TÜZHOKHI 1
1
Jirusalem Mulong Rozhakkhi
1Khülang ki mihtsürünü mia lakhi kiuto küdükhüh zhikrangkhündo yapla!
Künangde anihbe khimoberü nangde kama la,
trükshih bolung anihbe ato lakheah!
Anihbe lomi bolung ching kiulongthsürü lakhi azhorü kamdo.
2Anihbenü azhing ching,
anihbe ngobo kheak chikebo bukde düsüknimde tripchoh;
anihbe muzhorü bolung anihbe shukheamrü she müla;
anihbe müyamrü alalanü anihbe ki mülapyukde rhimodo,
arübo anihbe riribo kamdo.
3Juda a thsünüde tüsho achakato azhorü thsüde ramtso ching yüdo;
kheakü anihbe trükshih bolung lah,
tüsho sühakhim dangpung müngü;
anihbe lümthsünü phulung ching anihbe müshamrünü yanphuhdo.
4Zion limrobo tüzhochoh tümüde thünio ching shenü marü;
anihbe chipiripit alala zhika lah,
anihbe amükeamrübo ashechoh;
anünürübonü mulong rozhakchoh tüsho anihbe thsünü akhüh ching lah.
5Anihbe riribo aputungrübo kamdo,
anihbe riribo thsü-tsüde lah,
tümütüsho anihbenü thsümünimkhi hihdakmonü Atungpuhnü anihbe thsünüshih;
anihbe tsührübo tsoabahdo,
thiri miki aramrübo ah.
6Zion tsührübe kheaknü wüntre-müretah alala chamachihdo.
Anihbe yakzanshuhrübo rimlopung müngükhi shihmüchipungbo nangde kamdo;
arünü sühmüh mülade amüshamrü müngüh tsodo.
7Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh.
Küyimki anihbe mihtsürü thiriri khah ching yüzahkhea,
tüsho anihbe rungpü she mülakhea,
thiririnü anihbe keamkhi kheahbah münejih.
8Jirusalemnü tode neak yihbeakdo,
jumonü anihbe amümüsüh kamdo;
anihbe wüntre jihrü alalanü anihbe mükhemürangchoh,
tümüde arünü anihbe bünkeang ngüdo.
Anihbe ashechoh tüsho miro anguhde tsochoh.
9Anihbe mümüsühkhi ju rungthsün kheak lakheah;
anihbenü arübe thsungkheak mülümakheah;
anihbe keamkhi atrebe lakheah,
shenü anihbe mushukheam.
“ O Atungpuh , I thsünükhi kheak kheahang,
tümüde thiririnü kukdo!”
10Thiriribonü shoto kukrukbo alala kurungkheak arü khahbo shuhkihdo;
nünü nü borü lung yüzahpü mümülükhi trükshihbonü
arüngyam ching yüzahkhi she anihbenü ngüdo.
11Anihbe mihtsürü alala yikhap yimde ashechoh;
arünü tsühyungpü thsungkheak arü rahpungbo arü sühmüh dükünglopü yinzüyindochoh.
Kheahang, O Atungpuh ,
tüsho I küdükhüh bahyuka lanü lümakheahang.
12Nüsa I tsahhorübo alala, nüsa ki tümü müla de?
Mürüngang tüsho kheahang,
mulong rozhakkhi khürü I nangde la shi,
küpü I kheak hande arükhea,
küpü Atungpuhnü api bukakhiuk nimung I thsümüchikhea.
13Achang kheaknü apinü mo arüshih;
ha I robo ching sükde yüzahdo;
apinü I jing thsungkheak keang zünga zo;
apinü I ashitloshih;
apinü I zhikabahshih,
nimung amuyung shekhia lashih.
14Inü alakmihkhi sangkaplakbo api khahnü thsünru;
jurübo I hung kheak nokih,
I sühmüh keakeashih;
inü azhihde müzhipkhukrü kilim Atungpuhnü I jih.
15 Atungpuhnü I lung lakhi thirithsürübo alala bahyuk;
apinü I azhihde I mihtsürü athunubo zünakpü kim khülang zhiyuk;
Atungpuhnü yukhu nitpung nangde atsangkhit Juda tsührübe jungnakdo.
16Harü thsungkheak inü tripchoh;
I mükbo ching chike bukchoh;
tümüde ashukheamrü khülang I rhangdung thsakhampü I kheaknü limshude lah;
I tsührübo thsümünima lah,
tümüde thiririnü kukdo.
17Zionnü akhahbo chungkhitchoh,
tüshe anihbe shukheamrü she müla;
Atungpuhnü Jakob azhihde thiyukhüm jihdo,
junangde api yamhingrübo anihbuh riri kambah;
arü bolung Jirusalem a amüneankhi kamdo.
18 Atungpuh alungki ching lah,
tümüde inü api yu azhihdo;
tüshe aniang, nüsa mihtsürü alala,
tüsho I thsünükhi kheahang;
I yo anünürü tüsho athrününgtsüng mihtsürübo aramkhi ching yüdo.
19Inü I muzhorübo ki ji tüshe arünü I mülapyuk;
I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.
20Kheahang, O Atungpuh , I küdükhüh lümthsünüla;
I me thsünülah,
I mulong rhothünakchoh,
tümütüsho inü khide azhihde alakheah.
Kiudunglimrobo ching nukshangnü laksahchoh;
thüyam ching ashekhi lah.
21I ashearakhi arünü sodo,
shenü I mushukheam.
I riribo alalanü I küpkhuk sodo;
nünü ha rhimokhinü arü asühchoh.
Nünü alokhikhi nimung hande arang tüsho arü she I ruk lashang.
22Arü rhimo atsü alala nü miki arüshang;
tüsho inü alakmihkhi alala dünkheak
nünü I ki rhimokhi nangde arü ki rhimoang;
tümüde I ashearakhi hihlah tüsho I mulong shekhia lah.
Currently Selected:
TÜZHOKHI 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
TÜZHOKHI 1
1
Jirusalem Mulong Rozhakkhi
1Khülang ki mihtsürünü mia lakhi kiuto küdükhüh zhikrangkhündo yapla!
Künangde anihbe khimoberü nangde kama la,
trükshih bolung anihbe ato lakheah!
Anihbe lomi bolung ching kiulongthsürü lakhi azhorü kamdo.
2Anihbenü azhing ching,
anihbe ngobo kheak chikebo bukde düsüknimde tripchoh;
anihbe muzhorü bolung anihbe shukheamrü she müla;
anihbe müyamrü alalanü anihbe ki mülapyukde rhimodo,
arübo anihbe riribo kamdo.
3Juda a thsünüde tüsho achakato azhorü thsüde ramtso ching yüdo;
kheakü anihbe trükshih bolung lah,
tüsho sühakhim dangpung müngü;
anihbe lümthsünü phulung ching anihbe müshamrünü yanphuhdo.
4Zion limrobo tüzhochoh tümüde thünio ching shenü marü;
anihbe chipiripit alala zhika lah,
anihbe amükeamrübo ashechoh;
anünürübonü mulong rozhakchoh tüsho anihbe thsünü akhüh ching lah.
5Anihbe riribo aputungrübo kamdo,
anihbe riribo thsü-tsüde lah,
tümütüsho anihbenü thsümünimkhi hihdakmonü Atungpuhnü anihbe thsünüshih;
anihbe tsührübo tsoabahdo,
thiri miki aramrübo ah.
6Zion tsührübe kheaknü wüntre-müretah alala chamachihdo.
Anihbe yakzanshuhrübo rimlopung müngükhi shihmüchipungbo nangde kamdo;
arünü sühmüh mülade amüshamrü müngüh tsodo.
7Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh.
Küyimki anihbe mihtsürü thiriri khah ching yüzahkhea,
tüsho anihbe rungpü she mülakhea,
thiririnü anihbe keamkhi kheahbah münejih.
8Jirusalemnü tode neak yihbeakdo,
jumonü anihbe amümüsüh kamdo;
anihbe wüntre jihrü alalanü anihbe mükhemürangchoh,
tümüde arünü anihbe bünkeang ngüdo.
Anihbe ashechoh tüsho miro anguhde tsochoh.
9Anihbe mümüsühkhi ju rungthsün kheak lakheah;
anihbenü arübe thsungkheak mülümakheah;
anihbe keamkhi atrebe lakheah,
shenü anihbe mushukheam.
“ O Atungpuh , I thsünükhi kheak kheahang,
tümüde thiririnü kukdo!”
10Thiriribonü shoto kukrukbo alala kurungkheak arü khahbo shuhkihdo;
nünü nü borü lung yüzahpü mümülükhi trükshihbonü
arüngyam ching yüzahkhi she anihbenü ngüdo.
11Anihbe mihtsürü alala yikhap yimde ashechoh;
arünü tsühyungpü thsungkheak arü rahpungbo arü sühmüh dükünglopü yinzüyindochoh.
Kheahang, O Atungpuh ,
tüsho I küdükhüh bahyuka lanü lümakheahang.
12Nüsa I tsahhorübo alala, nüsa ki tümü müla de?
Mürüngang tüsho kheahang,
mulong rozhakkhi khürü I nangde la shi,
küpü I kheak hande arükhea,
küpü Atungpuhnü api bukakhiuk nimung I thsümüchikhea.
13Achang kheaknü apinü mo arüshih;
ha I robo ching sükde yüzahdo;
apinü I jing thsungkheak keang zünga zo;
apinü I ashitloshih;
apinü I zhikabahshih,
nimung amuyung shekhia lashih.
14Inü alakmihkhi sangkaplakbo api khahnü thsünru;
jurübo I hung kheak nokih,
I sühmüh keakeashih;
inü azhihde müzhipkhukrü kilim Atungpuhnü I jih.
15 Atungpuhnü I lung lakhi thirithsürübo alala bahyuk;
apinü I azhihde I mihtsürü athunubo zünakpü kim khülang zhiyuk;
Atungpuhnü yukhu nitpung nangde atsangkhit Juda tsührübe jungnakdo.
16Harü thsungkheak inü tripchoh;
I mükbo ching chike bukchoh;
tümüde ashukheamrü khülang I rhangdung thsakhampü I kheaknü limshude lah;
I tsührübo thsümünima lah,
tümüde thiririnü kukdo.
17Zionnü akhahbo chungkhitchoh,
tüshe anihbe shukheamrü she müla;
Atungpuhnü Jakob azhihde thiyukhüm jihdo,
junangde api yamhingrübo anihbuh riri kambah;
arü bolung Jirusalem a amüneankhi kamdo.
18 Atungpuh alungki ching lah,
tümüde inü api yu azhihdo;
tüshe aniang, nüsa mihtsürü alala,
tüsho I thsünükhi kheahang;
I yo anünürü tüsho athrününgtsüng mihtsürübo aramkhi ching yüdo.
19Inü I muzhorübo ki ji tüshe arünü I mülapyuk;
I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.
20Kheahang, O Atungpuh , I küdükhüh lümthsünüla;
I me thsünülah,
I mulong rhothünakchoh,
tümütüsho inü khide azhihde alakheah.
Kiudunglimrobo ching nukshangnü laksahchoh;
thüyam ching ashekhi lah.
21I ashearakhi arünü sodo,
shenü I mushukheam.
I riribo alalanü I küpkhuk sodo;
nünü ha rhimokhinü arü asühchoh.
Nünü alokhikhi nimung hande arang tüsho arü she I ruk lashang.
22Arü rhimo atsü alala nü miki arüshang;
tüsho inü alakmihkhi alala dünkheak
nünü I ki rhimokhi nangde arü ki rhimoang;
tümüde I ashearakhi hihlah tüsho I mulong shekhia lah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.