3 JOHAN 1
1
1 #
Yunir 19.29; Rom 16.23; 1 Kor 1.14 Azothsürü kilimnü,
Thiyuro ching inü amuzhokhi müyambuh Gaius kilim.
2Amuzho müyambuh, nü alala tsüde alapü tüsho nü shihphü atsü thsungkheak inü tamkhüntamnüchoh; nü me tsüde lah de inü mükheahlah. 3Nü thiyuro ching düküngde alakhi tüsho thiyuro ching mutukzhakde atsahkhi dünkheak keoniorübo khürünü arübah athakhi I khide asühdo. 4I tsührübonü thiyuro ching tsahkhi sokhi kheak hode asühpü atobe müla.
Gaius Shijihkhi
5Amuzho müyambuh, nünü keoniorü Khristanrübo, adungto thsüde hanrübo ki rhimokhi khide thiyuro lah. 6Arünü nü muzho dünkheak borü ki thado. Thrünpuh tankihkhi ching ayekhi thsüde nünü arü hantsah ching tsüde thiyia yüshang. 7Tümüde arünü Khrista tankihpü ching tsahmusu tüsho amükinrü kheaknü tümü she müleangkhi. 8Jumonü isabo thiyuro ching rukhüh rhimorü thsüpü thsüde isanü hadürü mihtsürü rungbeah.
Diotrephes tüsho Demetria
9Inü borü ki tümüanü thrütdo; tüsho akhuhpü mulongbuh Diotrephesnü inü athakhi manide alabah. 10Jumonü küyimki I arübanü, apinü isa azhihde amütsü yubo thakhi lahkhitbah. Ju kheaknü reangmükeamde apinü keoniorübo beyukpü reanglochoh. Apinü arü beyukpü mulongrü she tukloshihchoh tüsho borü chingnü yankhita bahchoh.
11Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü. 12Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.
Akheam Salümbo
13Inü nü kilim thrütpü hihde lah tüshe inü dosang tüsho dokenü müthrütnü; 14inü nahde nü shorupü mulonglam lah, tüsho ike mironü miro asukachihbah.
15Nü kilim mungtsü lashang. Müyamrübonü nü kilim salüm jihchoh. Müyamrübo alala aban kilim salüm jihang.
Currently Selected:
3 JOHAN 1: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
3 JOHAN 1
1
1 #
Yunir 19.29; Rom 16.23; 1 Kor 1.14 Azothsürü kilimnü,
Thiyuro ching inü amuzhokhi müyambuh Gaius kilim.
2Amuzho müyambuh, nü alala tsüde alapü tüsho nü shihphü atsü thsungkheak inü tamkhüntamnüchoh; nü me tsüde lah de inü mükheahlah. 3Nü thiyuro ching düküngde alakhi tüsho thiyuro ching mutukzhakde atsahkhi dünkheak keoniorübo khürünü arübah athakhi I khide asühdo. 4I tsührübonü thiyuro ching tsahkhi sokhi kheak hode asühpü atobe müla.
Gaius Shijihkhi
5Amuzho müyambuh, nünü keoniorü Khristanrübo, adungto thsüde hanrübo ki rhimokhi khide thiyuro lah. 6Arünü nü muzho dünkheak borü ki thado. Thrünpuh tankihkhi ching ayekhi thsüde nünü arü hantsah ching tsüde thiyia yüshang. 7Tümüde arünü Khrista tankihpü ching tsahmusu tüsho amükinrü kheaknü tümü she müleangkhi. 8Jumonü isabo thiyuro ching rukhüh rhimorü thsüpü thsüde isanü hadürü mihtsürü rungbeah.
Diotrephes tüsho Demetria
9Inü borü ki tümüanü thrütdo; tüsho akhuhpü mulongbuh Diotrephesnü inü athakhi manide alabah. 10Jumonü küyimki I arübanü, apinü isa azhihde amütsü yubo thakhi lahkhitbah. Ju kheaknü reangmükeamde apinü keoniorübo beyukpü reanglochoh. Apinü arü beyukpü mulongrü she tukloshihchoh tüsho borü chingnü yankhita bahchoh.
11Amuzho müyambuh, amütsü dükheahkhi tüshe atsü kheahkhiang. Shepünü atsü rhimochonü Thrünpuh kilimnü ah; shepünü amütsü rhimochonü Thrünpuh müngü. 12Demetria a mihbüm abannü, tüsho thiyuronü thiyumütsan lah; inü she api thiyumütsan jihchoh, tüsho I yumütsan thiyuro ah de nünü mükheahlah.
Akheam Salümbo
13Inü nü kilim thrütpü hihde lah tüshe inü dosang tüsho dokenü müthrütnü; 14inü nahde nü shorupü mulonglam lah, tüsho ike mironü miro asukachihbah.
15Nü kilim mungtsü lashang. Müyamrübonü nü kilim salüm jihchoh. Müyamrübo alala aban kilim salüm jihang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.