EKSODAS 13
13
Meraibe Diepat’nchigaibe
1Tingwang ne Mosabe je rang gai ze, 2“Meraibe leine a dage diepat’nchi gai lau; Israelme ruage lungkeurai-raibe ze â ziemmena mei nune kaurui mei zai du, chize a gu lei,” kacheu de lei.
’Nduihîkaimakbe Tingku-ngi
3Zai Mosabe ne baudime je, “Nemai kebang chang ze bambeki gene Ijipram gene ningnui zuapatbe mai ze chibam lau, pe ba ranchibe gene Tingwang ne ningnui je aipau bâm gene nguapat kai bei daseu; ’nduihîkai’ndibe tingku â teu mak ra lei. 4Nemai ge, Kezing kêu ge ningnui zuapat ku de lei. 5Zai Tingwang ge ning peume dage ning hangge pei ra hatkaiberam, tungdui benai ’ngkuidui ne luabe heram Kanaanme ram, Hethme ram, Amorme ram, Hibme ram, zai Jebusme ram ge Tingwang ne ningchu nguawang gai dezai, aipau kêu ge aipau hengi ze nang reibam ra lei. 6Hezie senane ’nduihîkaimakbe tingku nang teu ra lei, zai pasenabe mai dezai Tingwang dage luube-bâm tew gai ra lei. 7’Nduihîkaimakbe tingku ze hezie senane teu ra lei; ’nduihîkaibe tingku â ning dage peize bam mak ra lei, zai ning gu heram lung leine ge ’nduihî peize bam mak ra lei. 8Zai chipau mai ning name je nang salia ra lei, ‘Ijip gene I zuapatbe luage Tingwang ne a hangge tewgaibeibe ziegene aize chang de lei’ acheu zeu. 9Tingwang ne pe ba ranchi ne ningchu Ijipram gene nguapat kai bei daze, Tingwang gu hingde ze ning mui ge bamchi le ra ning hangge aize ne ning ba ge ’nchetkai’ndibe gum zai ning telie ge chibamrabe zat hang gum chang ra de lei. 10Chidaze patingkum ’nsangne riagai’ndibe hî sing ge aipau hingde ze nang reibam ra lei.
Lungkeuraibe
11“Zai Tingwang ne nang benai ning peume dage hatkai’ndibe luigum ze Kanaanme dei ge pa ne ningchu nguawang gai dezai, chize ningchu pei gai dezai, 12lungkeuraibe leine Tingwang dage nang lupatchâm gai ra lei. Ning gu kaurui beseipoine ramme ’nnakeuraibe leine ze â Tingwang gu chang ra de lei. 13Hekunmerângne lungkeuraibe leine ze meli’nseipoine ne nang ’nri ra lei, nune chize nang ne ’nri makchai â nang ne pe guang ze keriakpup ne ra lei. Ning name ruage ziemmena lungkeuraîlangbe (meraibe) leine je â nang ’nri ra lei. 14Zai bechâng dezai ning na ne, ‘Aipau rimba ze ’ndaikau lau?’ ze ningchu ’nneu lêuzai â nang ne pechu, ‘Pe ba ranchibe gene Tingwang ne kebang chang ze bambeki, Ijipram gene anui je nguapat kai bei de lei. 15Pharaobe ne pe lungchibe gene anui je tat ra peimeu ze bambe ting ge Ijipram ge ziemmena meraibe benai hekaune ’nnakeube keraîbe leine je Tingwang ne gîchat kam ’ndi de lei. Chipauziegene kaurui ’nnakeuraibe besei leine ze Tingwang dage I herâtew gai de lei. Kane a name ruage meraibe leine je â I ne ka’nri lei’ ze acheu ra lei. 16Chize ning ba ge ’nchetkaibe gum chang ze, zai ning telie ge teiliabe gum chang ra lei; pe ba ranchibe gene Tingwang ne Ijipram gene anui je nguapat kai bei daseu,” kacheu de lei.
Kemâukang benai Hemimelei
17Pharaobe ne Israelme je tat ra ’mpatkaibe luage, chipau ’mpuî ze na ze bam sede Philistinme ram ’mpuî gene Hera ne penui je nguatat mak te lei; Hera ne, “Baudime herei ngau dezai penui lung keli dai ze Ijipram ’mbe helatwang dai mak ra hangge zeu,” kacheu daseu. 18Kane Hera ne baudime je hênamchangbe heram ’mpuî ’mbe nguaguatat ze Kegiebe Sungkling ’mbe tat kai de lei. Zai Israelme â herei hangge hereimerua kedâ lu ze Ijipram gene hang de lei. 19Zai Mosabe ne pe dage Josepbe ra ramme tei lu ze tat te lei; Josepbe ne Israelme dage samhat kai ze, “Hera ne ningnui je ’ngkiâmie gu lei; chidezai aigene a ra ramme ze ningnui dage teitat himchang ra de lei,” kacheu daseu. 20Zai Sukkoth gene penui tat’nduâtat ze hênamchangbe heram hiage Etham ge tejeîki tew’ndui gai de lei. 21Penui kemuî-keba tebeîtewchi le ra hangge penui ’mpuîki ngualiâ le ra hang ’nrîmbeting ge kemâukang gene zai penui je kebabe pei ra hang tingmuî ge hemi sapbe gene Tingwang ne penui sua raîtat ze bâm de lei. 22’Nrîmbeting ge kemâukang zai tingmuî ge hemimelei sapbe ze baudime dagene tatrimna mak lei.
Currently Selected:
EKSODAS 13: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 13
13
Meraibe Diepat’nchigaibe
1Tingwang ne Mosabe je rang gai ze, 2“Meraibe leine a dage diepat’nchi gai lau; Israelme ruage lungkeurai-raibe ze â ziemmena mei nune kaurui mei zai du, chize a gu lei,” kacheu de lei.
’Nduihîkaimakbe Tingku-ngi
3Zai Mosabe ne baudime je, “Nemai kebang chang ze bambeki gene Ijipram gene ningnui zuapatbe mai ze chibam lau, pe ba ranchibe gene Tingwang ne ningnui je aipau bâm gene nguapat kai bei daseu; ’nduihîkai’ndibe tingku â teu mak ra lei. 4Nemai ge, Kezing kêu ge ningnui zuapat ku de lei. 5Zai Tingwang ge ning peume dage ning hangge pei ra hatkaiberam, tungdui benai ’ngkuidui ne luabe heram Kanaanme ram, Hethme ram, Amorme ram, Hibme ram, zai Jebusme ram ge Tingwang ne ningchu nguawang gai dezai, aipau kêu ge aipau hengi ze nang reibam ra lei. 6Hezie senane ’nduihîkaimakbe tingku nang teu ra lei, zai pasenabe mai dezai Tingwang dage luube-bâm tew gai ra lei. 7’Nduihîkaimakbe tingku ze hezie senane teu ra lei; ’nduihîkaibe tingku â ning dage peize bam mak ra lei, zai ning gu heram lung leine ge ’nduihî peize bam mak ra lei. 8Zai chipau mai ning name je nang salia ra lei, ‘Ijip gene I zuapatbe luage Tingwang ne a hangge tewgaibeibe ziegene aize chang de lei’ acheu zeu. 9Tingwang ne pe ba ranchi ne ningchu Ijipram gene nguapat kai bei daze, Tingwang gu hingde ze ning mui ge bamchi le ra ning hangge aize ne ning ba ge ’nchetkai’ndibe gum zai ning telie ge chibamrabe zat hang gum chang ra de lei. 10Chidaze patingkum ’nsangne riagai’ndibe hî sing ge aipau hingde ze nang reibam ra lei.
Lungkeuraibe
11“Zai Tingwang ne nang benai ning peume dage hatkai’ndibe luigum ze Kanaanme dei ge pa ne ningchu nguawang gai dezai, chize ningchu pei gai dezai, 12lungkeuraibe leine Tingwang dage nang lupatchâm gai ra lei. Ning gu kaurui beseipoine ramme ’nnakeuraibe leine ze â Tingwang gu chang ra de lei. 13Hekunmerângne lungkeuraibe leine ze meli’nseipoine ne nang ’nri ra lei, nune chize nang ne ’nri makchai â nang ne pe guang ze keriakpup ne ra lei. Ning name ruage ziemmena lungkeuraîlangbe (meraibe) leine je â nang ’nri ra lei. 14Zai bechâng dezai ning na ne, ‘Aipau rimba ze ’ndaikau lau?’ ze ningchu ’nneu lêuzai â nang ne pechu, ‘Pe ba ranchibe gene Tingwang ne kebang chang ze bambeki, Ijipram gene anui je nguapat kai bei de lei. 15Pharaobe ne pe lungchibe gene anui je tat ra peimeu ze bambe ting ge Ijipram ge ziemmena meraibe benai hekaune ’nnakeube keraîbe leine je Tingwang ne gîchat kam ’ndi de lei. Chipauziegene kaurui ’nnakeuraibe besei leine ze Tingwang dage I herâtew gai de lei. Kane a name ruage meraibe leine je â I ne ka’nri lei’ ze acheu ra lei. 16Chize ning ba ge ’nchetkaibe gum chang ze, zai ning telie ge teiliabe gum chang ra lei; pe ba ranchibe gene Tingwang ne Ijipram gene anui je nguapat kai bei daseu,” kacheu de lei.
Kemâukang benai Hemimelei
17Pharaobe ne Israelme je tat ra ’mpatkaibe luage, chipau ’mpuî ze na ze bam sede Philistinme ram ’mpuî gene Hera ne penui je nguatat mak te lei; Hera ne, “Baudime herei ngau dezai penui lung keli dai ze Ijipram ’mbe helatwang dai mak ra hangge zeu,” kacheu daseu. 18Kane Hera ne baudime je hênamchangbe heram ’mpuî ’mbe nguaguatat ze Kegiebe Sungkling ’mbe tat kai de lei. Zai Israelme â herei hangge hereimerua kedâ lu ze Ijipram gene hang de lei. 19Zai Mosabe ne pe dage Josepbe ra ramme tei lu ze tat te lei; Josepbe ne Israelme dage samhat kai ze, “Hera ne ningnui je ’ngkiâmie gu lei; chidezai aigene a ra ramme ze ningnui dage teitat himchang ra de lei,” kacheu daseu. 20Zai Sukkoth gene penui tat’nduâtat ze hênamchangbe heram hiage Etham ge tejeîki tew’ndui gai de lei. 21Penui kemuî-keba tebeîtewchi le ra hangge penui ’mpuîki ngualiâ le ra hang ’nrîmbeting ge kemâukang gene zai penui je kebabe pei ra hang tingmuî ge hemi sapbe gene Tingwang ne penui sua raîtat ze bâm de lei. 22’Nrîmbeting ge kemâukang zai tingmuî ge hemimelei sapbe ze baudime dagene tatrimna mak lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.