DANIEL 5
5
Belshazzarnü Aniojikhi
1Kiulongthsüpuh Belshazzarnü api putungrübo chithürü thsungkheak anioji ato khülang thsakham, tüsho apinü chithürü miki yukhu yungde alakheah.
2Belshazzarnü yukhu yungakede alachoki, abuh Nebukednezarnü Jirusalem ching arüngyam chingnü ayihkhitkhi suna tüsho shotoyinchi pungphurubo lude azahpü thiyukhüm jih, junangde kiulongthsüpuh, api putungrü, aniubebo, tüsho hanniubebonü jurü chingnü ayungpü lakheah. 3Jumonü Jirusalem ching Thrünpuh yam, arüngyam chingnü ayihkhitkhi suna tüsho shotoyinchi pungphurubo lude azah, tüsho kiulongthsüpuh le api putungrübo, aniubebo, tüsho hanniubebonü jurü chingnü yung. 4Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.
5Zukleangnü mihtsürü yingkhingbo akhiuk tüsho kiulongthsüpuh yam rhü lüpkhi kheak tsünpung dubopung ki thrütpü tankih. Thrütde alachoki kiulongthsüpuhnü khah ju kheahde alakheah. 6Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih. 7Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.” 8Judüki kiulongthsüpuh yo lümlung larü mihtsürü alala azah, tüshe arünü athrütkhi ju mükhekhuk yungsho kiulongthsüpuh ki müthanakkhuk. 9Judüki kiulongthsüpuh Belshazzar ju khide treabah tüsho amiro pheakmulukdo kam, tüsho api putungrübo ju zhazhaabah.
10Kiulongthsübenü küyimki kiulongthsüpuh tüsho api putungrübo atsangachihkhi sokheanü, aniojikhi yam ching yüzah. Kiulongthsübenü tha, “ O kiulongthsüpuh, kutsüpde laang! Nü lümkhilümduhbonü nü trede dükamshih yungsho nü miro pheakmulukdo dükam. 11Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih, 12tümütüsho, kiulongthsüpuhnü Belteshazzar de ajijihkhi Daniel kheak athukhi me, mükheahmudu, tüsho milim yihthünakpü anikhitkhi, aramyu thanakpü tüsho lümkhilümduh mulong-mülüpü lakheah. Kheakü Daniel jishang, tüsho apinü thanaka jihbah.”
Athrütkhi Danielnü Thanak
13Judüki Daniel ju kiulongthsüpuh miki bede yüzah. Kiulongthsüpuhnü Daniel ki tha, “ Nü Daniel, I buh kiulongthsüpuhnü Juda chingnü bedarükhi, Juda ramtsorü khülang a de? 14Thrünpuh me tüsho mükheahmudu anikhitkhi tüsho lümlung nü kheak lah de inü sodo. 15Kheakü lümlung larü mihtsürü wurük-huhrü I ki ha thrütkhi khepü tüsho thanakshihpü bede azah, tüshe arünü ju amütsan müthanakkhuk. 16Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”
17Judüki Danielnü kiulongthsüpuh mikinü alo, “ Nü thsambahbo nü thsungkheak zoang, yungsho nü thsambahbo khürü kilim jihang! Judüalalashe inü athrütkhi ju kiulongthsüpuh ki khebah tüsho ju amütsan api ki thabah. 18O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih. 19Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü. 20Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih. 21Api ju mihtsürü boto chingnü yanabah, tüsho api lümkhi ju shiwüh nangde kamshih. Api lapung mütüm donki lung lashih, moshipung nangde rim tsühshih, tüsho Khide Achang Thrünpuhnü mihtsürü kiulongthsü kurungkheak yakzan shuhchoh, tüsho apinü alümkhi kheak zojihchoh de apinü manikhityi khiungde api pang ayinkenü pangshih. 22Tüsho nü, api tsührü Belshazzar, nünü ha alala mükheahkheah she nü mulong mazhihayih! 23Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.
24“Jumonü api kilimnü ha thrütpü khah arüshih. 25Tüsho athrütkhi ju ha: M E N E, M E N E, T E K E L, tüsho P A R S I N. 26Amütsan thanakkhi ha: M E N E, Thrünpuhnü nü kiulongthsü kheakheahdo tüsho akheam thsüshihdo; 27T E K E L, adünarabe kheak nü adünakheahdo tüsho mukhiukde ngüdo; 28P E R E S,#Parsin yo bümkhüh ah. nü kiulongthsü chamnakdo tüsho Midiarü le Persiarü kilim jihdo.”
29Judüki Belshazzarnü thiyukhüm jih, tüsho mürümmüri khim Daniel kheak phuyujih, suna wuhrünlak ahung mükamde yukjih, tüsho kiulongthsü ching api binkiu asampü ching lapü dünkheak zhiyukjih.
30Ju tsüngrenü Kaldea kiulongthsüpuh Belshazzar ju laksah. 31Tüsho Midiarü Darius, kam 62 azorünü kiulongthsü leangkhia lu.
Currently Selected:
DANIEL 5: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
DANIEL 5
5
Belshazzarnü Aniojikhi
1Kiulongthsüpuh Belshazzarnü api putungrübo chithürü thsungkheak anioji ato khülang thsakham, tüsho apinü chithürü miki yukhu yungde alakheah.
2Belshazzarnü yukhu yungakede alachoki, abuh Nebukednezarnü Jirusalem ching arüngyam chingnü ayihkhitkhi suna tüsho shotoyinchi pungphurubo lude azahpü thiyukhüm jih, junangde kiulongthsüpuh, api putungrü, aniubebo, tüsho hanniubebonü jurü chingnü ayungpü lakheah. 3Jumonü Jirusalem ching Thrünpuh yam, arüngyam chingnü ayihkhitkhi suna tüsho shotoyinchi pungphurubo lude azah, tüsho kiulongthsüpuh le api putungrübo, aniubebo, tüsho hanniubebonü jurü chingnü yung. 4Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.
5Zukleangnü mihtsürü yingkhingbo akhiuk tüsho kiulongthsüpuh yam rhü lüpkhi kheak tsünpung dubopung ki thrütpü tankih. Thrütde alachoki kiulongthsüpuhnü khah ju kheahde alakheah. 6Judüki kiulongthsüpuh miro pheakmulukdo kam, tüsho api lümkhilümduhnü anihbuh trede kamshih. Api jingkhahbo shekhiabah, tüsho amukhukbo lakachih. 7Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.” 8Judüki kiulongthsüpuh yo lümlung larü mihtsürü alala azah, tüshe arünü athrütkhi ju mükhekhuk yungsho kiulongthsüpuh ki müthanakkhuk. 9Judüki kiulongthsüpuh Belshazzar ju khide treabah tüsho amiro pheakmulukdo kam, tüsho api putungrübo ju zhazhaabah.
10Kiulongthsübenü küyimki kiulongthsüpuh tüsho api putungrübo atsangachihkhi sokheanü, aniojikhi yam ching yüzah. Kiulongthsübenü tha, “ O kiulongthsüpuh, kutsüpde laang! Nü lümkhilümduhbonü nü trede dükamshih yungsho nü miro pheakmulukdo dükam. 11Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih, 12tümütüsho, kiulongthsüpuhnü Belteshazzar de ajijihkhi Daniel kheak athukhi me, mükheahmudu, tüsho milim yihthünakpü anikhitkhi, aramyu thanakpü tüsho lümkhilümduh mulong-mülüpü lakheah. Kheakü Daniel jishang, tüsho apinü thanaka jihbah.”
Athrütkhi Danielnü Thanak
13Judüki Daniel ju kiulongthsüpuh miki bede yüzah. Kiulongthsüpuhnü Daniel ki tha, “ Nü Daniel, I buh kiulongthsüpuhnü Juda chingnü bedarükhi, Juda ramtsorü khülang a de? 14Thrünpuh me tüsho mükheahmudu anikhitkhi tüsho lümlung nü kheak lah de inü sodo. 15Kheakü lümlung larü mihtsürü wurük-huhrü I ki ha thrütkhi khepü tüsho thanakshihpü bede azah, tüshe arünü ju amütsan müthanakkhuk. 16Tüshe nünü thanakkhukchoh tüsho lümkhilümduh mulong-mülüchoh de inü sodo. Kheakü nünü athrütkhi khekhuksho tüsho thanakkhuksho, nü kheak mürümmüri khim phuyujihbah, nü hung mükamde suna wuhrünlak khülang jihbah, tüsho kiulongthsü ching asampü ching lashihbah.”
17Judüki Danielnü kiulongthsüpuh mikinü alo, “ Nü thsambahbo nü thsungkheak zoang, yungsho nü thsambahbo khürü kilim jihang! Judüalalashe inü athrütkhi ju kiulongthsüpuh ki khebah tüsho ju amütsan api ki thabah. 18O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih. 19Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü. 20Tüshe küyimki api mulong müküpde tüsho kükheangde kamkhea, api kiulongthsü-binkiu kheaknü akishih tüsho api müretahkhi luabahjih. 21Api ju mihtsürü boto chingnü yanabah, tüsho api lümkhi ju shiwüh nangde kamshih. Api lapung mütüm donki lung lashih, moshipung nangde rim tsühshih, tüsho Khide Achang Thrünpuhnü mihtsürü kiulongthsü kurungkheak yakzan shuhchoh, tüsho apinü alümkhi kheak zojihchoh de apinü manikhityi khiungde api pang ayinkenü pangshih. 22Tüsho nü, api tsührü Belshazzar, nünü ha alala mükheahkheah she nü mulong mazhihayih! 23Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.
24“Jumonü api kilimnü ha thrütpü khah arüshih. 25Tüsho athrütkhi ju ha: M E N E, M E N E, T E K E L, tüsho P A R S I N. 26Amütsan thanakkhi ha: M E N E, Thrünpuhnü nü kiulongthsü kheakheahdo tüsho akheam thsüshihdo; 27T E K E L, adünarabe kheak nü adünakheahdo tüsho mukhiukde ngüdo; 28P E R E S,#Parsin yo bümkhüh ah. nü kiulongthsü chamnakdo tüsho Midiarü le Persiarü kilim jihdo.”
29Judüki Belshazzarnü thiyukhüm jih, tüsho mürümmüri khim Daniel kheak phuyujih, suna wuhrünlak ahung mükamde yukjih, tüsho kiulongthsü ching api binkiu asampü ching lapü dünkheak zhiyukjih.
30Ju tsüngrenü Kaldea kiulongthsüpuh Belshazzar ju laksah. 31Tüsho Midiarü Darius, kam 62 azorünü kiulongthsü leangkhia lu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.