatrabe hangge kachâbung ramme teichu ze ’ngking gai be lau. 38Padesip ramme benai ka’ngkingbe kuak ramme ze gechâk ’nchichiakbe ne tew ra lei. 39Kachâbung kaira benai pamerua ramme leine tewrabe hangge gechâk hit himreu ze mengeu ne tew lau. 40Peloa’ntûm ge ningchu I teiliabeibe luigum ze tew ra hangge ’ntîngteî ze tew lau.
Currently Selected:
EKSODAS 25: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 25
25
Ka’nchibe Paîki hangge Kela Peipatbe ramme
(Eks 35.4-9)
1Tingwang ne Mosabe je, 2“A hangge kela peipatbe penui teiwang ra lei be Israelme je rang gai be lau; pe lung gene pei ra ka’nchâbe kau dagene ningnui a hangge kela peipatbe lu ra lei. 3Zai penui dagene peipatbe ningnui lurabe ze â aize de lei: gechâk, gepût, zai kangngâgeî, 4kelangria ka’nzaibe, gieremangbe, zai ’ntologielang ramme benai banutlang kerilube, kemei gêu ramme, 5meli’nsei gei rîmlube ramme, kemei gei ramme, akasia ching, 6kachâbung ramme hangge taudui, ’nnukrabe taudui ramme benai mâ-perîmyibe ’ntaurabe hangge perîmyibe pemung ramme, 7ephod benai tingkume gu mi gapuâ hangge oniks tingchu benai taureugairabe tingchu ramme lu ra lei. 8Zai penui je peize a hangge kakellumbe-paîki tew gai lau, chidezai penui ruage I ’nnai ze bam ra hangge zeu. 9Hera ki benai pelung ge mâ-kaira ramme bamrabe luî tak ningchu I teiliabeibe luigum ze, chipau luigum ze ningnui tew ra lei.
Samhatkaibe Bung
(Eks 37.1-9)
10“Akasia ching ne hechingbung (Bakso) penui tew ra lei; petâ hangge sâu na ze bepi ra lei, zai pedit hangge sâu kat ze bepi ra lei, zai pehut hangge sâu kat ze bepi ra lei. 11Zai nang chize gechâk ’nchichiakbe ne pelung benai hela ze kûm ra lei, zai nang chize gechâk ne bekunghia kûmguâ ra lei. 12Zai gechâk ne tewlube heriagua medai tew lu ze pe pî medai ge gua na ze katlam ’mbia hang zai gua na ze kêda ’mbia hang kai ra lei. 13Akasia ching ne puabe cha hangge nang tew ra lei, zai gechâk ne chize kûm ra lei. 14Zai penui ne puarabe hangge becha ramme pebung hiage gechâk riagua bambe lungge kerigut kai ra lei. 15Pecha ramme ze pebung gu heriagua ramme lungge kai lu bam bam ra lei; chigene chipau ramme ze tukpat mak ra lei. 16Zai chipau hingde bung lungge ze I ne ningchu peirabe ze nang kai ra lei. 17Gechâk ’nchichiakbe ne pegum nang tew gai ra lei; petâ hangge sâu na ze bepi, pedit hangge sâu kat ze bepi, tew gai ra lei. 18Zai ka’nggiabe bâmra ge betû-tû ’mbe kena lam ge gechâk ne hekilube kerubme kena luî nang tew gai ra lei. 19Tû kat ’mbia ge kerub kat luî tew gai, zai kêdabe tû ’mbia kerub kat luî tew gai ra lei; kena lam kerubme bambe ze pegum ge tewhelua gai ra lei. 20Kerubme kena zene bepeirei ge penai kan liâmpat ze, penai kan ne ka’nggiabe bâmra ze liâmnam ra lei, penai ju ze kat-kat lam ’nsua ra lei; kerubme ju ze ka’nggiabe bâmra ’mbe piezua ra lei. 21Zai pebung peireige ka’nggiabe bâmra ze nang kai ra lei; zai pebung lungge ze I ne ningchu peirabe samde tingchudepei kena nang kai ra lei. 22Chigene ningchu hedau gu lei, zai ka’nggiabe bâmra peirei gene samdebung peireige kerub kena kakgene ningchu I ’mpau ze Israelme hangge hingde ramme ningchu I pei gu lei.
Herâtewbe Tingkukaibe-kaira
(Eks 37.10-16)
23“Akasia ching ne tewbe kaira nang tew gai ra lei; petâ hangge sâu na, pedit hangge sâu kat, zai pehut hangge sâu kat ze bepi ra lei. 24Chize gechâk ’nchichiakbe ne nang kûm ra zai gechâk ne bekung kûmguâ ra lei. 25Zai chize sâu kat riâ bekung tewgua ra lei, zai gechâk ne bekung kûmguâ ra lei. 26Zai chipau kaira hangge gechâk riagua medai tew lu pemik medai pî ’nsangne ge kai ra lei. 27Bechâp ne chipau kaira puarabe kerigairabe bâm hangge bekung tewgaibe hiage gechâk riagua ramme bam ra lei. 28Akasia ching ne bechâp ramme hangge tew ra lei, zai chize gechâk ne kûm ra lei, zai chipau châp ramme ne chipau kaira ze pua ra lei. 29Zai perîmyibe ’ntaurabe hang hekuak poine benai hekuak ramme, zai wain ruîkeugairabe hangge hepiak benai mâkuakpoine ramme nang tew gai ra lei. 30Zai chipau kaira ge a masuage nguabambe tingku ze nang kaisau mak ze bam ra lei.
Hemibung-kaira
(Eks 37.17-24)
31“Gechâk ’nchichiakbe ne tewbe kachâbungra nang tew ra lei. Bepî benai bechia ze gechâk ne heki ra lei, mâpâ ne bepuâtewbe pengûm ne benai pepâkua ramme ze chige kûmgit kai ra lei, 32zai pebia bia ge bekeî seruk getuapat ra lei, katlam ’mbia kechum chum zeu; 33bekeî ’nsangne ge almond pâ luî gumbe pâ chum, pengûmne benai pepâkuak ramme bambe tew gai ra lei; 34zai kachâbung-kaira chia ge â almond pâ luigumbe pepâ-ngûmne benai pepâkuak ramme bambe medai tew gai ra lei. 35Bekeî ’nsangne kangge mâpâ-ngûmne kat-kat bam ra lei. 36Ma-pâ-ngûmne ramme, bekeî ramme, zai kachâbung-kaira ze pelane dâng kat ge gechâk ’nchichiakbe ne hekihelua gai ra lei, 37Bekaira ge kai ra hangge kachâbung sena tew gai lau, zai besua ’mbia pa’mbi bapatrabe hangge kachâbung ramme teichu ze ’ngking gai be lau. 38Padesip ramme benai ka’ngkingbe kuak ramme ze gechâk ’nchichiakbe ne tew ra lei. 39Kachâbung kaira benai pamerua ramme leine tewrabe hangge gechâk hit himreu ze mengeu ne tew lau. 40Peloa’ntûm ge ningchu I teiliabeibe luigum ze tew ra hangge ’ntîngteî ze tew lau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.