JIHUSUA 9
9
Gibeonrünü Jihusua Rükakikhi
1Israelnü akukkhi yusheak Jordan aniyüzahlim kiulongthsürübo awungbo ching, lokeam lobo ching, tüsho Lebanon aku limpeang Mediterranean keto yeanbo lakhi ching soride yü, jurübo ju Hitrü, Amorrü, Kananrü, Perizrü, Hivrü tüsho Jebusrü kiulongthsürübo lakheah. 2Jihusua tüsho Israelrü bede keochihpü thsungkheaknü arübo thsürude mukhung.
3Tüshe küyimki Jirikho tüsho Ai ching Jihusuanü arhimokhi Gibeonrünü asokhea, 4arünü api ki limburü nangde rük thsüpü lüm, tüsho arübonü tsühyungbe yimkhiyimduhbah shungliukhim amürhüt tüsho shihküp qiuqiu awünbonü donki kheak hah thsüa mühah. 5Arünü arukrüpkhi khim yih tüsho athürelokhi jingkhümpü mürhüt khüm. Tüsho arünü yikhap akungkhi le mukabahkhi han. 6Junangde arübo Jihusua tüsho Israel kilim Gilgal binkheampung yübah tha, “Isa limshu lomi chingnü arükheah. Jumonü nüsanü isa ki binthrüm thsüpü thiyuchihchimang.”
7Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”
8Arünü Jihusua ki tha, “Isa nü yamlarübo ah.”
Jihusuanü arü ki keokhi, “Nüsa sherü a? Nüsa küchingnü arükhea?”
9Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo, 10tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi. 11Jumonü isa limberübo tüsho isa lomi ching larü alalanü hantsah ching tsühyungpü tsanglunga hanbah nüsa shoruang de isa ki thakheah. Isabo nü yamlarü thsüde alapü nüsanü isa kheak binthrüm thsüang de athakheah. 12Isa yo yikhap ju kheahang; nüsa shorupü thüyam chingnü hantsahmusuchokia lalamde alakheah. Tüshe kheahang! Kheaküa muka kungabah-a lah. 13Yukhu yukchokia qiuqiu aso lakheah, tüshe kheahang! Jurübo rukthünaka lah. Limshangde hantsahkhinü isa khimmih tüsho jingkhümpübo mürhüta lah.”
14Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi. 15Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.
16Ha thiyuchihchimkhi nimung mahsam dunglim, harü mihtsürübo ju aphüni larü ah de Israelrübonü mükheah. 17Jumonü Israelrübonü tsahmusubahle nimung mahsam dunglim arü lapung kiutobo harü khiung: Gibeon, Kephira, Beeroth, tüsho Kiriath-jearim. 18Tüshe Israelrübonü arü mülaksahkhuk, tümütüsho arü limberübonü A TUN GPU H , Israel Thrünpuh mung chingnü arü ki thiyuchihchimkheah. Ha dünkheak mihtsürü alalanü limberübo kheak atsanglo, 19tüshe arünü alo, Atungpuh Israel Thrünpuh mung chingnü isanü arü ki thiyuchihchimdo. Kheakü isanü arü qiupü mukuk. 20Isanü thiyuchihchimkhi nangde isanü arübo rhangdung lashihbeah; jude thsüsho bukakhiukkhi isa kheak marü. 21Limberübonü arü ki tha, “ Arübo rhangdung lashang.” Jumonü arü dünkheak limberübonü lümkhi jihkhi nangde arübo ju boto alala sangyihrü tüsho kekhiprü kam.
22Jihusuanü thiyukhüm jih-a Gibeonrü api miki bedarüshih, tüsho apinü arü ki keokhi, “Nüsa ha ching laa zobahle, tümüde nüsa limshu chingnü arükheah de rük thsükhea? 23Nüsanü ha rhimokhi hode Thrünpuhnü nüsa muthrumüneando. Nüsa mihtsürübo lünnü sang yihde tüsho Thrünpuh arüngyam thsungkheaknü ke khipde azhorü thsübah.”
24Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah. 25Kheakü isa nü khah ching lah; küpü nüsanü alim ah de lümchonü isa kheak rhimoang.” 26Hanangde Jihusuanü arü ki rhimo: apinü arü Israelrü khah chingnü khümkhit; tüsho arünü arübo mülaksah. 27Tüshe ju nimung Jihusuanü arübo, boto tüsho Atungpuhnü amokhitkhi dangpung ching lakhi Atungpuh kingaün sadam thsungkheaknü ha nimung khiungde, sangyihrü tüsho kekhiprü kamshih.
Currently Selected:
JIHUSUA 9: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JIHUSUA 9
9
Gibeonrünü Jihusua Rükakikhi
1Israelnü akukkhi yusheak Jordan aniyüzahlim kiulongthsürübo awungbo ching, lokeam lobo ching, tüsho Lebanon aku limpeang Mediterranean keto yeanbo lakhi ching soride yü, jurübo ju Hitrü, Amorrü, Kananrü, Perizrü, Hivrü tüsho Jebusrü kiulongthsürübo lakheah. 2Jihusua tüsho Israelrü bede keochihpü thsungkheaknü arübo thsürude mukhung.
3Tüshe küyimki Jirikho tüsho Ai ching Jihusuanü arhimokhi Gibeonrünü asokhea, 4arünü api ki limburü nangde rük thsüpü lüm, tüsho arübonü tsühyungbe yimkhiyimduhbah shungliukhim amürhüt tüsho shihküp qiuqiu awünbonü donki kheak hah thsüa mühah. 5Arünü arukrüpkhi khim yih tüsho athürelokhi jingkhümpü mürhüt khüm. Tüsho arünü yikhap akungkhi le mukabahkhi han. 6Junangde arübo Jihusua tüsho Israel kilim Gilgal binkheampung yübah tha, “Isa limshu lomi chingnü arükheah. Jumonü nüsanü isa ki binthrüm thsüpü thiyuchihchimang.”
7Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”
8Arünü Jihusua ki tha, “Isa nü yamlarübo ah.”
Jihusuanü arü ki keokhi, “Nüsa sherü a? Nüsa küchingnü arükhea?”
9Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo, 10tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi. 11Jumonü isa limberübo tüsho isa lomi ching larü alalanü hantsah ching tsühyungpü tsanglunga hanbah nüsa shoruang de isa ki thakheah. Isabo nü yamlarü thsüde alapü nüsanü isa kheak binthrüm thsüang de athakheah. 12Isa yo yikhap ju kheahang; nüsa shorupü thüyam chingnü hantsahmusuchokia lalamde alakheah. Tüshe kheahang! Kheaküa muka kungabah-a lah. 13Yukhu yukchokia qiuqiu aso lakheah, tüshe kheahang! Jurübo rukthünaka lah. Limshangde hantsahkhinü isa khimmih tüsho jingkhümpübo mürhüta lah.”
14Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi. 15Jihusuanü Gibeonrü kheak mungtsü thsüde alashihpü mülü. Tüshe Israelrü botonü arü kheak thiyuchihchimde alokhi.
16Ha thiyuchihchimkhi nimung mahsam dunglim, harü mihtsürübo ju aphüni larü ah de Israelrübonü mükheah. 17Jumonü Israelrübonü tsahmusubahle nimung mahsam dunglim arü lapung kiutobo harü khiung: Gibeon, Kephira, Beeroth, tüsho Kiriath-jearim. 18Tüshe Israelrübonü arü mülaksahkhuk, tümütüsho arü limberübonü A TUN GPU H , Israel Thrünpuh mung chingnü arü ki thiyuchihchimkheah. Ha dünkheak mihtsürü alalanü limberübo kheak atsanglo, 19tüshe arünü alo, Atungpuh Israel Thrünpuh mung chingnü isanü arü ki thiyuchihchimdo. Kheakü isanü arü qiupü mukuk. 20Isanü thiyuchihchimkhi nangde isanü arübo rhangdung lashihbeah; jude thsüsho bukakhiukkhi isa kheak marü. 21Limberübonü arü ki tha, “ Arübo rhangdung lashang.” Jumonü arü dünkheak limberübonü lümkhi jihkhi nangde arübo ju boto alala sangyihrü tüsho kekhiprü kam.
22Jihusuanü thiyukhüm jih-a Gibeonrü api miki bedarüshih, tüsho apinü arü ki keokhi, “Nüsa ha ching laa zobahle, tümüde nüsa limshu chingnü arükheah de rük thsükhea? 23Nüsanü ha rhimokhi hode Thrünpuhnü nüsa muthrumüneando. Nüsa mihtsürübo lünnü sang yihde tüsho Thrünpuh arüngyam thsungkheaknü ke khipde azhorü thsübah.”
24Arünü alo, “ Atobuh, isanü ha rhimokheah, tümütüsho Atungpuh nü Thrünpuhnü ayamlarü Mosa kilim lomi athrünkhi tüsho ju ching larü mihtsürü nüsa yü yande alaksahshihpü thiyukhüm jihkhi dükdü ah de isanü mükheah. Nüsa tremonü ha rhimokheah; isa rhangdung thsungkheaknü trede alakheah. 25Kheakü isa nü khah ching lah; küpü nüsanü alim ah de lümchonü isa kheak rhimoang.” 26Hanangde Jihusuanü arü ki rhimo: apinü arü Israelrü khah chingnü khümkhit; tüsho arünü arübo mülaksah. 27Tüshe ju nimung Jihusuanü arübo, boto tüsho Atungpuhnü amokhitkhi dangpung ching lakhi Atungpuh kingaün sadam thsungkheaknü ha nimung khiungde, sangyihrü tüsho kekhiprü kamshih.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.