MIKA 1
1
1Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.
Samaria tüsho Jirusalem thsungkheak Tüzhokhi
2Soang, nüsa mihtsürü alala;
aniang, O alomi, tüsho ju ching lakhi alala;
tüsho Atungpuh Thrünpuh ju api amüsüh arüngyam chingnü
nüsa azhihkhi thiyumütsan labah.
3Tümüde kheahang, Atungpuh ju api lapung chingnü arüchoh,
tüsho akibahle alomi achang dangpungbo kheak jungbah.
4Judüki mo phünide thürip lakhi nangde,
kebonü awung zünkheamkhi nangde api khüp müzüngbo niubah tüsho jindükhünbo zhibeakbah.
5Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de? 6Jumonü inü Samaria ju mükeak ching kurungaso yangpü dangpung amujung kamshihbah. Inü anihbe lungbo jindükhün ching zünde yükishihbah, tüsho anihbe khimtanbo lahkhitjihbah. 7Anihbe mejakbo alala adütre kamde kingnakbah, anihbe arüngyam mihkhah-mulokhi alala monü atakbah tüsho anihbe sangthsübo alala thsümünimbah; tümüde anihbenü müzammüramkhi mihkhahnü jurü hanmukhung, tüsho müzammüramkhi mihkhah nangde jurübo ahorilobah.
8Ha thsungkheak I tüzhobah tüsho mitripbah; inü I jing keangkeang tüsho bünkeang yübah; inü shirungbo nangde tüzhobah, tüsho lothsuktopübo nangde mulong rozhakbah. 9Tümüde anihbe mü müthsüngube lah. Ha Juda ching arüdo; ha I mihtsürü, Jirusalem chipiripit khiungdo.
Thiriri Jirusalem Khiungchoh
10Ha Gath ching dütha, judü lang midütrip; Beth-ophra ching nüsabonü asungthulung ching awuhang. 11Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah. 12Tümüde Maroth ching larübonü arung thsungkheak mulong dukde aleanglah, tütüshe thsümütsü Atungpuh kilimnü Jirusalem chipiripit ching akido. 13Nüsa Lakish ching larübo, khorabo ju khora-lolungbe kheak chingkihang; ha Zion kilim neak atankih lakheah, tümüde nüsa kheak Israelnü alakmihkhibo ngükhit. 14Jumonü nüsanü Moresheth-gath kilim achamachih thsambahbo jihang; Akzib yamkhün ju Israel kiulongthsürübo kilim mülapmüjikhi labah.
15Maresha ching larübo, inü kheaküshe nüsa kheak akuk ngükhi hande arübah; Israel müretahkhi Adullam ching arübah. 16Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.
Currently Selected:
MIKA 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
MIKA 1
1
1Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.
Samaria tüsho Jirusalem thsungkheak Tüzhokhi
2Soang, nüsa mihtsürü alala;
aniang, O alomi, tüsho ju ching lakhi alala;
tüsho Atungpuh Thrünpuh ju api amüsüh arüngyam chingnü
nüsa azhihkhi thiyumütsan labah.
3Tümüde kheahang, Atungpuh ju api lapung chingnü arüchoh,
tüsho akibahle alomi achang dangpungbo kheak jungbah.
4Judüki mo phünide thürip lakhi nangde,
kebonü awung zünkheamkhi nangde api khüp müzüngbo niubah tüsho jindükhünbo zhibeakbah.
5Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de? 6Jumonü inü Samaria ju mükeak ching kurungaso yangpü dangpung amujung kamshihbah. Inü anihbe lungbo jindükhün ching zünde yükishihbah, tüsho anihbe khimtanbo lahkhitjihbah. 7Anihbe mejakbo alala adütre kamde kingnakbah, anihbe arüngyam mihkhah-mulokhi alala monü atakbah tüsho anihbe sangthsübo alala thsümünimbah; tümüde anihbenü müzammüramkhi mihkhahnü jurü hanmukhung, tüsho müzammüramkhi mihkhah nangde jurübo ahorilobah.
8Ha thsungkheak I tüzhobah tüsho mitripbah; inü I jing keangkeang tüsho bünkeang yübah; inü shirungbo nangde tüzhobah, tüsho lothsuktopübo nangde mulong rozhakbah. 9Tümüde anihbe mü müthsüngube lah. Ha Juda ching arüdo; ha I mihtsürü, Jirusalem chipiripit khiungdo.
Thiriri Jirusalem Khiungchoh
10Ha Gath ching dütha, judü lang midütrip; Beth-ophra ching nüsabonü asungthulung ching awuhang. 11Shaphir ching larübo, bünkeang tüsho achih ngüde nüsa limro ching yüang; Zaanan ching larübo mikhuh ching marü; Eth-ezel mulong rozhakchoh tüsho atsunglobe nüsa kheaknü alubah. 12Tümüde Maroth ching larübonü arung thsungkheak mulong dukde aleanglah, tütüshe thsümütsü Atungpuh kilimnü Jirusalem chipiripit ching akido. 13Nüsa Lakish ching larübo, khorabo ju khora-lolungbe kheak chingkihang; ha Zion kilim neak atankih lakheah, tümüde nüsa kheak Israelnü alakmihkhibo ngükhit. 14Jumonü nüsanü Moresheth-gath kilim achamachih thsambahbo jihang; Akzib yamkhün ju Israel kiulongthsürübo kilim mülapmüjikhi labah.
15Maresha ching larübo, inü kheaküshe nüsa kheak akuk ngükhi hande arübah; Israel müretahkhi Adullam ching arübah. 16Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.