HOSEA 1
1
1 Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.
Hosea Niube tüsho Tsührübo
2Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.” 3Jumonü apinü yü tüsho Diblaim tsührübe Gomer lu, tüsho alibe mübünkeangde kambah api kilim tsührü khülang zübejih.
4Tüsho Atungpuhnü api ki tha, “Api mung Jezreel#Thrünpuhnü yangchoh. jiang; tümüde anükhüh labah Jezreel thiyih dünkheaknü Jehu yamkhün thsümüchibah, tüsho inü Israel kiulongthsü akheam thsüshihbah. 5Ju nimung inü Jezreel jindükhün ching Israel sanglüh yihshakbah.”
6Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama#Mümuzhokhi. de jiang, tümüde kheaküa inü Israel yamkhün mümuzho yungsho arü neak mübahjih. 7Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”
8Küyimki anihbenü Lo-ruhama niuh chamkhea, alibenü tsührü khülang zübe. 9Atungpuhnü tha, “Api mung Lo-ammi#I mihtsürü yung. jiang, tümüde nüsa I mihtsürü yung tüsho I nüsa Thrünpuh yung.”
10Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.” 11Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.
Currently Selected:
HOSEA 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
HOSEA 1
1
1 Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.
Hosea Niube tüsho Tsührübo
2Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.” 3Jumonü apinü yü tüsho Diblaim tsührübe Gomer lu, tüsho alibe mübünkeangde kambah api kilim tsührü khülang zübejih.
4Tüsho Atungpuhnü api ki tha, “Api mung Jezreel#Thrünpuhnü yangchoh. jiang; tümüde anükhüh labah Jezreel thiyih dünkheaknü Jehu yamkhün thsümüchibah, tüsho inü Israel kiulongthsü akheam thsüshihbah. 5Ju nimung inü Jezreel jindükhün ching Israel sanglüh yihshakbah.”
6Alibe mübünkeanglode kam tüsho tsührü aliberü khülang zübejih. Judüki Atungpuhnü api ki tha, “Alibe mung Lo-ruhama#Mümuzhokhi. de jiang, tümüde kheaküa inü Israel yamkhün mümuzho yungsho arü neak mübahjih. 7Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”
8Küyimki anihbenü Lo-ruhama niuh chamkhea, alibenü tsührü khülang zübe. 9Atungpuhnü tha, “Api mung Lo-ammi#I mihtsürü yung. jiang, tümüde nüsa I mihtsürü yung tüsho I nüsa Thrünpuh yung.”
10Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.” 11Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.