WÜHKHE 10
10
Shotoyinchi Hulipungpung
1 Atungpuhnü Mosa ki tha, 2“Shotoyinchi hulipungpung mahne thsüang; nünü jurü ayümnü yümde thsüang; tüsho nünü ju mihtsürübo jimukhungpü ching tüsho binkheampung lukakhinchoki ahoriang. 3Küyimki ane chido mütbanü boto alala nü kilim arüngyam ripit ki mukhungde arübah, 4tüshe arünü khülang lang mütsho, limberübo, Israel trükbo ching akubo lang nü ki mukhungbah. 5Küyimki nünü niuknimde amütbanü, aniakhiuklim binkhibo tsahmusubah; 6tüsho küyimki nünü mahne kipü niuknimde amütlobanü düjinglim binkhibo tsahmusubah. Küyimki arübo tsahmusubanü niuknimde amütkhi labeah. 7Tüshe küyimki boto ju amukhungpü lanü nünü mütang, tüshe nünü niuknimde mümütbeah. 8Tüsho Aron tsührü amükeamrübonü hulipungpungbo ju amütbah, harübo nüsa lünbo amuyung ching thiyuzüng khülang labah. 9Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah. 10Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”
Sinai chingnü Akhinkhi
11Mahnepü kam, khinu mahne, nimung mukupü ching arüngyam kumungnü amo akhinabah, 12tüsho Israelrübonü Sinai sunglo chingnü tsahmusu; tüsho amo ju Paran sunglo ching keam. 13Atungpuhnü Mosa ki thiyukhüm jihkhi yande arünü akhuhbe thsüde tsahmusu. 14Akhuhde Judarünü arü kim ching bonungrü ayannü tsahmusu; tüsho arü limbebuh ju Amminadab tsührü Nashon. 15Tüsho Issakar trük bonungrü limbebuh ju Zuar tsührü Nethanel; 16tüsho Zebulun trük bonungrü limbebuh ju Helon tsührü Eliab.
17Judüki arüngyam ju luk tüsho Gershon tüsho Merari tsührübonü arüngkhimyam ju hanbahle tsahmusu. 18Tüsho anihbuh kim ching Reubenrü binkheampung bonungrü ayannü tsahmusu; tüsho arü limbebuh ju Shedeur tsührü Elizur. 19Simeon trük bonungrü limbebuh ju Zurishaddai tsührü Shelumiel, 20tüsho Gad trük bonungrü limbebuh ju Deuel tsührü Elisaph. 21Jushu Kohathrü amüsüh kukrukbo hanbah tsahmusu, tüsho arü mukhiungyide arüngyam ju thsükhia lakheah.
22Ju khin Ephraimrü bonungrü ayannü tsahmusu, tüsho arü trük bonungrü limbebuh ju Ammihud tsührü Elishama. 23Manase trük bonungrü limbebuh ju Pedazur tsührü Gamaliel, 24tüsho Benjamin trük bonungrü limbebuh ju Gideoni tsührü Abidan.
25Akheam thsüde Dan trüknü boto alala aheangde bonungrü ayannü tsahmusu; tüsho arü limbebuh ju Ammishaddai tsührü Ahiezer. 26Asher trük bonungrü limbebuh ju Okran tsührü Pagiel, 27tüsho Naphtali trük bonungrü limbebuh ju Enan tsührü Ahira. 28Ha Israel trük bonungrü ayannü tsahmusukhi, akhinashu ah.
29Mosanü Midiarü Reuel tsührü akü Hobab ki tha, “Atungpuhnü , ‘ Inü ha nüsa kilim jihbah’ de thakhi dangpung ching yüpü isa tsahmusuchoh; isa lung arang, tüsho isanü nüsa tsüde amütrübah, tümüde Atungpuhnü Israel ki atsü alokhido.”
30Hobabnü alo, “ I a müyü; tüshe I lomi tüsho I mihtsürü kilim alode ayübah.”
31Mosanü tha, “ Muzhobahle isa bahbah dütso, tümüde sunglo ching isa kükheak binkheambanü nünü mükheahlah; tüsho nü ju isa mükkheahdung labah. 32Nünü isa lung arüsho Atungpuhnü isa kheak tümüpürü atsü rhimobanü, isanü nü kheak ju ruk rhimobah.”
Mihtsürübo Tsahmusukhi
33Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih, 34tüsho arü binkheampung chingnü tsahmusuchoki animung Atungpuh amo arü kumung lakheah.
35Tüsho tangzüng sangdan shuhakhinchoki Mosanü tha, “O Atungpuh , asürang tüsho nü riribo hiumüzütshang, tüsho nü mükheahnerü nü müngüh tsoshang.” 36Tüsho abinkheamchoki apinü tha, “O Atungpuh Israelrü chithürü amükhebin kilim rholoang.”
Currently Selected:
WÜHKHE 10: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 10
10
Shotoyinchi Hulipungpung
1 Atungpuhnü Mosa ki tha, 2“Shotoyinchi hulipungpung mahne thsüang; nünü jurü ayümnü yümde thsüang; tüsho nünü ju mihtsürübo jimukhungpü ching tüsho binkheampung lukakhinchoki ahoriang. 3Küyimki ane chido mütbanü boto alala nü kilim arüngyam ripit ki mukhungde arübah, 4tüshe arünü khülang lang mütsho, limberübo, Israel trükbo ching akubo lang nü ki mukhungbah. 5Küyimki nünü niuknimde amütbanü, aniakhiuklim binkhibo tsahmusubah; 6tüsho küyimki nünü mahne kipü niuknimde amütlobanü düjinglim binkhibo tsahmusubah. Küyimki arübo tsahmusubanü niuknimde amütkhi labeah. 7Tüshe küyimki boto ju amukhungpü lanü nünü mütang, tüshe nünü niuknimde mümütbeah. 8Tüsho Aron tsührü amükeamrübonü hulipungpungbo ju amütbah, harübo nüsa lünbo amuyung ching thiyuzüng khülang labah. 9Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah. 10Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”
Sinai chingnü Akhinkhi
11Mahnepü kam, khinu mahne, nimung mukupü ching arüngyam kumungnü amo akhinabah, 12tüsho Israelrübonü Sinai sunglo chingnü tsahmusu; tüsho amo ju Paran sunglo ching keam. 13Atungpuhnü Mosa ki thiyukhüm jihkhi yande arünü akhuhbe thsüde tsahmusu. 14Akhuhde Judarünü arü kim ching bonungrü ayannü tsahmusu; tüsho arü limbebuh ju Amminadab tsührü Nashon. 15Tüsho Issakar trük bonungrü limbebuh ju Zuar tsührü Nethanel; 16tüsho Zebulun trük bonungrü limbebuh ju Helon tsührü Eliab.
17Judüki arüngyam ju luk tüsho Gershon tüsho Merari tsührübonü arüngkhimyam ju hanbahle tsahmusu. 18Tüsho anihbuh kim ching Reubenrü binkheampung bonungrü ayannü tsahmusu; tüsho arü limbebuh ju Shedeur tsührü Elizur. 19Simeon trük bonungrü limbebuh ju Zurishaddai tsührü Shelumiel, 20tüsho Gad trük bonungrü limbebuh ju Deuel tsührü Elisaph. 21Jushu Kohathrü amüsüh kukrukbo hanbah tsahmusu, tüsho arü mukhiungyide arüngyam ju thsükhia lakheah.
22Ju khin Ephraimrü bonungrü ayannü tsahmusu, tüsho arü trük bonungrü limbebuh ju Ammihud tsührü Elishama. 23Manase trük bonungrü limbebuh ju Pedazur tsührü Gamaliel, 24tüsho Benjamin trük bonungrü limbebuh ju Gideoni tsührü Abidan.
25Akheam thsüde Dan trüknü boto alala aheangde bonungrü ayannü tsahmusu; tüsho arü limbebuh ju Ammishaddai tsührü Ahiezer. 26Asher trük bonungrü limbebuh ju Okran tsührü Pagiel, 27tüsho Naphtali trük bonungrü limbebuh ju Enan tsührü Ahira. 28Ha Israel trük bonungrü ayannü tsahmusukhi, akhinashu ah.
29Mosanü Midiarü Reuel tsührü akü Hobab ki tha, “Atungpuhnü , ‘ Inü ha nüsa kilim jihbah’ de thakhi dangpung ching yüpü isa tsahmusuchoh; isa lung arang, tüsho isanü nüsa tsüde amütrübah, tümüde Atungpuhnü Israel ki atsü alokhido.”
30Hobabnü alo, “ I a müyü; tüshe I lomi tüsho I mihtsürü kilim alode ayübah.”
31Mosanü tha, “ Muzhobahle isa bahbah dütso, tümüde sunglo ching isa kükheak binkheambanü nünü mükheahlah; tüsho nü ju isa mükkheahdung labah. 32Nünü isa lung arüsho Atungpuhnü isa kheak tümüpürü atsü rhimobanü, isanü nü kheak ju ruk rhimobah.”
Mihtsürübo Tsahmusukhi
33Jumonü Atungpuh wung kheaknü arü nimung mahsam hantsah tsahmusu; tüsho arü binkheampung yimde Atungpuh sangdan arü müngühnü yüshih, 34tüsho arü binkheampung chingnü tsahmusuchoki animung Atungpuh amo arü kumung lakheah.
35Tüsho tangzüng sangdan shuhakhinchoki Mosanü tha, “O Atungpuh , asürang tüsho nü riribo hiumüzütshang, tüsho nü mükheahnerü nü müngüh tsoshang.” 36Tüsho abinkheamchoki apinü tha, “O Atungpuh Israelrü chithürü amükhebin kilim rholoang.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.