MATHI 16
16
Amütsan Khülang Kheangkhi
(Mk 8.11-13; Lk 12.54-56)
1 #
Mt 12.38; Lk 11.16 Judüki Pharisirü le Sadukirübo arü tüsho yinmi chingnü amütsan khülang arü ki huhang de api rükde keo. 2Apinü arü ki alode tha, “Küyimki arelim kambanü nüsanü thachoh, ‘Ha nimung atsü labah, tümüde thüning mürümdo lah’; 3tüsho yapsu thachoh, ‘Tsüng arüpü lah, tümüde thüning mürümdo tüsho lukkhüplah.’ Yiuhkhaprübo! Nüsanü thüning kheahbah nimung müchitkhuklah tüshe amütsan kimbo a müthakhuk. 4#Mt 12.39; Lk 11.29Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.
Pharisirü tüsho Sadukirü Phaüm
(Mk 8.14-21)
5Küyimki api jingyanrübo ke thripkhüh dükihkhea, arünü yikhap lupü mih-a lakheah. 6#Lk 12.1Judüki Jisunü arü ki tha, “Pharisirü tüsho Sadukirü phaüm dünkheak atünadoang.” 7Tüsho arünü arü bolung asukachihde tha, “Ha isanü yikhap mulumonü ah.” 8Tüshe küyimki Jisunü ju mükheahkhea, apinü arü ki tha, “O nüsa akin ninirübo, nüsanü yikhap lude marümonü tümüde nüsa bolung atsangachihcho? 9#Mt 14.17-21Nüsanü 5000 thsungkheak yikhap 5 tüsho nüsanü muluk küdükhüh hanmukhungkheanü manikhit de yungsho mülümkhit de? 10#Mt 15.34-38Yungsho 4000 thsungkheak yikhap 7 tüsho nüsanü muluk atoto küdükhüh hanmukhungkhea? 11Inü yikhap dünkheak thachoh yung de tümü thsükhi nüsanü manikhitkhea? Tüshe Pharisirü tüsho Sadukirü phaüm dünkheak nüsa atünadoang.” 12Judüki yikhap ching yukbe phaüm atünadopü yungde Pharisirü tüsho Sadukirünü thsangyukhi azhihde apinü arü ki thachoh de arünü anikhit.
Peternü Jisu dünkheak Khipkhitkhi
(Mk 8.27-30; Lk 9.18-21)
13Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?” 14#Mt 14.1,2; Mk 6.14,15; Lk 9.7,8Jumonü arünü tha, “Khürünü Johan Baptijihbuh, khürünü Elija, tüsho püpürü Jeremia yungsho wukihrü bolung khülang ah de thachoh.” 15Apinü arü ki tha, “Tüshe I ju shea ah de nüsanü thacho?” 16#Jhn 6.68,69Simon Peternü alo, “Nü a arhang Thrünpuh tsührü Khrista ah.” 17Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah. 18Tüsho nü Peter#Peter amütsan Lung. ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü#Yungsho ashepünü she ju mazhihkhuk. 19#Mt 18.18; Jhn 20.23Inü nü kilim yinmi kiulongthsü mükhipbebo jihbah, tüsho tümüpürü nünü alomi kheak rhükbanü yinmi ching rhükbah, tüsho tümüpürü nünü alomi kheak trünbanü yinmi ching trünbah.” 20Judüki apinü ajingyanrübo ki api ju Jisu Khrista ah de she ki she dütha de tha.
Jisunü Api Thsünüpü tüsho Ashepü Thakhi
(Mk 8.31—9.1; Lk 9.22-27)
21Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih. 22Judüki Peternü api bemuwuh tüsho anihbuh thürühpü tankih, “Jude yung, Atungpuh; ha nü kheak müdünji!” 23Tüshe apinü rholobah Peter ki tha, “I dunglim yüang, Arimri! Nü a I ki jingmükhelung ah; nü lüm ching lakhibo ju Thrünpuh kilimnü yung, tüshe mihtsürü kilimnü lah.”
24 #
Mt 10.38; Lk 14.27 Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang. 25#Mt 10.39; Lk 17.33; Jhn 12.25Tümüde shepünü nihbuh rhangdung khümkhitnebanü ju adükheakbah, tüsho shepü I dünkheaknü nihbuh rhangdung dükheakbanü ju angübah. 26Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba? 27#Mt 25.31; Rom 2.6Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah. 28Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”
Currently Selected:
MATHI 16: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
MATHI 16
16
Amütsan Khülang Kheangkhi
(Mk 8.11-13; Lk 12.54-56)
1 #
Mt 12.38; Lk 11.16 Judüki Pharisirü le Sadukirübo arü tüsho yinmi chingnü amütsan khülang arü ki huhang de api rükde keo. 2Apinü arü ki alode tha, “Küyimki arelim kambanü nüsanü thachoh, ‘Ha nimung atsü labah, tümüde thüning mürümdo lah’; 3tüsho yapsu thachoh, ‘Tsüng arüpü lah, tümüde thüning mürümdo tüsho lukkhüplah.’ Yiuhkhaprübo! Nüsanü thüning kheahbah nimung müchitkhuklah tüshe amütsan kimbo a müthakhuk. 4#Mt 12.39; Lk 11.29Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.
Pharisirü tüsho Sadukirü Phaüm
(Mk 8.14-21)
5Küyimki api jingyanrübo ke thripkhüh dükihkhea, arünü yikhap lupü mih-a lakheah. 6#Lk 12.1Judüki Jisunü arü ki tha, “Pharisirü tüsho Sadukirü phaüm dünkheak atünadoang.” 7Tüsho arünü arü bolung asukachihde tha, “Ha isanü yikhap mulumonü ah.” 8Tüshe küyimki Jisunü ju mükheahkhea, apinü arü ki tha, “O nüsa akin ninirübo, nüsanü yikhap lude marümonü tümüde nüsa bolung atsangachihcho? 9#Mt 14.17-21Nüsanü 5000 thsungkheak yikhap 5 tüsho nüsanü muluk küdükhüh hanmukhungkheanü manikhit de yungsho mülümkhit de? 10#Mt 15.34-38Yungsho 4000 thsungkheak yikhap 7 tüsho nüsanü muluk atoto küdükhüh hanmukhungkhea? 11Inü yikhap dünkheak thachoh yung de tümü thsükhi nüsanü manikhitkhea? Tüshe Pharisirü tüsho Sadukirü phaüm dünkheak nüsa atünadoang.” 12Judüki yikhap ching yukbe phaüm atünadopü yungde Pharisirü tüsho Sadukirünü thsangyukhi azhihde apinü arü ki thachoh de arünü anikhit.
Peternü Jisu dünkheak Khipkhitkhi
(Mk 8.27-30; Lk 9.18-21)
13Küyimki Jisu ju Kaesarea Filipi lomi ching arükhea, apinü ajingyanrübo ki keokhi, “Mihtsürübonü Mihtsürü Tsührü ju shepü ah de thacho?” 14#Mt 14.1,2; Mk 6.14,15; Lk 9.7,8Jumonü arünü tha, “Khürünü Johan Baptijihbuh, khürünü Elija, tüsho püpürü Jeremia yungsho wukihrü bolung khülang ah de thachoh.” 15Apinü arü ki tha, “Tüshe I ju shea ah de nüsanü thacho?” 16#Jhn 6.68,69Simon Peternü alo, “Nü a arhang Thrünpuh tsührü Khrista ah.” 17Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah. 18Tüsho nü Peter#Peter amütsan Lung. ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü#Yungsho ashepünü she ju mazhihkhuk. 19#Mt 18.18; Jhn 20.23Inü nü kilim yinmi kiulongthsü mükhipbebo jihbah, tüsho tümüpürü nünü alomi kheak rhükbanü yinmi ching rhükbah, tüsho tümüpürü nünü alomi kheak trünbanü yinmi ching trünbah.” 20Judüki apinü ajingyanrübo ki api ju Jisu Khrista ah de she ki she dütha de tha.
Jisunü Api Thsünüpü tüsho Ashepü Thakhi
(Mk 8.31—9.1; Lk 9.22-27)
21Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih. 22Judüki Peternü api bemuwuh tüsho anihbuh thürühpü tankih, “Jude yung, Atungpuh; ha nü kheak müdünji!” 23Tüshe apinü rholobah Peter ki tha, “I dunglim yüang, Arimri! Nü a I ki jingmükhelung ah; nü lüm ching lakhibo ju Thrünpuh kilimnü yung, tüshe mihtsürü kilimnü lah.”
24 #
Mt 10.38; Lk 14.27 Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang. 25#Mt 10.39; Lk 17.33; Jhn 12.25Tümüde shepünü nihbuh rhangdung khümkhitnebanü ju adükheakbah, tüsho shepü I dünkheaknü nihbuh rhangdung dükheakbanü ju angübah. 26Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba? 27#Mt 25.31; Rom 2.6Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah. 28Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.