AMIKHEAKAKHIUKKHI 1
1
1Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih, 2apinü anihbuhnü angükhi alala ki Thrünpuh yu tüsho Jisu Khrista thiyumütsan thsü. 3Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.
Borü Thüne kilim Salümbo
4 #
Ami 4.5
Johan kilimnü,
Asia ching lakhi borü thüne kilim:
Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang, 5tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü.
Isa muzhobuh tüsho api thiyih hode isa neakbo chingnü isa zuzu kamshihkhi 6#Ami 5.10tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen. 7#Mt 24.30; Mk 13.26; Lk 21.27; 1 Tes 4.17; Jhn 19.34,37; Mt 24.30Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.
8 #
Ami 22.13
Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”
Khrista Michih
9I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah. 10I Atungpuh nimung Me ching lakheah, tüsho hulipungpung nangde düsheak achangnü I dunglim so, 11hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”
12Judüki I ki asukkhi düsheak kheahpü inü rholo, tüsho suna tsünpung dubopung thüne ngü, 13tüsho tsünpung dubopung bolung mihtsürü tsührü nangde, shulünkhim müphü khiungde yih tüsho suna pangrümbenü atreang mükamde rüma lakheah; 14api ku tüsho api kuyü ju alamlam hing müye, phürüm müyekhi nangde alakheah; amükbo ju motru nangde, 15api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah; 16api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.
17 #
Ami 2.8; 22.13 Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam, 18tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah. 19Kheakü nünü tümü ngücho, tümü la tüsho ha dunglim tümü dünjipü lanü thrütang. 20I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.
Currently Selected:
AMIKHEAKAKHIUKKHI 1: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 1
1
1Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih, 2apinü anihbuhnü angükhi alala ki Thrünpuh yu tüsho Jisu Khrista thiyumütsan thsü. 3Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.
Borü Thüne kilim Salümbo
4 #
Ami 4.5
Johan kilimnü,
Asia ching lakhi borü thüne kilim:
Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang, 5tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü.
Isa muzhobuh tüsho api thiyih hode isa neakbo chingnü isa zuzu kamshihkhi 6#Ami 5.10tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen. 7#Mt 24.30; Mk 13.26; Lk 21.27; 1 Tes 4.17; Jhn 19.34,37; Mt 24.30Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.
8 #
Ami 22.13
Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”
Khrista Michih
9I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah. 10I Atungpuh nimung Me ching lakheah, tüsho hulipungpung nangde düsheak achangnü I dunglim so, 11hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”
12Judüki I ki asukkhi düsheak kheahpü inü rholo, tüsho suna tsünpung dubopung thüne ngü, 13tüsho tsünpung dubopung bolung mihtsürü tsührü nangde, shulünkhim müphü khiungde yih tüsho suna pangrümbenü atreang mükamde rüma lakheah; 14api ku tüsho api kuyü ju alamlam hing müye, phürüm müyekhi nangde alakheah; amükbo ju motru nangde, 15api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah; 16api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.
17 #
Ami 2.8; 22.13 Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam, 18tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah. 19Kheakü nünü tümü ngücho, tümü la tüsho ha dunglim tümü dünjipü lanü thrütang. 20I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.