JIHUSUA 3
3
Israelrübo Jordan Hokhi
1Ashido yapsu Jihusua tüsho Israelrü alala mükikde asürübah Shittim ching akhin, tüsho Jordan ching yübah muhochoki khiungde ju ching binkheam. 2Nimung mahsam dunglim limberübonü khimyam hode yü 3tüsho mihtsürübo ki tha, “ Küyimki nüsanü amükeamrübo Atungpuh nüsa Thrünpuh tangzüng sangdan hanbah angübanü, khimyam lukang tüsho arü yanang, 4junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.” 5Jihusuanü mihtsürübo ki tha, “Nüsabo tsangkhitang, tümüde shido Atungpuhnü nüsa bolung khinthiyinbe rhimobah.” 6Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.
7 Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah. 8Tangzüng sangdan shuhrü amükeamrübo ki nünü hade thiyukhüm jihang, küyimki nüsa Jordan ke münküp ki arübanü, nüsa Jordan ching zhikde zhipang.”
9Jumonü Jihusuanü Israelrübo ki tha, “ Ha ching arang tüsho Atungpuh nüsa Thrünpuh yu aniang. 10Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah. 11Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah. 12Kheakü Israelrü trük aban chingnü khülang khülang mihtsürü 12 mokhitang. 13Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”
14Jumonü küyimki mihtsürübo Jordan hopü mihtsürü müngüh amükeamrübo tangzüng sangdan hanshihbah, arü khimyam chingnü atsahmusukhea, 15tüsho küyimki amükeamrübonü tangzüng sangdan hanbah ke münküp ching tsahyukkheanü Jordan ke ju yimlu ruhroro bukkhitde buk, 16tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto#Ashe Keto. lim bukde ayükhi yung ju tukloabah tüsho mihtsürübo Jirikho phünide ju hokhukde yü. 17Küyimki mihtsürübo akung lo kheak tsahhode ayükhea, mihtsürü alala muhokhamchoki amükeamrübonü Atungpuh tangzüng sangdan shuhbah Jordan phünide akung lo kheak zhipde aleang.
Currently Selected:
JIHUSUA 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JIHUSUA 3
3
Israelrübo Jordan Hokhi
1Ashido yapsu Jihusua tüsho Israelrü alala mükikde asürübah Shittim ching akhin, tüsho Jordan ching yübah muhochoki khiungde ju ching binkheam. 2Nimung mahsam dunglim limberübonü khimyam hode yü 3tüsho mihtsürübo ki tha, “ Küyimki nüsanü amükeamrübo Atungpuh nüsa Thrünpuh tangzüng sangdan hanbah angübanü, khimyam lukang tüsho arü yanang, 4junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.” 5Jihusuanü mihtsürübo ki tha, “Nüsabo tsangkhitang, tümüde shido Atungpuhnü nüsa bolung khinthiyinbe rhimobah.” 6Tüsho apinü amükeamrübo tangzüng sangdan hanbah mihtsürübo müngüh thiyia yüshih. Apinü athakhi nangde arünü rhimo.
7 Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah. 8Tangzüng sangdan shuhrü amükeamrübo ki nünü hade thiyukhüm jihang, küyimki nüsa Jordan ke münküp ki arübanü, nüsa Jordan ching zhikde zhipang.”
9Jumonü Jihusuanü Israelrübo ki tha, “ Ha ching arang tüsho Atungpuh nüsa Thrünpuh yu aniang. 10Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah. 11Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah. 12Kheakü Israelrü trük aban chingnü khülang khülang mihtsürü 12 mokhitang. 13Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”
14Jumonü küyimki mihtsürübo Jordan hopü mihtsürü müngüh amükeamrübo tangzüng sangdan hanshihbah, arü khimyam chingnü atsahmusukhea, 15tüsho küyimki amükeamrübonü tangzüng sangdan hanbah ke münküp ching tsahyukkheanü Jordan ke ju yimlu ruhroro bukkhitde buk, 16tüsho achanglimnü bukde akikhi ju tuklo tüsho kingmukhungde Zarethan kiuto yean Adam kiuto khiungde kingmukhung, junangde Araba keto#Ashe Keto. lim bukde ayükhi yung ju tukloabah tüsho mihtsürübo Jirikho phünide ju hokhukde yü. 17Küyimki mihtsürübo akung lo kheak tsahhode ayükhea, mihtsürü alala muhokhamchoki amükeamrübonü Atungpuh tangzüng sangdan shuhbah Jordan phünide akung lo kheak zhipde aleang.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.