RUTH 3
3
Ruth Yamkhünbuh Ngükhi
1Ju dunglim Naominü Ruth ki tha, “I tsah-a, nü tsüde alashihpü thsüde inü nü yamkhünrü müyimjihbea de? 2Kheakü Boaz, shepü yamlaberü lung nü rhimokhea, api isa buhtsührü khung yung de? Kheahang, api khihre rhimopung ching barli hi yünbah. 3Jumonü müsühmürabah rhümthüneabe mujumüraang, tüsho khimmih atsübe yihbah api hi nitpung ching yüang, tüshe api mütsühyungkhamki nü ju ching lah de dümükheahshih. 4Api yappung mütsanmükhiang, tüsho api yapshe shu, yübah khim lokhia bahjihbah ajing kheak yapang. Tümü thsübanü apinü nü ki thabah.”
5Ruthnü alo, “Nünü athakhi alala inü arhimobah.”
6Junangde Ruthnü pung ching yübah aninü athakhi nangde rhimo. 7Küyimki Boaz tsühyungkhamkhea, api asühkhi ching lakheah. Tüsho hi wumujungkhi yean yünü yap. Judüki Ruthnü mükhihde tsahde arübah khim lokhia bahbahle ajing kheak yap. 8Tsüngphulung ching Boaz lümrhangbah zuhphülap, tüsho ajing kheak alibe yapkhi ngübah müyinsah, 9“Nü shea?” de apinü keokhi. Alibenü alo, “I nü yamlarü Ruth ah, tümüde nü ju betsührü khung ah, jumonü muzhobahle I luang.”
10“I tsah-a, Atungpuhnü nü mügühjang,” apinü tha. “Nünü atan nü ni muzhokhi kheaknü kheakü I kheak atobe amuzho huhdo. Junangde nünü alarü yungsho zhochihrü thrürü mümüsham. 11Ruth, mulong düsansan, nünü amulongkhi nangde inü alala rhimobah, tümüde kiuto ching larü alalanü nü athülünkhi liberü ah de mükheahlah. 12Ha thiyuro, I betsührü khung ah, tüshe mihtsürü khülang I kheaknü alü betsührü khung lah. 13Khihre ha ching yapang tüsho shido apinü nü rhokhitsho tsülah, tüshe apinü mürhokhitnesho inü arhokhitbah de arhang labuh Atungpuh mung chingnü alokhichoh. Jumonü yapsu khiungde ha ching yapang.”
14Jumonü alibenü yapsu khiungde ajing kheak yap, tüsho hanrü-akiu mümütsanchokinü asürü. Tüsho apinü tha, “ Alibe rhimopung ching arükheah de dümükheahshih.” 15Boaznü alibe ki tha, “Nü khim yihkhitbahle trüna zoang,” alibenü anide rhimo, tüsho apinü barli hi thuruk ki adüna yukjihbah angam kheak shuhkihjih. Jushu alibenü hanbah kiuto lim alode yü. 16Küyimki thüyam khiungkhea, aninü keokhi, “I tsah-a, küde thsah ayükhea?”
Anihbe thsungkheak Boaznü arhimokhi kimkethürü Ruthnü ani ki thaa huh. 17Anihbenü tha, “I khah keangkeang nü kilim malodarübeah de apinü I ki tha, jumonü apinü ha barli hi thuruk ki adüna jihkheah.”
18Naominü anihbe ki tha, “I tsah-a, harü alala müzanzhakchokia keamde binang. Tümüde khihni ha müzanzhakchokia api keamramde müla.”
Currently Selected:
RUTH 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
RUTH 3
3
Ruth Yamkhünbuh Ngükhi
1Ju dunglim Naominü Ruth ki tha, “I tsah-a, nü tsüde alashihpü thsüde inü nü yamkhünrü müyimjihbea de? 2Kheakü Boaz, shepü yamlaberü lung nü rhimokhea, api isa buhtsührü khung yung de? Kheahang, api khihre rhimopung ching barli hi yünbah. 3Jumonü müsühmürabah rhümthüneabe mujumüraang, tüsho khimmih atsübe yihbah api hi nitpung ching yüang, tüshe api mütsühyungkhamki nü ju ching lah de dümükheahshih. 4Api yappung mütsanmükhiang, tüsho api yapshe shu, yübah khim lokhia bahjihbah ajing kheak yapang. Tümü thsübanü apinü nü ki thabah.”
5Ruthnü alo, “Nünü athakhi alala inü arhimobah.”
6Junangde Ruthnü pung ching yübah aninü athakhi nangde rhimo. 7Küyimki Boaz tsühyungkhamkhea, api asühkhi ching lakheah. Tüsho hi wumujungkhi yean yünü yap. Judüki Ruthnü mükhihde tsahde arübah khim lokhia bahbahle ajing kheak yap. 8Tsüngphulung ching Boaz lümrhangbah zuhphülap, tüsho ajing kheak alibe yapkhi ngübah müyinsah, 9“Nü shea?” de apinü keokhi. Alibenü alo, “I nü yamlarü Ruth ah, tümüde nü ju betsührü khung ah, jumonü muzhobahle I luang.”
10“I tsah-a, Atungpuhnü nü mügühjang,” apinü tha. “Nünü atan nü ni muzhokhi kheaknü kheakü I kheak atobe amuzho huhdo. Junangde nünü alarü yungsho zhochihrü thrürü mümüsham. 11Ruth, mulong düsansan, nünü amulongkhi nangde inü alala rhimobah, tümüde kiuto ching larü alalanü nü athülünkhi liberü ah de mükheahlah. 12Ha thiyuro, I betsührü khung ah, tüshe mihtsürü khülang I kheaknü alü betsührü khung lah. 13Khihre ha ching yapang tüsho shido apinü nü rhokhitsho tsülah, tüshe apinü mürhokhitnesho inü arhokhitbah de arhang labuh Atungpuh mung chingnü alokhichoh. Jumonü yapsu khiungde ha ching yapang.”
14Jumonü alibenü yapsu khiungde ajing kheak yap, tüsho hanrü-akiu mümütsanchokinü asürü. Tüsho apinü tha, “ Alibe rhimopung ching arükheah de dümükheahshih.” 15Boaznü alibe ki tha, “Nü khim yihkhitbahle trüna zoang,” alibenü anide rhimo, tüsho apinü barli hi thuruk ki adüna yukjihbah angam kheak shuhkihjih. Jushu alibenü hanbah kiuto lim alode yü. 16Küyimki thüyam khiungkhea, aninü keokhi, “I tsah-a, küde thsah ayükhea?”
Anihbe thsungkheak Boaznü arhimokhi kimkethürü Ruthnü ani ki thaa huh. 17Anihbenü tha, “I khah keangkeang nü kilim malodarübeah de apinü I ki tha, jumonü apinü ha barli hi thuruk ki adüna jihkheah.”
18Naominü anihbe ki tha, “I tsah-a, harü alala müzanzhakchokia keamde binang. Tümüde khihni ha müzanzhakchokia api keamramde müla.”
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.