EFISIA 2
2
Ashe chingnü Rhangdung
1 #
Kol 2.13
Tüsho nüsa alakmihkhibo tüsho neakbo ching shea lakhi apinü arhang kamshih, 2küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea, 3harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah. 4Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü, 5isanü alakmihkhi hode isa shea lachoki she Khrista lung rukhüh arhang kamshih (amüthsüm hode nüsa khümkhit), 6tüsho api lung isa asürüshih, tüsho Jisu Khrista lung yinmi kiulongthsübo ching binshih, 7junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah. 8Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah, 9mihtsürü khürünü kükheangpü thsüde rhimobo hode yung. 10Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.
Khrista ching Khülang
11Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang– 12junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah. 13Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo. 14Tümüde api ju isa khülang kamshihbuh isa mungtsü, tüsho mükthsühüthsü rhü khiungdokhi lukkheamjih, 15#Kol 2.14junangde apinü anihbuh kheak mungtsü thsüde mahne müthri mihtsürü aso khülang thrünpü api shih ching thiyukhüm yakzan tüsho thiyuzüngbo dükheakshih, 16#Kol 1.20tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah. 17Tüsho api arübah nüsa limshu tüsho phünide alarü ki mungtsü thsangyuthsangra; 18tümütüsho api hode isa chido Me khülang ching Abuh kilim arüshihpü lah. 19Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung, 20amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi, 21api kheak atrung alala rukhüh müchinru tüsho Atungpuh lung amüsüh arüngyam ching zokihkhi lah; 22api kheak Me ching Thrünpuh lapung thsüde nüsa thrünkih-a lah.
Currently Selected:
EFISIA 2: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EFISIA 2
2
Ashe chingnü Rhangdung
1 #
Kol 2.13
Tüsho nüsa alakmihkhibo tüsho neakbo ching shea lakhi apinü arhang kamshih, 2küpü ching nüsanü khülangki ha lomi limro, apung wu yakzanshuhrü, kheakü mihyumanikhi tsührübo kheak rhimode alakhi me yande atsahkhea, 3harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah. 4Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü, 5isanü alakmihkhi hode isa shea lachoki she Khrista lung rukhüh arhang kamshih (amüthsüm hode nüsa khümkhit), 6tüsho api lung isa asürüshih, tüsho Jisu Khrista lung yinmi kiulongthsübo ching binshih, 7junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah. 8Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah, 9mihtsürü khürünü kükheangpü thsüde rhimobo hode yung. 10Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.
Khrista ching Khülang
11Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang– 12junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah. 13Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo. 14Tümüde api ju isa khülang kamshihbuh isa mungtsü, tüsho mükthsühüthsü rhü khiungdokhi lukkheamjih, 15#Kol 2.14junangde apinü anihbuh kheak mungtsü thsüde mahne müthri mihtsürü aso khülang thrünpü api shih ching thiyukhüm yakzan tüsho thiyuzüngbo dükheakshih, 16#Kol 1.20tüsho isa chido sangkim hode pang khülang ching Thrünpuh kheak tsüarihlode mükthsükhi akheam thsüshihpü lakheah. 17Tüsho api arübah nüsa limshu tüsho phünide alarü ki mungtsü thsangyuthsangra; 18tümütüsho api hode isa chido Me khülang ching Abuh kilim arüshihpü lah. 19Jumonü kheaküa nüsa hanrübo tüsho tsotsahrübo yung tüshe amüsührübo tüsho Thrünpuh yamkhünbo lung rukhüh mihkhung, 20amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi, 21api kheak atrung alala rukhüh müchinru tüsho Atungpuh lung amüsüh arüngyam ching zokihkhi lah; 22api kheak Me ching Thrünpuh lapung thsüde nüsa thrünkih-a lah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.