AMOS 1
1
1Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.
2Tüsho apinü tha:
Atungpuhnü Zion chingnü arungchoh,
tüsho Jirusalem chingnü adüsheak tsüngmukchoh;
namfimihnu neakrü rimbo yiuhabahchoh,
tüsho Karmel mujuk kungabahchoh.
Israel Phünirü kheak Thrünpuh Mahkhap
3 Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo. 4Jumonü inü Hazael yam kheak mo khülang yüshihbah, tüsho hanü Ben-hadad chipi aniuabahbah. 5Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.
6 Atungpuhnü ha thachoh: Gazanü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jihpü ramtso ching hande yü. 7Jumonü inü Gaza chipibo aniuabahshihpü mo yüshihbah. 8Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.
9 Atungpuhnü ha thachoh: Tairnü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jih, tüsho keoniorü tangzüng mülümkhit. 10Jumonü inü Tair chipibo aniuabahshihpü mo yüshihbah.
11 Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo. 12Jumonü inü Teman kheak mo khülang yüshihbah tüsho junü Bozra chipibo aniuabahbah.
13 Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih. 14Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah; 15judüki kiulongthsüpuh ju api le api torübo rukhühnü ramtso ching yübah, Atungpuhnü thachoh.
Currently Selected:
AMOS 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMOS 1
1
1Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.
2Tüsho apinü tha:
Atungpuhnü Zion chingnü arungchoh,
tüsho Jirusalem chingnü adüsheak tsüngmukchoh;
namfimihnu neakrü rimbo yiuhabahchoh,
tüsho Karmel mujuk kungabahchoh.
Israel Phünirü kheak Thrünpuh Mahkhap
3 Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo. 4Jumonü inü Hazael yam kheak mo khülang yüshihbah, tüsho hanü Ben-hadad chipi aniuabahbah. 5Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.
6 Atungpuhnü ha thachoh: Gazanü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jihpü ramtso ching hande yü. 7Jumonü inü Gaza chipibo aniuabahshihpü mo yüshihbah. 8Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.
9 Atungpuhnü ha thachoh: Tairnü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jih, tüsho keoniorü tangzüng mülümkhit. 10Jumonü inü Tair chipibo aniuabahshihpü mo yüshihbah.
11 Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo. 12Jumonü inü Teman kheak mo khülang yüshihbah tüsho junü Bozra chipibo aniuabahbah.
13 Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih. 14Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah; 15judüki kiulongthsüpuh ju api le api torübo rukhühnü ramtso ching yübah, Atungpuhnü thachoh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.