WÜHKHE 3
3
Aron Tsührübo
1Ha Sinai Müzüng kheak Atungpuhnü Mosa ki asukkhi kim ching Aron le Mosa ane lünbo ah. 2Tüsho harü ha Aron tsührübo: Nadab adüjibuh, tüsho Abihu, Eleazar, tüsho Ithamar; 3arübo ju müdangkenü mujujih tüsho amükeamrü thsüshihpü müsühkhit. 4Tüshe Nadab le Abihu ane Sinai sunglo ching Atungpuh kilim mümüsühkhi mo jihkhi hode Atungpuh miki sheabah tüsho ane tsührü mülade alakheah. Jumonü Eleazar le Ithamar anenü ane abuh Aron rhangdung lachoki amükeamrü thsüde tankih.
Levirübo Arüngyam ching Tankihkhi
5Tüsho Atungpuhnü Mosa ki tha: 6Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah. 7Arübonü api tüsho amukhungrü alala thsungkheak ashorupung khimyam miki rhimo rhimobah; 8arübo ashorupung khimyam kukruk alala kurungkheak akheahrü thsübah, tüsho arüngyam ching tankihchoki Israelrü thsungkheak rhimo thsübah. 9Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah. 10Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.
11 Atungpuhnü Mosa ki tha: 12Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah, 13tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah. 14Sinai sunglo ching Atungpuhnü Mosa ki tha: 15Levirübo arü jipürü tüsho guk yande kheang; nünü athrürü aban khinu khülangnü akumung kheang. 16Jumonü Atungpuhnü thiyukhüm jihkhi anide Mosanü arübo khe. 17Harü ha Levi tsührübo: Gershon, Kohath, tüsho Merari. 18Tüsho harübo Gershon tsührübo tüsho arü guk mung: Libni tüsho Shimei. 19Kohath tsührübo tüsho arü guk mung: Amram, Izhar, Hebron, tüsho Uzziel. 20Merari tsührübo tüsho arü guk mung: Mali tüsho Mushi. Harübo ha Levirü guk yamkhünbo ah.
21Gershon kheaknü Libnirü tüsho Shimeirü yamkhün arü; harübo Gershon yamkhünbo ah. 22Athrürü khinu khülangnü akumung khekhi 7500. 23Gershonrü yamkhünbo ju arüngyam dunglim aniyüzahlim thrip binpü thsakham. 24Tüsho Gershon buhtsührü ching abebuh ju Lael tsührü Eliasaph lakheah. 25Gershon tsührübonü ashorupung khimyam ching rhimopü ju, arüngyam, khimyam tüsho amilim yihdobe tüsho ashorupung khimyam ripit zhindobe khim, 26kidokhi limro zhindobe khim, arüngyam le kingaün sadam mühide alakhi kidokhi limro zhindobe khim, liubo tüsho ju lung rhimobebo.
27Kohath kheaknü Aramrü, Izharrü, Hebronrü, tüsho Uzzielrü gukbo arü; harübo ha Kohath gukbo. 28Athrürübo khinu khülangnü akumung khekhi ju 8600nü arüngyam rhimo thsüde la. 29Kohathrü guk arüngyam düjinglim binpü thsakham, 30tüsho Kohathrü jipürü guk kurungkheak limbebuh ju Uzziel tsührü Elizaphan. 31Arü rhimobo ju tangzüng sangdan, dükhüm, tsünpung dubopung, kingaün sadambo, arüngyam ching amükeamrübonü ahorikhi pungphurubo, azhindobe khim tüsho jurü lung rhimobebo.
32Levirü limberü kurungkheak akubeatobuh ju amükeambuh Aron tsührü Eleazar, tüsho arüngyam kümrü kurungkheak kheahpü lakheah. 33Merari kheaknü Mali tüsho Mushirü yamkhün arü; harübo Merari gukbo. 34Tüsho athrürübo khinu khülangnü akumung khekhi 6200. 35Merari guk kurungkheak limbebuh ju Abihail tsührü Zuriel; arübo arüngyam dukulim binpü thsakham. 36Tüsho Merari tsührübo kilim rhimo jihkhibo ju kingaünpung kümlokhibo, amükhaplobebo, dungjingbo, kukruk müchinmürabebo tüsho ju lung rhimobebo, 37tüsho kidokhi mühide dungjingbo, jurü müchinkhibo, ashungdung tüsho liubo.
38Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah. 39Levirübo arü guk ayannü athrürü khinu khülangnü akumung Atungpuhnü thiyukhüm jihkhi yande Mosa le Aron anenü akhekhi ju 22,000.
Akhuh Zübekhi Müthri Levirü Müsühkhitkhi
40 Atungpuhnü Mosa ki tha, Israelrü tsührü bolung ching athrürü adüjirü khinu khülangnü akumung arü mungnü khede thrütang. 41Tüsho nünü I thsungkheaknü Israelrü tsührübo adüjirü tüsho arü akam-shiwüh akhuh adrekhibo müthri Levirübo tüsho arü akamshiwüh akhuh adrekhibo luang, I Atungpuh ah. 42Jumonü Atungpuhnü thiyukhüm jihkhi nangde Mosanü Israelrü tsührü adüjirübo mung khe. 43Tüsho akhuh zübekhi athrürü khinu khülangnü akumung khekhi ju 22,273. 44Tüsho Atungpuhnü Mosa ki tha, 45Israelrü tsührübo adüjirü tüsho arü akam-shiwühbo müthri Levirü tüsho arü akam-shiwühbo luang. Levirübo ju I yo thsübah: I Atungpuh ah. 46Tümüde Israelrü akhuh zübekhibo Levirü kheaknü alü 273 lah, tsührübo alü nünü rhokhitloa alubeah. 47Nünü mihbüm khülang kheaknü shotoyinchi nak 5 luang; nünü ju arüngyam ching lakhi gera 20nü shekel 1 khekhi yande luang. 48Tüsho nünü alü dün rhokhitkhi sho ju Aron le atsührübo kilim jihang. 49Jumonü Mosanü Levirünü rhokhitbah alü kheaknü alukhi sho ju lu. 50Israelrü tsührü adüjirübo kheak apinü arüngyam ching lakhi shekel ayannü alukhi sho ju 1365. 51Tüsho Atungpuhnü thiyukhüm jihkhi nangde arhokhitkhi sho ju Mosanü Aron le atsührübo kilim jih.
Currently Selected:
WÜHKHE 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 3
3
Aron Tsührübo
1Ha Sinai Müzüng kheak Atungpuhnü Mosa ki asukkhi kim ching Aron le Mosa ane lünbo ah. 2Tüsho harü ha Aron tsührübo: Nadab adüjibuh, tüsho Abihu, Eleazar, tüsho Ithamar; 3arübo ju müdangkenü mujujih tüsho amükeamrü thsüshihpü müsühkhit. 4Tüshe Nadab le Abihu ane Sinai sunglo ching Atungpuh kilim mümüsühkhi mo jihkhi hode Atungpuh miki sheabah tüsho ane tsührü mülade alakheah. Jumonü Eleazar le Ithamar anenü ane abuh Aron rhangdung lachoki amükeamrü thsüde tankih.
Levirübo Arüngyam ching Tankihkhi
5Tüsho Atungpuhnü Mosa ki tha: 6Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah. 7Arübonü api tüsho amukhungrü alala thsungkheak ashorupung khimyam miki rhimo rhimobah; 8arübo ashorupung khimyam kukruk alala kurungkheak akheahrü thsübah, tüsho arüngyam ching tankihchoki Israelrü thsungkheak rhimo thsübah. 9Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah. 10Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.
11 Atungpuhnü Mosa ki tha: 12Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah, 13tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah. 14Sinai sunglo ching Atungpuhnü Mosa ki tha: 15Levirübo arü jipürü tüsho guk yande kheang; nünü athrürü aban khinu khülangnü akumung kheang. 16Jumonü Atungpuhnü thiyukhüm jihkhi anide Mosanü arübo khe. 17Harü ha Levi tsührübo: Gershon, Kohath, tüsho Merari. 18Tüsho harübo Gershon tsührübo tüsho arü guk mung: Libni tüsho Shimei. 19Kohath tsührübo tüsho arü guk mung: Amram, Izhar, Hebron, tüsho Uzziel. 20Merari tsührübo tüsho arü guk mung: Mali tüsho Mushi. Harübo ha Levirü guk yamkhünbo ah.
21Gershon kheaknü Libnirü tüsho Shimeirü yamkhün arü; harübo Gershon yamkhünbo ah. 22Athrürü khinu khülangnü akumung khekhi 7500. 23Gershonrü yamkhünbo ju arüngyam dunglim aniyüzahlim thrip binpü thsakham. 24Tüsho Gershon buhtsührü ching abebuh ju Lael tsührü Eliasaph lakheah. 25Gershon tsührübonü ashorupung khimyam ching rhimopü ju, arüngyam, khimyam tüsho amilim yihdobe tüsho ashorupung khimyam ripit zhindobe khim, 26kidokhi limro zhindobe khim, arüngyam le kingaün sadam mühide alakhi kidokhi limro zhindobe khim, liubo tüsho ju lung rhimobebo.
27Kohath kheaknü Aramrü, Izharrü, Hebronrü, tüsho Uzzielrü gukbo arü; harübo ha Kohath gukbo. 28Athrürübo khinu khülangnü akumung khekhi ju 8600nü arüngyam rhimo thsüde la. 29Kohathrü guk arüngyam düjinglim binpü thsakham, 30tüsho Kohathrü jipürü guk kurungkheak limbebuh ju Uzziel tsührü Elizaphan. 31Arü rhimobo ju tangzüng sangdan, dükhüm, tsünpung dubopung, kingaün sadambo, arüngyam ching amükeamrübonü ahorikhi pungphurubo, azhindobe khim tüsho jurü lung rhimobebo.
32Levirü limberü kurungkheak akubeatobuh ju amükeambuh Aron tsührü Eleazar, tüsho arüngyam kümrü kurungkheak kheahpü lakheah. 33Merari kheaknü Mali tüsho Mushirü yamkhün arü; harübo Merari gukbo. 34Tüsho athrürübo khinu khülangnü akumung khekhi 6200. 35Merari guk kurungkheak limbebuh ju Abihail tsührü Zuriel; arübo arüngyam dukulim binpü thsakham. 36Tüsho Merari tsührübo kilim rhimo jihkhibo ju kingaünpung kümlokhibo, amükhaplobebo, dungjingbo, kukruk müchinmürabebo tüsho ju lung rhimobebo, 37tüsho kidokhi mühide dungjingbo, jurü müchinkhibo, ashungdung tüsho liubo.
38Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah. 39Levirübo arü guk ayannü athrürü khinu khülangnü akumung Atungpuhnü thiyukhüm jihkhi yande Mosa le Aron anenü akhekhi ju 22,000.
Akhuh Zübekhi Müthri Levirü Müsühkhitkhi
40 Atungpuhnü Mosa ki tha, Israelrü tsührü bolung ching athrürü adüjirü khinu khülangnü akumung arü mungnü khede thrütang. 41Tüsho nünü I thsungkheaknü Israelrü tsührübo adüjirü tüsho arü akam-shiwüh akhuh adrekhibo müthri Levirübo tüsho arü akamshiwüh akhuh adrekhibo luang, I Atungpuh ah. 42Jumonü Atungpuhnü thiyukhüm jihkhi nangde Mosanü Israelrü tsührü adüjirübo mung khe. 43Tüsho akhuh zübekhi athrürü khinu khülangnü akumung khekhi ju 22,273. 44Tüsho Atungpuhnü Mosa ki tha, 45Israelrü tsührübo adüjirü tüsho arü akam-shiwühbo müthri Levirü tüsho arü akam-shiwühbo luang. Levirübo ju I yo thsübah: I Atungpuh ah. 46Tümüde Israelrü akhuh zübekhibo Levirü kheaknü alü 273 lah, tsührübo alü nünü rhokhitloa alubeah. 47Nünü mihbüm khülang kheaknü shotoyinchi nak 5 luang; nünü ju arüngyam ching lakhi gera 20nü shekel 1 khekhi yande luang. 48Tüsho nünü alü dün rhokhitkhi sho ju Aron le atsührübo kilim jihang. 49Jumonü Mosanü Levirünü rhokhitbah alü kheaknü alukhi sho ju lu. 50Israelrü tsührü adüjirübo kheak apinü arüngyam ching lakhi shekel ayannü alukhi sho ju 1365. 51Tüsho Atungpuhnü thiyukhüm jihkhi nangde arhokhitkhi sho ju Mosanü Aron le atsührübo kilim jih.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.