Fakahā 2
2
Ko e Tohi ki ‘Efesō
1Tohi eni ki he ‘āngelo ‘o e Siasi ‘o ‘Efesoó:
“Ko au ‘oku ou pukepuke ‘a e fitu‘i fetu‘ú ‘i hoku nima to‘omata‘ú mo ‘alu holo he vahavaha‘a tu‘unga-maama koula ‘e fitú. Mou fanongo ki he me‘a te u tala atú.
2‘Oku ou ‘ilo‘i ho‘omou me‘a kotoa kuo faí, ‘a ho‘omou fakafitefita‘á mo ho‘omou fa‘a kātakí. ‘Oku ou ‘ilo‘i foki ‘a e ‘ikai ke mou makātaki‘i ha taha faikovi, ‘o hangē ko ho‘omou sivisivi‘i ‘a e ni‘ihi na‘a nau tala ko e kau ‘apōsitolo, ka tā ko e kau kākā kinautolu. 3Na‘a mou ‘ūkuma mo fou he ngaahi faingata‘a koe‘uhí ko au, pea kuo ‘ikai ke mou tukulolo.
4Ka neongo ia, ‘oku ‘i ai pē e me‘a ‘oku ou ta‘e fiemālie ai ‘iate kimoutolu. He kuo hōloa ho‘omou mu‘aki ‘ofá. 5Vakai ange ki he tu‘unga kuo mou fakaholomui mei aí, pea mou tafoki leva ‘o fai e ‘ulungāanga na‘a mou tomu‘a ‘i aí. Kapau he‘ikai ke mou fei mo tafoki, te u a‘u atu ‘o to‘o ho‘omou tu‘unga-māmá. 6Ka ‘oku ‘i ai mo ha me‘a ‘oku mou fai totonu ai, ko ho‘omou fehi‘a he ngaahi me‘a ‘oku fai ‘e he kau Nikolaitaní, ‘a ia ‘oku ou fehi‘a ai mo au.
7‘Oku mou lau ko e kakai telinga ongo kimoutolu, pea mou fakafanongo ki he me‘a ‘oku tala ‘e he Laumālié ki he ngaahi siasí. He ko kinautolu kotoa pē ‘e ikuná, te u faka‘atā ke nau kai he fua e fu‘u ‘akau ‘o e mo‘uí ‘oku tu‘u ‘i he loto Ngoue ‘a e ‘Otuá.”
Ko e Tohi ki Sīmana
8Ko e tohi eni te ke fai ki he ‘āngelo ‘o e Siasi ‘i Símaná:
“Ko au ‘a e ‘uluakí mo e faka‘osí. Na‘á ku mate, ka kuó u mo‘ui. Pea mou fanongo mai ki he me‘a te u tala atú.
9‘Oku ou ‘ilo‘i ‘a e lahi ho‘omou faingata‘a‘iá, pea mo ho‘omou masivá. Ka ‘oku mou koloa‘ia.
Pea ‘oku ou ‘ilo‘i foki mo e ngaahi lau kovi ‘oku fai kiate kimoutolu ‘e he kakai ‘oku nau tala ko e kau Siu kinautolu, ka ‘oku ‘ikaí. He ko e kakai kinautolu ia ‘a Sētane.
10‘Oua ‘e hoha‘a ki he ngaahi me‘a te mou faingata‘a‘ia aí. ‘E fakahū pilīsone ha ni‘ihi ‘iate kimoutolu ‘e he tēvoló, pea ‘e ‘ahi‘ahi‘i ai kimoutolu mo fakamamahi‘i ‘o fe‘unga mo ha ‘aho ‘e hongofulu. Pea kapau te mou tu‘u ma‘u ‘o a‘u ki he mate, pea te u fakapale‘i‘aki kimoutolu ha mo‘ui lāngilangi‘ia.
11Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku tala ‘e he Laumālié ki he ngaahi siasí. Ko kinautolu kotoa pē ‘e ikuná, he‘ikai ke lave ki ai e mate ‘angauá.”
Ko e Tohi ki Peakamosi
12Ko e tohi eni te ke fai ki he ‘āngelo ‘o e Siasi ‘i Peakamosí:
“Ko au ‘oku ‘i ai ‘a e heletā ‘oku māsila mo fakatoumatá.
Mou fanongo mai ki he me‘a te u tala atú.
13‘Oku ou ‘ilo‘i ho‘omou nofo he kolo ‘oku taloni ai ‘a Sētané. Ka kuo mou mateaki‘i hoku hingoá, pea na’e ‘ikai ke mou lī‘aki ho‘omou tui kiate aú, ‘i hono fakapoongi ko ē ‘e Sētane ‘eku tamaio‘eiki falala‘anga ko ‘Anitipasá.
14Ka ‘oku ‘i ai ha ngaahi me‘a ‘oku ou ta‘e fiemālie ai ‘iate kimoutolu! Kuo muimui e ni‘ihi ‘iate kimoutolu he fakahinohino ‘a Pēlamí. Ko Pēlami foki na‘á ne fekau ‘a Pēlaki ‘i ono‘aho ke ako‘i e kakai ‘Isilelí ke nau kai e me‘atokoni kuo ‘osi fai-‘aki e ngaahi feilaulau ki he ngaahi tamapua, mo mo‘ui fe‘auaki. 15Pea ‘oku ‘i ai foki mo e ni‘ihi ‘iate kimoutolu kuo muimui he fakahinohino ‘a e kau Nikolaitaní. 16Mou fei mo tafoki mai. He ka ‘ikai, pea te u ‘alu atu ‘o tau mo e kakai ko ená. Pea ‘e tutu‘u kinautolu ‘aki e heletā ‘oku ‘alu atu mei hoku ngutú.
17Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku tala ‘e he Laumālié ki he ngaahi siasí. Ko kinautolu kotoa pē ‘e ikuná, te u ‘oange hanau ‘inasi he me‘atokoni fufuú. Pea te u toe ‘oange kiate kinautolu taki taha mo ha fo‘i maka hinehina kuo tohi ai ha hingoa fo‘ou. Pea he‘ikai ke ‘ilo ‘e ha taha ‘a e hingoá, ngata pē he toko taha ‘oku ‘oange ki ai ‘a e fo‘i maká.”
Ko e Tohi ki Taiātaila
18Pea ko e tohi eni te ke fai ki he ‘āngelo ‘o e siasi ‘i Taiatailá:
“Ko e Foha au ‘o e ‘Otuá. ‘Oku hangē hoku matá ha afi kakahá, pea hangē hoku va‘é ko ha palasá. Mou fanongo ki he me‘a te u tala atú.
19‘Oku ou ‘ilo kānokano kimoutolu, ‘a ho‘omou ‘ofá, mo ho‘omou tuí, mo ho‘omou fai fatongiá, pea mo ho‘omou fa‘a kātakí. ‘Oku ou ‘ilo ‘e au e mahulu atu ‘a e ngāue ‘oku mou lolotonga faí ‘i ho‘omou ngāue ko ē he kamata‘angá. 20Ka ‘oku ‘i ai pē e me‘a ‘oku ou ta‘e fiemālie ai ‘iate kimoutolu koe‘uhí ko e fefine ko ena ko Sisipeli. ‘Okú ne tala ko ha palōfita ia, pea ‘oku mou tali pē ke ne ako‘i mo takihala‘i ‘eku kau tamaio‘eikí ke nau fe‘auaki mo ma‘u e me‘akai kuo fai‘aki e feilaulau ki he ngaahi tamapuá. 21Na‘á ku ‘osi tuku ange hono faingamālie ke afe mei he‘ene ngaahi angahalá, ka na‘e ‘ikai ke ne loto ke tuku ‘ene fai fakalieliá.
22Te u taa‘i ‘a Sisipeli. Pea ko kinautolu kotoa pē ‘oku nau kaungāfai fakalielia mo iá, te u tautea kinautolu ‘o kapau he‘ikai ke tuku. 23Pea te u tāmate‘i ai pē mo e kakai ‘oku nau muimui kiate iá, pea ‘e toki mahino ai ki he ngaahi siasí tā ‘oku ou ‘ilo‘i e fakakaukau mo e loto ‘o e toko taha kotoa pē. Te u ‘oatu ‘e au homou taki taha tuha.
24Ka ‘oku ‘ikai ke muimui ‘a e ni‘ihi ‘iate kimoutolu ‘i Taiātailá na kia Sisipeli. ‘Oku mou mātu‘aki sola kimoutolu ki he ngaahi me‘a ‘oku ui ‘e he fa‘ahinga ‘oku muimui ki aí ko e ‘ngaahi fakapulipuli loloto ‘a Sētane,’ pea he‘ikai ai te u toe fakakavenga‘i kimoutolu ‘aki ha toe fekau kehe.
25Ka mou piki ki he ngaahi fakahinohino kuo ‘oatú kae ‘oua ke u a‘u atu.
26Pea ko kinautolu kotoa pē ‘e ikuna mo talangofua kiate au ‘o a‘u ki he ngata‘angá, te u ‘oange kiate kinautolu ‘a e mafai ke pule ki he ngaahi pule‘angá. 27Te u ‘oange mo‘onautolu tāutaha ‘a e mafai pē ko ia kuo foaki mai mo‘oku ‘e he‘eku Tamaí. Pea te nau pule‘i e ngaahi pule‘angá ‘aki ha tokotoko ukamea mo laiki e tukui kakai ko iá ‘o hangē tofu pē ko ha ngaahi kulo ‘umea kinautolu. 28Te u toe ‘oange mo‘onautolu e fetu‘u ‘ahó.
29Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku lea‘aki atu ‘e he Laumālié ki he ngaahi siasí.”
Currently Selected:
Fakahā 2: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Fakahā 2
2
Ko e Tohi ki ‘Efesō
1Tohi eni ki he ‘āngelo ‘o e Siasi ‘o ‘Efesoó:
“Ko au ‘oku ou pukepuke ‘a e fitu‘i fetu‘ú ‘i hoku nima to‘omata‘ú mo ‘alu holo he vahavaha‘a tu‘unga-maama koula ‘e fitú. Mou fanongo ki he me‘a te u tala atú.
2‘Oku ou ‘ilo‘i ho‘omou me‘a kotoa kuo faí, ‘a ho‘omou fakafitefita‘á mo ho‘omou fa‘a kātakí. ‘Oku ou ‘ilo‘i foki ‘a e ‘ikai ke mou makātaki‘i ha taha faikovi, ‘o hangē ko ho‘omou sivisivi‘i ‘a e ni‘ihi na‘a nau tala ko e kau ‘apōsitolo, ka tā ko e kau kākā kinautolu. 3Na‘a mou ‘ūkuma mo fou he ngaahi faingata‘a koe‘uhí ko au, pea kuo ‘ikai ke mou tukulolo.
4Ka neongo ia, ‘oku ‘i ai pē e me‘a ‘oku ou ta‘e fiemālie ai ‘iate kimoutolu. He kuo hōloa ho‘omou mu‘aki ‘ofá. 5Vakai ange ki he tu‘unga kuo mou fakaholomui mei aí, pea mou tafoki leva ‘o fai e ‘ulungāanga na‘a mou tomu‘a ‘i aí. Kapau he‘ikai ke mou fei mo tafoki, te u a‘u atu ‘o to‘o ho‘omou tu‘unga-māmá. 6Ka ‘oku ‘i ai mo ha me‘a ‘oku mou fai totonu ai, ko ho‘omou fehi‘a he ngaahi me‘a ‘oku fai ‘e he kau Nikolaitaní, ‘a ia ‘oku ou fehi‘a ai mo au.
7‘Oku mou lau ko e kakai telinga ongo kimoutolu, pea mou fakafanongo ki he me‘a ‘oku tala ‘e he Laumālié ki he ngaahi siasí. He ko kinautolu kotoa pē ‘e ikuná, te u faka‘atā ke nau kai he fua e fu‘u ‘akau ‘o e mo‘uí ‘oku tu‘u ‘i he loto Ngoue ‘a e ‘Otuá.”
Ko e Tohi ki Sīmana
8Ko e tohi eni te ke fai ki he ‘āngelo ‘o e Siasi ‘i Símaná:
“Ko au ‘a e ‘uluakí mo e faka‘osí. Na‘á ku mate, ka kuó u mo‘ui. Pea mou fanongo mai ki he me‘a te u tala atú.
9‘Oku ou ‘ilo‘i ‘a e lahi ho‘omou faingata‘a‘iá, pea mo ho‘omou masivá. Ka ‘oku mou koloa‘ia.
Pea ‘oku ou ‘ilo‘i foki mo e ngaahi lau kovi ‘oku fai kiate kimoutolu ‘e he kakai ‘oku nau tala ko e kau Siu kinautolu, ka ‘oku ‘ikaí. He ko e kakai kinautolu ia ‘a Sētane.
10‘Oua ‘e hoha‘a ki he ngaahi me‘a te mou faingata‘a‘ia aí. ‘E fakahū pilīsone ha ni‘ihi ‘iate kimoutolu ‘e he tēvoló, pea ‘e ‘ahi‘ahi‘i ai kimoutolu mo fakamamahi‘i ‘o fe‘unga mo ha ‘aho ‘e hongofulu. Pea kapau te mou tu‘u ma‘u ‘o a‘u ki he mate, pea te u fakapale‘i‘aki kimoutolu ha mo‘ui lāngilangi‘ia.
11Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku tala ‘e he Laumālié ki he ngaahi siasí. Ko kinautolu kotoa pē ‘e ikuná, he‘ikai ke lave ki ai e mate ‘angauá.”
Ko e Tohi ki Peakamosi
12Ko e tohi eni te ke fai ki he ‘āngelo ‘o e Siasi ‘i Peakamosí:
“Ko au ‘oku ‘i ai ‘a e heletā ‘oku māsila mo fakatoumatá.
Mou fanongo mai ki he me‘a te u tala atú.
13‘Oku ou ‘ilo‘i ho‘omou nofo he kolo ‘oku taloni ai ‘a Sētané. Ka kuo mou mateaki‘i hoku hingoá, pea na’e ‘ikai ke mou lī‘aki ho‘omou tui kiate aú, ‘i hono fakapoongi ko ē ‘e Sētane ‘eku tamaio‘eiki falala‘anga ko ‘Anitipasá.
14Ka ‘oku ‘i ai ha ngaahi me‘a ‘oku ou ta‘e fiemālie ai ‘iate kimoutolu! Kuo muimui e ni‘ihi ‘iate kimoutolu he fakahinohino ‘a Pēlamí. Ko Pēlami foki na‘á ne fekau ‘a Pēlaki ‘i ono‘aho ke ako‘i e kakai ‘Isilelí ke nau kai e me‘atokoni kuo ‘osi fai-‘aki e ngaahi feilaulau ki he ngaahi tamapua, mo mo‘ui fe‘auaki. 15Pea ‘oku ‘i ai foki mo e ni‘ihi ‘iate kimoutolu kuo muimui he fakahinohino ‘a e kau Nikolaitaní. 16Mou fei mo tafoki mai. He ka ‘ikai, pea te u ‘alu atu ‘o tau mo e kakai ko ená. Pea ‘e tutu‘u kinautolu ‘aki e heletā ‘oku ‘alu atu mei hoku ngutú.
17Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku tala ‘e he Laumālié ki he ngaahi siasí. Ko kinautolu kotoa pē ‘e ikuná, te u ‘oange hanau ‘inasi he me‘atokoni fufuú. Pea te u toe ‘oange kiate kinautolu taki taha mo ha fo‘i maka hinehina kuo tohi ai ha hingoa fo‘ou. Pea he‘ikai ke ‘ilo ‘e ha taha ‘a e hingoá, ngata pē he toko taha ‘oku ‘oange ki ai ‘a e fo‘i maká.”
Ko e Tohi ki Taiātaila
18Pea ko e tohi eni te ke fai ki he ‘āngelo ‘o e siasi ‘i Taiatailá:
“Ko e Foha au ‘o e ‘Otuá. ‘Oku hangē hoku matá ha afi kakahá, pea hangē hoku va‘é ko ha palasá. Mou fanongo ki he me‘a te u tala atú.
19‘Oku ou ‘ilo kānokano kimoutolu, ‘a ho‘omou ‘ofá, mo ho‘omou tuí, mo ho‘omou fai fatongiá, pea mo ho‘omou fa‘a kātakí. ‘Oku ou ‘ilo ‘e au e mahulu atu ‘a e ngāue ‘oku mou lolotonga faí ‘i ho‘omou ngāue ko ē he kamata‘angá. 20Ka ‘oku ‘i ai pē e me‘a ‘oku ou ta‘e fiemālie ai ‘iate kimoutolu koe‘uhí ko e fefine ko ena ko Sisipeli. ‘Okú ne tala ko ha palōfita ia, pea ‘oku mou tali pē ke ne ako‘i mo takihala‘i ‘eku kau tamaio‘eikí ke nau fe‘auaki mo ma‘u e me‘akai kuo fai‘aki e feilaulau ki he ngaahi tamapuá. 21Na‘á ku ‘osi tuku ange hono faingamālie ke afe mei he‘ene ngaahi angahalá, ka na‘e ‘ikai ke ne loto ke tuku ‘ene fai fakalieliá.
22Te u taa‘i ‘a Sisipeli. Pea ko kinautolu kotoa pē ‘oku nau kaungāfai fakalielia mo iá, te u tautea kinautolu ‘o kapau he‘ikai ke tuku. 23Pea te u tāmate‘i ai pē mo e kakai ‘oku nau muimui kiate iá, pea ‘e toki mahino ai ki he ngaahi siasí tā ‘oku ou ‘ilo‘i e fakakaukau mo e loto ‘o e toko taha kotoa pē. Te u ‘oatu ‘e au homou taki taha tuha.
24Ka ‘oku ‘ikai ke muimui ‘a e ni‘ihi ‘iate kimoutolu ‘i Taiātailá na kia Sisipeli. ‘Oku mou mātu‘aki sola kimoutolu ki he ngaahi me‘a ‘oku ui ‘e he fa‘ahinga ‘oku muimui ki aí ko e ‘ngaahi fakapulipuli loloto ‘a Sētane,’ pea he‘ikai ai te u toe fakakavenga‘i kimoutolu ‘aki ha toe fekau kehe.
25Ka mou piki ki he ngaahi fakahinohino kuo ‘oatú kae ‘oua ke u a‘u atu.
26Pea ko kinautolu kotoa pē ‘e ikuna mo talangofua kiate au ‘o a‘u ki he ngata‘angá, te u ‘oange kiate kinautolu ‘a e mafai ke pule ki he ngaahi pule‘angá. 27Te u ‘oange mo‘onautolu tāutaha ‘a e mafai pē ko ia kuo foaki mai mo‘oku ‘e he‘eku Tamaí. Pea te nau pule‘i e ngaahi pule‘angá ‘aki ha tokotoko ukamea mo laiki e tukui kakai ko iá ‘o hangē tofu pē ko ha ngaahi kulo ‘umea kinautolu. 28Te u toe ‘oange mo‘onautolu e fetu‘u ‘ahó.
29Ko ena ‘oku mou lau kimoutolu ko e kakai telinga ongo, pea mou fakafanongo ā ki he me‘a ‘oku lea‘aki atu ‘e he Laumālié ki he ngaahi siasí.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.