JONA 3
3
Jonanü Atungpuh ki Anikhi
1 Atungpuh yu mahne kipü Jona kilim arü, 2“Asürang, kiuto ato Nineve lim yüang, tüsho inü nü ki thakhi thiyusheak ju ching zhiyukang.” 3Jumonü Jonanü Atungpuh yu yande tsahmusu tüsho Nineve lim yü. Kheakü Nineve ju tomülakkhi kiuto, nimung mahsam tsahhobe lakheah. 4Jonanü nimung khülang tsahde kiuto ching yüzahpü tsahmusu. Tüsho apinü zhi, “ Nimung yirü labah Nineve thsümünimbah!” 5Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.
6Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin. 7Judüki apinü Nineve ching zhiyukkhi khülang lakheah: “ Kiulongthsüpuh tüsho api yo atorübo yuzüng hode: Mihtsürü yungsho shiwüh, moshi yungsho mihnunü tümü she mütsühake. Arübo müyimkip, yungsho arünü ke muyung. 8Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah. 9Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”
10Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.
Currently Selected:
JONA 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JONA 3
3
Jonanü Atungpuh ki Anikhi
1 Atungpuh yu mahne kipü Jona kilim arü, 2“Asürang, kiuto ato Nineve lim yüang, tüsho inü nü ki thakhi thiyusheak ju ching zhiyukang.” 3Jumonü Jonanü Atungpuh yu yande tsahmusu tüsho Nineve lim yü. Kheakü Nineve ju tomülakkhi kiuto, nimung mahsam tsahhobe lakheah. 4Jonanü nimung khülang tsahde kiuto ching yüzahpü tsahmusu. Tüsho apinü zhi, “ Nimung yirü labah Nineve thsümünimbah!” 5Tüsho Nineve mihtsürübonü Thrünpuh kin; arünü khümkeak thsüpü zhiyuk tüsho mihbüm aban ato tüsho anininü shungliukhim phuyu.
6Küyimki thiyusheakbo ju Nineve kiulongthsüpuh khiungkhea, apinü anihbuh kiulongthsü-binkiu chingnü asürü, api shulünkhim yihkhit, shungliukhimnü anihbuh lüpdo, tüsho awah ching bin. 7Judüki apinü Nineve ching zhiyukkhi khülang lakheah: “ Kiulongthsüpuh tüsho api yo atorübo yuzüng hode: Mihtsürü yungsho shiwüh, moshi yungsho mihnunü tümü she mütsühake. Arübo müyimkip, yungsho arünü ke muyung. 8Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah. 9Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”
10Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.