EZEKIEL 26
26
Tair azhihde Müchitkhi
1Kam thürükheak khülang, khinu#Ibri yu ching khinu mung jih-a müla. ching nimung akhuhbe nimung, Atungpuh yu I ki arü: 2Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”
3Jumonü, Atungpuh Thrünpuhnü ha thachoh: Kheahang, inü nü azhihde lah, O Tair! Inü nü azhihde trükshih ahihdo, ketonü abükde arükhi nangde bedarübah. 4Arünü Tair chipibo thsümünimbah tüsho aheangsadambo lukkheambah. Inü ju chingnü alo müsüka lubah tüsho lung müthsün kamshihbah. 5Ha keang chutreakpung keto phulung kambah. Inü asukdo, Atungpuh Thrünpuhnü thachoh. Ha trükshihbo thsungkheaknü yankhia lukhi kambah, 6tüsho anihbe kiutobo ching larübo nukshangnü alaksahbah. Judüki I Atungpuh de arünü mükheahbah.
7Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah. 8Kiutobo tüsho lomi phulung larübo thirithsü ching laksahbah. Apinü nü azhihde ayanpü alo kiubah, wumujungbah, tüsho tsungbonü rhü thsübah. 9Apinü nü chipibo azhihde müyinnimde akingkheambe chungbah tüsho api wübonü nü aheangsadambo kingkheambah. 10Api khorabo ahihdo lakhinü asungthulungnü nü hingdobah. Khoraberü, lolungbejingbo, tüsho khora-lolungbebo chipi keamkhi kiuto ching yüchoki nü chipiripitbo niukbah. 11Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah. 12Arünü nü lakhitbo tüsho nü yo yinzüyindo kukruk lubah; arünü nü chipibo kingkheambah tüsho atsüdak nü yambo thsümünimbah. Nü lungbo tüsho arhütsang tüsho alo ke ching bahjihbah. 13Inü nü khün düsheak kheamshihbah; nü bingshang düsheak musolo. 14Inü nü lung müthsün kamshihbah; nü ju keang chutreakpü dangpung thsübah. Nü küyimkishe müthsülo, tümüde I Atungpuhnü asukdo, Atungpuh Thrünpuhnü thachoh.
15Atungpuh Thrünpuhnü Tair ki ha thachoh: Küyimki yurirü ashearaba, küyimki nü lung alaksahkhi yüba, nü keamkhinü keyean lobo müniukba de? 16Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah. 17Tüsho arünü nü kurungkheak tüzhobah, tüsho nü ki thabah:
Künangde ketobo chingnü nü dükheakde,
O mungkhung kiuto,
khülang ki keto kheak wuto lakheah,
nü tüsho nü mihtsürü,
sherünü ju ching larü alala treshih!
18Kheakü nü keamkhi nimung keyean lobo ajanchoh;
nü thsümünimkhi kheak keto yean lomibonü müyinsahchoh.
19Tümüde Atungpuh Thrünpuhnü ha thachoh: Küyimki inü mihtsürü mülakhi kiuto nangde athsümünimkhi kiuto kamshihba, küyimki inü nü kheak asük hande akihba, tüsho ke atobonü nü zündoba, 20judüki adüso mihtsürü lung alokhün ching inü nü nimyukbah, tüsho inü nü jipü lün ching thsümünimkhi bolung alokhün ching yüzahrü lung alomi bukkhüp ching lashihbah, junangde nü mülalo yungsho rhangdung lakhi lomi ching dangpung müla. 21Inü nü mihtrebe khülang kamshihbah, tüsho nü kheaküa müla; yimyim she küyimkishe nü müngülo, Atungpuh Thrünpuhnü thachoh.
Currently Selected:
EZEKIEL 26: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EZEKIEL 26
26
Tair azhihde Müchitkhi
1Kam thürükheak khülang, khinu#Ibri yu ching khinu mung jih-a müla. ching nimung akhuhbe nimung, Atungpuh yu I ki arü: 2Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”
3Jumonü, Atungpuh Thrünpuhnü ha thachoh: Kheahang, inü nü azhihde lah, O Tair! Inü nü azhihde trükshih ahihdo, ketonü abükde arükhi nangde bedarübah. 4Arünü Tair chipibo thsümünimbah tüsho aheangsadambo lukkheambah. Inü ju chingnü alo müsüka lubah tüsho lung müthsün kamshihbah. 5Ha keang chutreakpung keto phulung kambah. Inü asukdo, Atungpuh Thrünpuhnü thachoh. Ha trükshihbo thsungkheaknü yankhia lukhi kambah, 6tüsho anihbe kiutobo ching larübo nukshangnü alaksahbah. Judüki I Atungpuh de arünü mükheahbah.
7Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah. 8Kiutobo tüsho lomi phulung larübo thirithsü ching laksahbah. Apinü nü azhihde ayanpü alo kiubah, wumujungbah, tüsho tsungbonü rhü thsübah. 9Apinü nü chipibo azhihde müyinnimde akingkheambe chungbah tüsho api wübonü nü aheangsadambo kingkheambah. 10Api khorabo ahihdo lakhinü asungthulungnü nü hingdobah. Khoraberü, lolungbejingbo, tüsho khora-lolungbebo chipi keamkhi kiuto ching yüchoki nü chipiripitbo niukbah. 11Api khora biuobonü nü kiudunglimrobo jungbah. Apinü nü mihtsürübo nukshang kheak yihkihbah, tüsho nü yo amüküp dungjingbo alo kheak keambah. 12Arünü nü lakhitbo tüsho nü yo yinzüyindo kukruk lubah; arünü nü chipibo kingkheambah tüsho atsüdak nü yambo thsümünimbah. Nü lungbo tüsho arhütsang tüsho alo ke ching bahjihbah. 13Inü nü khün düsheak kheamshihbah; nü bingshang düsheak musolo. 14Inü nü lung müthsün kamshihbah; nü ju keang chutreakpü dangpung thsübah. Nü küyimkishe müthsülo, tümüde I Atungpuhnü asukdo, Atungpuh Thrünpuhnü thachoh.
15Atungpuh Thrünpuhnü Tair ki ha thachoh: Küyimki yurirü ashearaba, küyimki nü lung alaksahkhi yüba, nü keamkhinü keyean lobo müniukba de? 16Judüki keto yakzanshuhrübo alalanü arü kiulongthsü-binkiu chingnü akibah; arü shulünkhimbo tüsho arü yakkhokhi khimmihbo yihkhitbah. Arünü nihbuh zangrü ajankhinü khim thsübah alo kheak binbah; arünü kim aban ajanbah tüsho nü ki müyinsahbah. 17Tüsho arünü nü kurungkheak tüzhobah, tüsho nü ki thabah:
Künangde ketobo chingnü nü dükheakde,
O mungkhung kiuto,
khülang ki keto kheak wuto lakheah,
nü tüsho nü mihtsürü,
sherünü ju ching larü alala treshih!
18Kheakü nü keamkhi nimung keyean lobo ajanchoh;
nü thsümünimkhi kheak keto yean lomibonü müyinsahchoh.
19Tümüde Atungpuh Thrünpuhnü ha thachoh: Küyimki inü mihtsürü mülakhi kiuto nangde athsümünimkhi kiuto kamshihba, küyimki inü nü kheak asük hande akihba, tüsho ke atobonü nü zündoba, 20judüki adüso mihtsürü lung alokhün ching inü nü nimyukbah, tüsho inü nü jipü lün ching thsümünimkhi bolung alokhün ching yüzahrü lung alomi bukkhüp ching lashihbah, junangde nü mülalo yungsho rhangdung lakhi lomi ching dangpung müla. 21Inü nü mihtrebe khülang kamshihbah, tüsho nü kheaküa müla; yimyim she küyimkishe nü müngülo, Atungpuh Thrünpuhnü thachoh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.