MIKA 4
4
Atungpuh Mungtsü Kiulongthsü
(Isa 2.1-4)
1Arübe nimung ching Atungpuh yam wung ju müzüng bolung achangbe labah,
tüsho awungbo kumung shuhkihbah.
Mihtsürübonü ju kheak shobah,
2tüsho trükshih ahihdonü arübah tüsho athabah:
“Arang, isanü Atungpuh müzüng,
Jakob Thrünpuh yam ching wutuanü;
junangde apinü isa ki api limrobo thsangyubah tüsho isanü api tsahpungbo ching tsahbah.”
Tümüde Zion chingnü thsangdankhi,
tüsho Jirusalem chingnü
Atungpuh yu mikhuh ching yübah.
3Apinü mihtsürü ahihdo dükeak mahkhapbah,
tüsho limshu ching sühmüh lakhi trükshihbo dükeak alim-amülim mokhitbah;
arünü nukshangbonü thuwuhbo kingbah,
tüsho arü thsühbonü hirhüpbe kingbah;
trükshihnü trükshih azhihde nukshang mushuhkih,
arünü kheaküa thirithsüpü mümükheahde alabah;
4tüshe arü alala arü nihbuh kurungaso tüsho khubasodung khüp binbah,
tüsho shenü arü mütreshih;
tümüde Wuto Atungpuh münnü asukdo.
5Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.
Atungpuh Lümkhi
6 Atungpuhnü thachoh, ju nimung ching inü jingkikrü bemukhungbah tüsho yanyuka bahrü tüsho inü thsümüchirü bemukhungbah. 7Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.
8Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah. 9Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de? 10O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah. 11Kheakü trükshih ahihdo nü azhihde mukhungbah thachoh, “Anihbe müneanshang, tüsho isa mükbonü Zion kheak kheahshang.” 12Tüshe arünü Atungpuhnü lümkhi mümükheah; arünü apinü rhimopung ching hiphungbo nangde arü hanmukhungkhi api lümkhi thsükhi manikhit.
13Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.
Currently Selected:
MIKA 4: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
MIKA 4
4
Atungpuh Mungtsü Kiulongthsü
(Isa 2.1-4)
1Arübe nimung ching Atungpuh yam wung ju müzüng bolung achangbe labah,
tüsho awungbo kumung shuhkihbah.
Mihtsürübonü ju kheak shobah,
2tüsho trükshih ahihdonü arübah tüsho athabah:
“Arang, isanü Atungpuh müzüng,
Jakob Thrünpuh yam ching wutuanü;
junangde apinü isa ki api limrobo thsangyubah tüsho isanü api tsahpungbo ching tsahbah.”
Tümüde Zion chingnü thsangdankhi,
tüsho Jirusalem chingnü
Atungpuh yu mikhuh ching yübah.
3Apinü mihtsürü ahihdo dükeak mahkhapbah,
tüsho limshu ching sühmüh lakhi trükshihbo dükeak alim-amülim mokhitbah;
arünü nukshangbonü thuwuhbo kingbah,
tüsho arü thsühbonü hirhüpbe kingbah;
trükshihnü trükshih azhihde nukshang mushuhkih,
arünü kheaküa thirithsüpü mümükheahde alabah;
4tüshe arü alala arü nihbuh kurungaso tüsho khubasodung khüp binbah,
tüsho shenü arü mütreshih;
tümüde Wuto Atungpuh münnü asukdo.
5Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.
Atungpuh Lümkhi
6 Atungpuhnü thachoh, ju nimung ching inü jingkikrü bemukhungbah tüsho yanyuka bahrü tüsho inü thsümüchirü bemukhungbah. 7Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.
8Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah. 9Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de? 10O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah. 11Kheakü trükshih ahihdo nü azhihde mukhungbah thachoh, “Anihbe müneanshang, tüsho isa mükbonü Zion kheak kheahshang.” 12Tüshe arünü Atungpuhnü lümkhi mümükheah; arünü apinü rhimopung ching hiphungbo nangde arü hanmukhungkhi api lümkhi thsükhi manikhit.
13Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.