KOLOSI 3
3
1Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang. 2Alomi ching lakhi kukrukbo kheak yungde, akulim lakhi kukrukbo kheak nüsa lümkhibo zoang. 3Tümüde nü shedo, tüsho nü ju Khrista lung rhangdung Thrünpuh kheak jika lah. 4Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.
Awün tüsho Aso Rhangdung
5Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune. 6Harü dünkheaknü Thrünpuh bukakhiukkhi arüchoh. 7Küyimki nü harü ching lakheanü, khülangki nünü arü yande tsahdo. 8Tüshe kheakü alala chamkhia bahang: bukakhiuk, mulong zhipzhip, lungchihlunghean, dünthamungtha, nü mün chingnü makhamaleak thakhi. 9#Efi 4.22Khülangnü khülang ki akeangyu dütha, tümütüsho nüsanü awün yakli rhimobo bahdo, 10#Efi 4.24tüsho athrünrü mejak yande mükheahmudu ching aso kamlokhi yakli aso yihbah. 11Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.
12 #
Efi 4.2
Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang, 13#Efi 4.32khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah. 14Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang. 15Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang. 16#Efi 5.19,20Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang. 17Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.
Khristan Yamkhün Thiyuzüngbo
18 #
Efi 5.22; 1 Pet 3.1 Niuberübo, Atungpuh kheak ayekhi nangde nüsa niubuhrü bukkhüp laang. 19#Efi 5.25; 1 Pet 3.7Niubuhrübo, nüsa niuberübo muzhoang, tüsho arü kheak müküpde düla. 20#Efi 6.1Tsührübo, lüpdükhi ching nüsanü berübuhrü ki mihyuaniang, tümüde hanü Atungpuh asühshihchoh. 21#Efi 6.4Buhrübo, nüsa tsührübo bukdakhiukshih, jude yungsho arü mulong ninide akambah. 22#Efi 6.5-8Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang. 23Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang, 24tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh. 25#Efi 6.9Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.
Currently Selected:
KOLOSI 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
KOLOSI 3
3
1Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang. 2Alomi ching lakhi kukrukbo kheak yungde, akulim lakhi kukrukbo kheak nüsa lümkhibo zoang. 3Tümüde nü shedo, tüsho nü ju Khrista lung rhangdung Thrünpuh kheak jika lah. 4Küyimki isa rhangdung lakhi, Khrista akhiukbanü, nü she müretahkhi ching api lung akhiukbah.
Awün tüsho Aso Rhangdung
5Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune. 6Harü dünkheaknü Thrünpuh bukakhiukkhi arüchoh. 7Küyimki nü harü ching lakheanü, khülangki nünü arü yande tsahdo. 8Tüshe kheakü alala chamkhia bahang: bukakhiuk, mulong zhipzhip, lungchihlunghean, dünthamungtha, nü mün chingnü makhamaleak thakhi. 9#Efi 4.22Khülangnü khülang ki akeangyu dütha, tümütüsho nüsanü awün yakli rhimobo bahdo, 10#Efi 4.24tüsho athrünrü mejak yande mükheahmudu ching aso kamlokhi yakli aso yihbah. 11Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.
12 #
Efi 4.2
Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang, 13#Efi 4.32khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah. 14Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang. 15Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang. 16#Efi 5.19,20Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang. 17Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.
Khristan Yamkhün Thiyuzüngbo
18 #
Efi 5.22; 1 Pet 3.1 Niuberübo, Atungpuh kheak ayekhi nangde nüsa niubuhrü bukkhüp laang. 19#Efi 5.25; 1 Pet 3.7Niubuhrübo, nüsa niuberübo muzhoang, tüsho arü kheak müküpde düla. 20#Efi 6.1Tsührübo, lüpdükhi ching nüsanü berübuhrü ki mihyuaniang, tümüde hanü Atungpuh asühshihchoh. 21#Efi 6.4Buhrübo, nüsa tsührübo bukdakhiukshih, jude yungsho arü mulong ninide akambah. 22#Efi 6.5-8Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang. 23Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang, 24tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh. 25#Efi 6.9Tümüde amülim rhimorü ki, apinü amülim rhimokhi dün jihlobah, tüsho jakkheahkhi müla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.