WÜHKHE 8
8
Tsünpungbo Zokhi
1Tüsho Atungpuhnü Mosa ki tha, 2“ Aron ki thaang, küyimki nünü tsünpung zobanü tsünpung thüne ju ayin tahshihpü thsüde tsünpung dubopung miki zoang.” 3Tüsho Atungpuhnü Mosa ki thakhi anide Aronnü tsünpungbo ju adubopung miki zo. 4Akulimnü ajing khiungde tsünpung dubopung ju suna yümrude thsü, ju Atungpuhnü Mosa ki thakhi yande rhimo.
Levirübo Müsühkhitkhi
5 Atungpuhnü Mosa ki tha, 6Levirübo Israelrü tsührü bolungnü beakhinang tüsho arübo arüngde müsühkhitang. 7Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah. 8Tüsho arübonü moshipung nunu le hi kingaün lushang, ju ching ayikangkang tüsho oliv müdangke yukshang, tüsho nünü neak kingaünpü moshipung nunu püpü luang. 9Jushu Israelrü athrünkhi mukhungshang, tüsho arüngyam miki Levirübo zhipshang. 10Junangde nünü Levirübo Atungpuh miki bedarang, tüsho Israelrü tsührü athrünkhinü arü khah Levirü kheak nimbah; 11tüsho Aronnü Levirübo Israelrü bolungnü müleamde ajihkhi kingaün nangde Atungpuh miki jihbah, junangde arünü Atungpuh rhimo rhimobah. 12Levirübonü arü khah moshipung mahne ku kheak nimbah; khülang neak kingaün jihbah tüsho püpü ju taka kingaünbah, junü Levirü müsühkhitkhi rhimobah.
13Levirübo ju müsühkhitde I kilim müleamde kingaünang, tüsho arü ju Aron le atsührübo miki zhipshang. 14Hanangde Levirübo Israelrü bolungnü chamkhiang, tüsho arübo I yo thsübah. 15Ju dunglim küyimki nünü Levirübo müsühkhitbah, I kilim müleamde kingaünkhi jihbanü, arübo arüngyam ching tankihpü yübah. 16Tümüde arübo Israelrü bolungnü I kilim shahde jihabahdo; Israelrü alala akhuh zübekhi müthri inü arübo I thsungkheaknü ludo. 17Tümüde Israelrü mihtsürü bolung akhuh zübekhibo ju mihtsürü yungsho shiwüh thsüthsü I yo ah; inü Ijip lo ching akhuh zübekhi laksah nimung inü arübo I thsungkheaknü müsühkhit, 18tüsho inü Israelrü mihtsürü akhuh zübekhi lupü dün Levirübo ludo. 19Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.
20Jumonü Mosa, Aron tüsho Israelrü mihtsürü athrünkhinü, Atungpuhnü Mosa ki thiyukhüm jihkhi nangde Levirübo ki rhimo. 21Levirübonü arü zangrü müsühkhit tüsho khimmihbo müsüh, tüsho Aronnü arübo müsühkhitbah Atungpuh kilim müleamde kingaünkhi nangde jih tüsho apinü arübo müsühkhitde dünthsükhia bah. 22Ju dunglim Levirübonü ashorupung khimyam ching rhimopü Aron tüsho atsührübo miki yü; Atungpuhnü Mosa ki Levirübo dünkheak thiyukhüm jihkhi nangde mihtsürübonü arübo ki ju ruk rhimo.
23Tüsho Atungpuhnü Mosa ki tha, 24“Levirübo thsungkheaknü ha ruk labah: kam mukukheak phüngünü akumung ashorupung khimyam ching tankihkhi rhimopü yüzahbah; 25tüsho kam thünimpü ching a arübo rhimo chingnü atuklobah, tüsho kheaküa mütankih, 26tüshe arübonü keoniorü rungde ashorupung khimyam ching tankihpü kuklah, tahle arü zangrünü tümü mürhimo. Hanangde arü rhimorhiyi ching Levirübo ki nünü arhimobah.”
Currently Selected:
WÜHKHE 8: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 8
8
Tsünpungbo Zokhi
1Tüsho Atungpuhnü Mosa ki tha, 2“ Aron ki thaang, küyimki nünü tsünpung zobanü tsünpung thüne ju ayin tahshihpü thsüde tsünpung dubopung miki zoang.” 3Tüsho Atungpuhnü Mosa ki thakhi anide Aronnü tsünpungbo ju adubopung miki zo. 4Akulimnü ajing khiungde tsünpung dubopung ju suna yümrude thsü, ju Atungpuhnü Mosa ki thakhi yande rhimo.
Levirübo Müsühkhitkhi
5 Atungpuhnü Mosa ki tha, 6Levirübo Israelrü tsührü bolungnü beakhinang tüsho arübo arüngde müsühkhitang. 7Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah. 8Tüsho arübonü moshipung nunu le hi kingaün lushang, ju ching ayikangkang tüsho oliv müdangke yukshang, tüsho nünü neak kingaünpü moshipung nunu püpü luang. 9Jushu Israelrü athrünkhi mukhungshang, tüsho arüngyam miki Levirübo zhipshang. 10Junangde nünü Levirübo Atungpuh miki bedarang, tüsho Israelrü tsührü athrünkhinü arü khah Levirü kheak nimbah; 11tüsho Aronnü Levirübo Israelrü bolungnü müleamde ajihkhi kingaün nangde Atungpuh miki jihbah, junangde arünü Atungpuh rhimo rhimobah. 12Levirübonü arü khah moshipung mahne ku kheak nimbah; khülang neak kingaün jihbah tüsho püpü ju taka kingaünbah, junü Levirü müsühkhitkhi rhimobah.
13Levirübo ju müsühkhitde I kilim müleamde kingaünang, tüsho arü ju Aron le atsührübo miki zhipshang. 14Hanangde Levirübo Israelrü bolungnü chamkhiang, tüsho arübo I yo thsübah. 15Ju dunglim küyimki nünü Levirübo müsühkhitbah, I kilim müleamde kingaünkhi jihbanü, arübo arüngyam ching tankihpü yübah. 16Tümüde arübo Israelrü bolungnü I kilim shahde jihabahdo; Israelrü alala akhuh zübekhi müthri inü arübo I thsungkheaknü ludo. 17Tümüde Israelrü mihtsürü bolung akhuh zübekhibo ju mihtsürü yungsho shiwüh thsüthsü I yo ah; inü Ijip lo ching akhuh zübekhi laksah nimung inü arübo I thsungkheaknü müsühkhit, 18tüsho inü Israelrü mihtsürü akhuh zübekhi lupü dün Levirübo ludo. 19Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.
20Jumonü Mosa, Aron tüsho Israelrü mihtsürü athrünkhinü, Atungpuhnü Mosa ki thiyukhüm jihkhi nangde Levirübo ki rhimo. 21Levirübonü arü zangrü müsühkhit tüsho khimmihbo müsüh, tüsho Aronnü arübo müsühkhitbah Atungpuh kilim müleamde kingaünkhi nangde jih tüsho apinü arübo müsühkhitde dünthsükhia bah. 22Ju dunglim Levirübonü ashorupung khimyam ching rhimopü Aron tüsho atsührübo miki yü; Atungpuhnü Mosa ki Levirübo dünkheak thiyukhüm jihkhi nangde mihtsürübonü arübo ki ju ruk rhimo.
23Tüsho Atungpuhnü Mosa ki tha, 24“Levirübo thsungkheaknü ha ruk labah: kam mukukheak phüngünü akumung ashorupung khimyam ching tankihkhi rhimopü yüzahbah; 25tüsho kam thünimpü ching a arübo rhimo chingnü atuklobah, tüsho kheaküa mütankih, 26tüshe arübonü keoniorü rungde ashorupung khimyam ching tankihpü kuklah, tahle arü zangrünü tümü mürhimo. Hanangde arü rhimorhiyi ching Levirübo ki nünü arhimobah.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.