JIHUSUA 13
13
Yankhita Lupü Lomi
1Kheakü Jihusua khide ashinbuhrü lakheah, tüsho Atungpuhnü api ki tha, “Nü khide shina lah, tüshe kheaküshe alo ahihdo yankhia lupü lah: 2Filistia tüsho Geshur lomi alala, 3tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.) 4Kheaküshe Kananrü lomi alala, tüsho Meara (Sidonrü lo) chingnü Amorrü aredung yean Aphek khiungde; 5Gebalrü lo tüsho Baalgad chingnü Hermon wung khüp Lebo-hamath limpeang Lebanon aniakhiuklim alala, 6Lebanon tüsho Misrephoth-maim ane dükeak awung lomi ching larü Sidonrü alala. Israelrü müngühlim yü yande inü harü mihtsürübo yankhita bahbah; judü lang inü thiyukhüm jihkhi nangde nünü alobo ju Israelrü kilim yamrüplurüp chama jihang, 7kheakü, ha lo trük tuku tüsho Manase trük chamkhüh kilim nihbuh lo thsüshihpü chama jihang.”
Jordan Aniakhiuklim Lomi Chamnakkhi
8Reuben le Gad trükbo tüsho Manase trük chamnakkhühnü Atungpuh yamlarü Mosanü ajihkhi nangde Jordan aniakhiuklim lu. 9Arü lomi chinde ayükhi ju Aroer (Arnon jindükhün chinkheam ching), jindükhün phulung kiuto tüsho wungduduh alala Medeba chingnü Dibon khiungde; 10tüsho Heshbon ching yakzanshuhbuh Amor kiulongthsüpuh Sihonnü kiulongthsükhi kiutobo alala chingnü Amon aredung khiungde ah. 11Ju chingnü Gilead, Geshur tüsho Maaka lomi Hermon wung alala, tüsho Bashan chingnü Saleka khiung; 12Bashan ching Og kiulongthsü alala, shepünü Ashtaroth tüsho Edrei ching kiulongthsükhea (api Rephaimrü bolung ashukheamde rhangdung lakheah); Mosa nü harü mihtsürübo kukde yankhitabah. 13Tütüshe, Israelrünü Geshur tüsho Maaka mihtsürübo müyankhit; arü khihni khiungde Israel ching lah.
14Mosanü Levi trük kilim alo müjih; Atungpuhnü Mosa ki thakhi nangde, arü a kingaünpung kheak Atungpuh Israel Thrünpuh ki taka kingaünpü ju arü yamrüplurüp ah.
Reubenrü kilim Jihkhi Lomi
15Mosanü Reuben trük kilim arü guk ayannü yamrüplurüp jih. 16Arü lomi chinde ayükhi ju Aroer (Arnon jindükhün mungyean), ju jindükhün ching lakhi kiuto tüsho Medeba mühide alakhi wung düpheak ah. 17Heshbon tüsho awung düpheak kheak kiutobo: Dibon, Bamoth Baal, Beth-baalmeon, 18Jahaz, Kedemoth, Mephaath, 19Kiriathaim, Sibma, jindükhün wungbo kheak lakhi Zereth Shahar, 20Beth Peor, Pisga wung düpheak, tüsho Beth Jeshimoth, 21wung düpheak kheak lakhi kiutobo tüsho Heshbon ching yakzanshuhbuh Amor kiulongthsüpuh Sihon kiulongthsü alala belah. Mosanü api tüsho Midia yakzanshuhrü harü kukkhit: Evi, Rekem, Zur, Hur, tüsho Reba. Arü alalanü Sihon kiulongthsüpuh lung lomi ching yakzan shuh. 22Jurü bolung Israelrünü nukshangnü alaksahbuh ju müchitmudurü Beor tsührü Balaam lakheah. 23Jordan ju aniyüzahlim Reuben trük aredung yean lakheah. Harübo ju Reuben trük kilim nihbuh yamrüplurüp thsüpü arü guk ayannü ajihkhi kiutobo tüsho kiulongbo ah.
Gadrü kilim Jihkhi Lomi
24Mosanü Gad trük kilim she arü guk ayannü yamrüplurüp jih. 25Arü lo ju Jazer tüsho Gilead kiutobo, Rabba aniakhiuklim Aroer khiungde alakhi Amonrü lo shihchamkhüh; 26Heshbon chingnü Rama-mizpe tüsho Betonim, Mahanaim chingnü Debir khiungde, 27Jordan jindükhün ching Beth Haram, Beth Nimra, Sukkoth, Zaphon, tüsho aningkhi Heshbon kiulongthsüpuh Sihon kiulongthsü aniakhiuklim Jordan keto yean chingnü düjinglim Galilee keto akheam khiunglah. 28Harü kiutobo tüsho kiulongbo ha Gad trük kilim arü guk ayannü ajihkhi yamrüplurüp ah.
Aniakhiuklim Manaserü kilim Jihkhi Lomi
29Mosanü Manase trük chamkhüh kilim arü guk ayannü yamrüplurüp jih. 30Arü lomi ju Mahanaim tüsho Bashan lomi–Og kiulongthsü alala, tüsho Bashan ching lakhi Jair kiulong 60, 31tüsho Gilead shihchamkhüh, Bashan ching lakhi Og kiulongthsü kiutobo Ashtaroth tüsho Edrei. Harü alala Manase tsührü Makir tsührübo arü guk ayannü Makirrü chamkhüh kilim jih.
32Harü ha Mosanü Moab dükhün ching lachoki Jirikho aniakhiuklim tüsho Jordan ching chamjihkhi yamrüplurüp ah. 33Tüshe Mosanü Levirü trük kilim a yamrüplurüp tümü she müjih; apinü arü ki thakhi nangde Atungpuh Israel Thrünpuh kingaünpü ju lang arü yamrüplurüp ah.
Currently Selected:
JIHUSUA 13: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JIHUSUA 13
13
Yankhita Lupü Lomi
1Kheakü Jihusua khide ashinbuhrü lakheah, tüsho Atungpuhnü api ki tha, “Nü khide shina lah, tüshe kheaküshe alo ahihdo yankhia lupü lah: 2Filistia tüsho Geshur lomi alala, 3tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.) 4Kheaküshe Kananrü lomi alala, tüsho Meara (Sidonrü lo) chingnü Amorrü aredung yean Aphek khiungde; 5Gebalrü lo tüsho Baalgad chingnü Hermon wung khüp Lebo-hamath limpeang Lebanon aniakhiuklim alala, 6Lebanon tüsho Misrephoth-maim ane dükeak awung lomi ching larü Sidonrü alala. Israelrü müngühlim yü yande inü harü mihtsürübo yankhita bahbah; judü lang inü thiyukhüm jihkhi nangde nünü alobo ju Israelrü kilim yamrüplurüp chama jihang, 7kheakü, ha lo trük tuku tüsho Manase trük chamkhüh kilim nihbuh lo thsüshihpü chama jihang.”
Jordan Aniakhiuklim Lomi Chamnakkhi
8Reuben le Gad trükbo tüsho Manase trük chamnakkhühnü Atungpuh yamlarü Mosanü ajihkhi nangde Jordan aniakhiuklim lu. 9Arü lomi chinde ayükhi ju Aroer (Arnon jindükhün chinkheam ching), jindükhün phulung kiuto tüsho wungduduh alala Medeba chingnü Dibon khiungde; 10tüsho Heshbon ching yakzanshuhbuh Amor kiulongthsüpuh Sihonnü kiulongthsükhi kiutobo alala chingnü Amon aredung khiungde ah. 11Ju chingnü Gilead, Geshur tüsho Maaka lomi Hermon wung alala, tüsho Bashan chingnü Saleka khiung; 12Bashan ching Og kiulongthsü alala, shepünü Ashtaroth tüsho Edrei ching kiulongthsükhea (api Rephaimrü bolung ashukheamde rhangdung lakheah); Mosa nü harü mihtsürübo kukde yankhitabah. 13Tütüshe, Israelrünü Geshur tüsho Maaka mihtsürübo müyankhit; arü khihni khiungde Israel ching lah.
14Mosanü Levi trük kilim alo müjih; Atungpuhnü Mosa ki thakhi nangde, arü a kingaünpung kheak Atungpuh Israel Thrünpuh ki taka kingaünpü ju arü yamrüplurüp ah.
Reubenrü kilim Jihkhi Lomi
15Mosanü Reuben trük kilim arü guk ayannü yamrüplurüp jih. 16Arü lomi chinde ayükhi ju Aroer (Arnon jindükhün mungyean), ju jindükhün ching lakhi kiuto tüsho Medeba mühide alakhi wung düpheak ah. 17Heshbon tüsho awung düpheak kheak kiutobo: Dibon, Bamoth Baal, Beth-baalmeon, 18Jahaz, Kedemoth, Mephaath, 19Kiriathaim, Sibma, jindükhün wungbo kheak lakhi Zereth Shahar, 20Beth Peor, Pisga wung düpheak, tüsho Beth Jeshimoth, 21wung düpheak kheak lakhi kiutobo tüsho Heshbon ching yakzanshuhbuh Amor kiulongthsüpuh Sihon kiulongthsü alala belah. Mosanü api tüsho Midia yakzanshuhrü harü kukkhit: Evi, Rekem, Zur, Hur, tüsho Reba. Arü alalanü Sihon kiulongthsüpuh lung lomi ching yakzan shuh. 22Jurü bolung Israelrünü nukshangnü alaksahbuh ju müchitmudurü Beor tsührü Balaam lakheah. 23Jordan ju aniyüzahlim Reuben trük aredung yean lakheah. Harübo ju Reuben trük kilim nihbuh yamrüplurüp thsüpü arü guk ayannü ajihkhi kiutobo tüsho kiulongbo ah.
Gadrü kilim Jihkhi Lomi
24Mosanü Gad trük kilim she arü guk ayannü yamrüplurüp jih. 25Arü lo ju Jazer tüsho Gilead kiutobo, Rabba aniakhiuklim Aroer khiungde alakhi Amonrü lo shihchamkhüh; 26Heshbon chingnü Rama-mizpe tüsho Betonim, Mahanaim chingnü Debir khiungde, 27Jordan jindükhün ching Beth Haram, Beth Nimra, Sukkoth, Zaphon, tüsho aningkhi Heshbon kiulongthsüpuh Sihon kiulongthsü aniakhiuklim Jordan keto yean chingnü düjinglim Galilee keto akheam khiunglah. 28Harü kiutobo tüsho kiulongbo ha Gad trük kilim arü guk ayannü ajihkhi yamrüplurüp ah.
Aniakhiuklim Manaserü kilim Jihkhi Lomi
29Mosanü Manase trük chamkhüh kilim arü guk ayannü yamrüplurüp jih. 30Arü lomi ju Mahanaim tüsho Bashan lomi–Og kiulongthsü alala, tüsho Bashan ching lakhi Jair kiulong 60, 31tüsho Gilead shihchamkhüh, Bashan ching lakhi Og kiulongthsü kiutobo Ashtaroth tüsho Edrei. Harü alala Manase tsührü Makir tsührübo arü guk ayannü Makirrü chamkhüh kilim jih.
32Harü ha Mosanü Moab dükhün ching lachoki Jirikho aniakhiuklim tüsho Jordan ching chamjihkhi yamrüplurüp ah. 33Tüshe Mosanü Levirü trük kilim a yamrüplurüp tümü she müjih; apinü arü ki thakhi nangde Atungpuh Israel Thrünpuh kingaünpü ju lang arü yamrüplurüp ah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.