JIHUSUA 1
1
Kanan Yankhitshihpü Thiyukhüm Jihkhi
1 Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha, 2“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang. 3Inü Mosa ki alokhikhi nangde, nü tüsho I mihtsürü athrünkhi kilim nüsanü thrümde ayüpü lakhi lo alala jihdo. 4Sunglo tüsho ha Lebanon kheaknü Euphra ato keto, Hitrü lo chingnü aniyüzahlim Ato Keto#Ju Mediterranean. khiungde nüsa lomi thsübah. 5Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk. 6Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah. 7Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah. 8Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah. 9Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”
Jihusuanü Mihtsürübo kilim Thiyukhüm Jihkhi
10Jihusuanü mihtsürü limberübo ki thiyukhüm jih, “Binkheampung rhua kheahde mihtsürübo ki thiyukhüm jihang: 11‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”
12Jihusuanü Reuben trük, Gad trük, tüsho Manase trük chamkhüh ki tha, 13“ Künangde Atungpuh yamlarü Mosanü nüsa ki, Jordan aniakhiuklim thrip nüsa lapung thsüpü Atungpuh nüsa Thrünpuhnü ajihbah de athakheanü lümkhitang. 14Nüsa niuberübo, nüsa tsührübo, tüsho nüsa akam-shiwühbo Mosanü ajihkhi lo Jordan thrippeang labah, tüshe nüsa bonungrübo, keochihpü lüh shuhbah, keoniorü Israelrü müngühnü, 15Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”
16Arünü Jihusua ki alo, “Nünü isa ki thakhi alala rhimobah tüsho kürü ching thiyibanü isa ayübah. 17Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang! 18Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”
Currently Selected:
JIHUSUA 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JIHUSUA 1
1
Kanan Yankhitshihpü Thiyukhüm Jihkhi
1 Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha, 2“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang. 3Inü Mosa ki alokhikhi nangde, nü tüsho I mihtsürü athrünkhi kilim nüsanü thrümde ayüpü lakhi lo alala jihdo. 4Sunglo tüsho ha Lebanon kheaknü Euphra ato keto, Hitrü lo chingnü aniyüzahlim Ato Keto#Ju Mediterranean. khiungde nüsa lomi thsübah. 5Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk. 6Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah. 7Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah. 8Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah. 9Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”
Jihusuanü Mihtsürübo kilim Thiyukhüm Jihkhi
10Jihusuanü mihtsürü limberübo ki thiyukhüm jih, “Binkheampung rhua kheahde mihtsürübo ki thiyukhüm jihang: 11‘ Tsühyungpü tsanglungang, tümüde nimung mahsam ninü Jordan keto hode yübah Atungpuh nüsa Thrünpuhnü ajihkhi lo lubah.’ ”
12Jihusuanü Reuben trük, Gad trük, tüsho Manase trük chamkhüh ki tha, 13“ Künangde Atungpuh yamlarü Mosanü nüsa ki, Jordan aniakhiuklim thrip nüsa lapung thsüpü Atungpuh nüsa Thrünpuhnü ajihbah de athakheanü lümkhitang. 14Nüsa niuberübo, nüsa tsührübo, tüsho nüsa akam-shiwühbo Mosanü ajihkhi lo Jordan thrippeang labah, tüshe nüsa bonungrübo, keochihpü lüh shuhbah, keoniorü Israelrü müngühnü, 15Atungpuhnü Jordan aniyüzahlim lo arü le nüsa kilim jihkhi mümükühyi khiungde arü rungpü yübah, küyimki apinü Israel trükbo khümkhitba, nüsanü alode arang tüsho Jordan aniakhiuklim Atungpuh yamlarü, Mosanü nüsa kilim jihkhi lo ching laang.”
16Arünü Jihusua ki alo, “Nünü isa ki thakhi alala rhimobah tüsho kürü ching thiyibanü isa ayübah. 17Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang! 18Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.