WÜHKHE 24
24
1Küyimki Israel müngühjihpü Thrünpuhnü mulongkhi Balaamnü angükhea, püpüki kim ching nangde apinü rük huhpü limro müyim, tüsho api miro sunglo thrip abinabah. 2Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü, 3tüsho apinü müchitpü tankih:
“Beor tsührü Balaamnü müchitkhi,
mük khimshuh-a lakhi mihtsürünü müchitkhi,
4Thrünpuh yu sobuhnü müchitkhi,
shepünü Wuto lümkhi ngücho,
shepü mük rheakde akicho:
5O Jakob, nü khimyambo küdükhüh atsü,
O Israel, nü lapung küdükhüh atsü!
6Jindükhünbo yapkihde limshu ching yükhi nangde,
ayung yean shahwünbo nangde,
Atungpuhnü akhimkhi molisang nangde,
ke mungyean lakhi cedar sang nangde.
7Arü tsüng suhdahde arübah,
tüsho arü müjih kepheang lubo ching yangbah.
8Thrünpuhnü arü Ijip chingnü bekhit;
arü kheak mütüm moshipung sühmüh kihlah.
Arünü arü riri trükshihbo tsühabahchoh,
tüsho arü ro shimshim yihthünakchoh;
arü hühzonü arü kipashungchoh.
9Kekhüzü nangde arünü khukningchoh, tüsho zuh-a yapchoh,
kekhüzü dreto nangde shepünü arü yihmusukhukpü?
Shepünü nü müngühjihbanü müngühmühi,
tüsho shepünü athrubanü athrubah.”
10Judüki Balaknü Balaam azhihde bukakhiuk; tüsho api khah mahne damde Balaam ki tha, “ I riri athrushihpü inü nü jikheah, tüshe kheahang, nünü arü kilim mahsam ki suhdahde müngühjihdo! 11Jumonü kheakü nü lapung lim tsoang. Inü nü tode akin jihbah de thado, tüshe Atungpuhnü akin jihshihpü chingnü tholoabahdo.”
12Jumonü Balaamnü Balak ki tha, “Nünü I kilim arüshihkhi nü yunirübo ki she ha ruk mütha de, 13Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”
Balaamnü Müchitkhi Aphüyipü
14Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.” 15Tüsho apinü müchityu tha:
“Beor tsührü Balaamnü müchitkhi,
düshihde angübuhnü müchitkhi,
16Thrünpuh yu sobuhnü müchitkhi,
shepünü Khide Achangbuh mükheahmudu mükheah la,
shepünü Wuto tüsho api mük tode khimshuhbah akibuh lüm ngücho:
17Inü api ngüchoh, tüshe kheakü yung;
inü api kheahchoh, tüshe müphüni–
Jakob kheaknü chining khülang akhiukbah;
shoto tso khülang Israel bolungnü asürübah;
apinü Moab aredungbo zünakbah tüsho Seth tsührübo alala keamshihbah.
18Edom kheak kukbah;
api riri Seir kukbah,
tüshe Israel a düküngde alabah.
19Jakob kheaknü yakzanshuhrü khülang akhiukbah,
tüsho kiuto ching aninga larübo thsümünimjihbah.”
Balaamnü Akheamde Müchitkhi
20Judüki Balaamnü Amalekrü kheahbah müchit:
“ Amalek ju trükshih bolung akhuhbuh lakheah,
tüshe akheam ju a lünnü adükheakbah.”
21Tüsho apinü Kenrü kheahbah müchit:
“Nüsa lapung dükünglah,
nüsa sap lungto ching thsülah;
22tütüshe Asshurrünü ramde atsochoki nüsa Kenrü thsümünimabahbah.”
23Tüsho apinü müchit:
“ Aha, Thrünpuhnü ha ruk rhimochoki shepünü alakhukba?
24Sangkungbo Kittim chingnü arübah;
arünü Asshurrü tüsho Eber junobah tüshe arü she adükheakbah.”
25Judüki Balaamnü asürübah api lapung lim yü tüsho Balak a nihbuh limro tsoabah.
Currently Selected:
WÜHKHE 24: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 24
24
1Küyimki Israel müngühjihpü Thrünpuhnü mulongkhi Balaamnü angükhea, püpüki kim ching nangde apinü rük huhpü limro müyim, tüsho api miro sunglo thrip abinabah. 2Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü, 3tüsho apinü müchitpü tankih:
“Beor tsührü Balaamnü müchitkhi,
mük khimshuh-a lakhi mihtsürünü müchitkhi,
4Thrünpuh yu sobuhnü müchitkhi,
shepünü Wuto lümkhi ngücho,
shepü mük rheakde akicho:
5O Jakob, nü khimyambo küdükhüh atsü,
O Israel, nü lapung küdükhüh atsü!
6Jindükhünbo yapkihde limshu ching yükhi nangde,
ayung yean shahwünbo nangde,
Atungpuhnü akhimkhi molisang nangde,
ke mungyean lakhi cedar sang nangde.
7Arü tsüng suhdahde arübah,
tüsho arü müjih kepheang lubo ching yangbah.
8Thrünpuhnü arü Ijip chingnü bekhit;
arü kheak mütüm moshipung sühmüh kihlah.
Arünü arü riri trükshihbo tsühabahchoh,
tüsho arü ro shimshim yihthünakchoh;
arü hühzonü arü kipashungchoh.
9Kekhüzü nangde arünü khukningchoh, tüsho zuh-a yapchoh,
kekhüzü dreto nangde shepünü arü yihmusukhukpü?
Shepünü nü müngühjihbanü müngühmühi,
tüsho shepünü athrubanü athrubah.”
10Judüki Balaknü Balaam azhihde bukakhiuk; tüsho api khah mahne damde Balaam ki tha, “ I riri athrushihpü inü nü jikheah, tüshe kheahang, nünü arü kilim mahsam ki suhdahde müngühjihdo! 11Jumonü kheakü nü lapung lim tsoang. Inü nü tode akin jihbah de thado, tüshe Atungpuhnü akin jihshihpü chingnü tholoabahdo.”
12Jumonü Balaamnü Balak ki tha, “Nünü I kilim arüshihkhi nü yunirübo ki she ha ruk mütha de, 13Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”
Balaamnü Müchitkhi Aphüyipü
14Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.” 15Tüsho apinü müchityu tha:
“Beor tsührü Balaamnü müchitkhi,
düshihde angübuhnü müchitkhi,
16Thrünpuh yu sobuhnü müchitkhi,
shepünü Khide Achangbuh mükheahmudu mükheah la,
shepünü Wuto tüsho api mük tode khimshuhbah akibuh lüm ngücho:
17Inü api ngüchoh, tüshe kheakü yung;
inü api kheahchoh, tüshe müphüni–
Jakob kheaknü chining khülang akhiukbah;
shoto tso khülang Israel bolungnü asürübah;
apinü Moab aredungbo zünakbah tüsho Seth tsührübo alala keamshihbah.
18Edom kheak kukbah;
api riri Seir kukbah,
tüshe Israel a düküngde alabah.
19Jakob kheaknü yakzanshuhrü khülang akhiukbah,
tüsho kiuto ching aninga larübo thsümünimjihbah.”
Balaamnü Akheamde Müchitkhi
20Judüki Balaamnü Amalekrü kheahbah müchit:
“ Amalek ju trükshih bolung akhuhbuh lakheah,
tüshe akheam ju a lünnü adükheakbah.”
21Tüsho apinü Kenrü kheahbah müchit:
“Nüsa lapung dükünglah,
nüsa sap lungto ching thsülah;
22tütüshe Asshurrünü ramde atsochoki nüsa Kenrü thsümünimabahbah.”
23Tüsho apinü müchit:
“ Aha, Thrünpuhnü ha ruk rhimochoki shepünü alakhukba?
24Sangkungbo Kittim chingnü arübah;
arünü Asshurrü tüsho Eber junobah tüshe arü she adükheakbah.”
25Judüki Balaamnü asürübah api lapung lim yü tüsho Balak a nihbuh limro tsoabah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.