WÜHKHE 19
19
Amüsühkhitpü Yakzanbo
1 Atungpuhnü Mosa tüsho Aron ki tha, 2Ha Atungpuhnü thiyukhüm jihkhi yakzan; Israelrübo ki moshi nunu amürüm areak yungsho lapha mükihkhi tüsho küyimkishe hah mühankhi nüke kilim lubah arang de thaang. 3Nükenü ju amükeambuh Eleazar kilim jihbah, junangde apinü binkheampung aleanglim bede wukhiukbah tüsho ju api mikinü alaksahbah; 4amükeambuh Eleazarnü athiyih khürü ayingkhing kheaknü alubah, tüsho arüngyam müngüh thüne ki khuhlangde arheakbah. 5Jushu moshi ju api mikinü atakbah: ju lung aküp, ayin, athiyih, tüsho bukningbo takbah. 6Tüsho amükeambuhnü cedar sang, monam tüsho amürüm liu lubah moshi takkhi mo phulung jipyukbah. 7Jushu amükeambuhnü nihbuh khimmih müsühbah tüsho kemüyihbah, tüsho anükhüh labah api binkheampung ching arübah; amükeambuh ju arelim khiungde mümüsühkhi labah. 8Tüsho shepünü ju takbanü nihbuh khimmih müsühbah tüsho kemüyihbah, tüsho arelim khiungde mümüsühkhi labah. 9Jushu mihtsürü amüsüh khülangnü moshi takkhi wah ju wumukhungbah binkheampung aleanglim amüsüh dangpung ching zobah; tüsho ju Israel boto thsungkheak kenü müsühkhitpü rhimo ching lupü thsüde azobah; ha neak chingnü müsühkhitkhi lah. 10Tüsho shepünü moshi takkhi wah ju awubanü nihbuh khimmih müsühbah tüsho arelim khiungde mümüsühkhi labah. Ha Israel mihtsürü tüsho arü lung larü khiungkerü thsungkheak lünnü yakzan labah.
11Shepünü ashemi kheak qiubanü api nimung thüne mümüsühkhi labah. 12Api küdah thsüde nimung mahsam ni tüsho thüne nipü kemüyihde müsühkhitbah, tüsho api amüsüh labah; tüsho apinü nimung mahsam tüsho nimung thüne nipü ching mümüsühkhitsho, api mümüsüh. 13Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah. 14Ha mihtsürü khimyam chingnü ashechoki yakzan: khimyam ching arürü alala tüsho khimyam ching larü alala nimung thüne mümüsühkhi labah; 15tüsho mühüpdokhi phühlungbo alala mümüsüh. 16Sherübonü thulu ching thsühnuknü alaksahkhi khürü yungsho mihtsürü ro, yungsho kiuyuk qiubanü nimung thüne mümüsühkhi labah.
17Tüsho müneana lakhi mihtsürü thsungkheaknü arünü neak chingnü amüsühkhitpü thsungkheaknü moshi takkhi wah khürü lubah tüsho bukde alakhi ke lubah phüh ching yukbah. 18Amüsüh mihtsürü khülangnü monam lubah ke ching thsambah, khimyam, phühbo, ju kheak larü mihtsürü yungsho aro, alaksahkhi, ashekhi yungsho kiuyuk qiurü kheak rhakkihbah. 19Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah. 20Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah. 21Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah. 22Tümüpürü amüneankhi mihtsürünü aqiubanü müneana labah; tüsho mihtsürü shepünü ju qiubanü arelim khiungde müneana labah.
Currently Selected:
WÜHKHE 19: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 19
19
Amüsühkhitpü Yakzanbo
1 Atungpuhnü Mosa tüsho Aron ki tha, 2Ha Atungpuhnü thiyukhüm jihkhi yakzan; Israelrübo ki moshi nunu amürüm areak yungsho lapha mükihkhi tüsho küyimkishe hah mühankhi nüke kilim lubah arang de thaang. 3Nükenü ju amükeambuh Eleazar kilim jihbah, junangde apinü binkheampung aleanglim bede wukhiukbah tüsho ju api mikinü alaksahbah; 4amükeambuh Eleazarnü athiyih khürü ayingkhing kheaknü alubah, tüsho arüngyam müngüh thüne ki khuhlangde arheakbah. 5Jushu moshi ju api mikinü atakbah: ju lung aküp, ayin, athiyih, tüsho bukningbo takbah. 6Tüsho amükeambuhnü cedar sang, monam tüsho amürüm liu lubah moshi takkhi mo phulung jipyukbah. 7Jushu amükeambuhnü nihbuh khimmih müsühbah tüsho kemüyihbah, tüsho anükhüh labah api binkheampung ching arübah; amükeambuh ju arelim khiungde mümüsühkhi labah. 8Tüsho shepünü ju takbanü nihbuh khimmih müsühbah tüsho kemüyihbah, tüsho arelim khiungde mümüsühkhi labah. 9Jushu mihtsürü amüsüh khülangnü moshi takkhi wah ju wumukhungbah binkheampung aleanglim amüsüh dangpung ching zobah; tüsho ju Israel boto thsungkheak kenü müsühkhitpü rhimo ching lupü thsüde azobah; ha neak chingnü müsühkhitkhi lah. 10Tüsho shepünü moshi takkhi wah ju awubanü nihbuh khimmih müsühbah tüsho arelim khiungde mümüsühkhi labah. Ha Israel mihtsürü tüsho arü lung larü khiungkerü thsungkheak lünnü yakzan labah.
11Shepünü ashemi kheak qiubanü api nimung thüne mümüsühkhi labah. 12Api küdah thsüde nimung mahsam ni tüsho thüne nipü kemüyihde müsühkhitbah, tüsho api amüsüh labah; tüsho apinü nimung mahsam tüsho nimung thüne nipü ching mümüsühkhitsho, api mümüsüh. 13Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah. 14Ha mihtsürü khimyam chingnü ashechoki yakzan: khimyam ching arürü alala tüsho khimyam ching larü alala nimung thüne mümüsühkhi labah; 15tüsho mühüpdokhi phühlungbo alala mümüsüh. 16Sherübonü thulu ching thsühnuknü alaksahkhi khürü yungsho mihtsürü ro, yungsho kiuyuk qiubanü nimung thüne mümüsühkhi labah.
17Tüsho müneana lakhi mihtsürü thsungkheaknü arünü neak chingnü amüsühkhitpü thsungkheaknü moshi takkhi wah khürü lubah tüsho bukde alakhi ke lubah phüh ching yukbah. 18Amüsüh mihtsürü khülangnü monam lubah ke ching thsambah, khimyam, phühbo, ju kheak larü mihtsürü yungsho aro, alaksahkhi, ashekhi yungsho kiuyuk qiurü kheak rhakkihbah. 19Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah. 20Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah. 21Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah. 22Tümüpürü amüneankhi mihtsürünü aqiubanü müneana labah; tüsho mihtsürü shepünü ju qiubanü arelim khiungde müneana labah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.