2 TIMOTHI 4
4
1Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh: 2Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang. 3Thiyuro thsangyukhi mihtsürübonü marümkheampü kim arüchoh, tüshe nükhünbo rangrangde arü nihbuh künkhi ayede thsangyurübo bemukhungbah, 4thiyuro anipü chingnü rholode atsobah, tüsho mümütsankhi yukhean ching mulong jihbah. 5Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.
6Tümüde I a shuhmülanga kingaünkhi ching lah; I chamachihpü kim arüdo. 7Inü thirithsü atsü keochihdo, inü alihkhi bando, inü akin zodo. 8Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.
Langzü Yubo
9I kilim nahde arüpü nünü mürangang. 10#Kol 4.14; Phi 1.24; 2 Kor 8.23; Gal 2.3; Tit 1.4Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo. 11#Kol 4.14; Phi 1.24; Yunir 12.12,25; 13.13; 15.37-39; Kol 4.10; Phi 1.24Luk lang I lung lah. Nü lung Mark bebah arang; tümüde I rungpü ching api khide yihnüpü lah. 12#Yunir 20.4; Efi 6.21,22; Kol 4.7,8Inü Tykika Efisia ching yüshihdo. 13#Yunir 20.6Küyimki nü arübanü Troa ching Karpa ki zojihkhi pangkhümpü, hümbo she tüsho adungto thsüde shihküpnü athsükhibo lubah arang. 14#1 Tim 1.20; Rom 2.6Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah. 15Nü she api dünkheak kümkangang, tümüde apinü isa thiyusheak müküpde azhihlah. 16I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih. 17Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo. 18Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.
Akheam Salüm
19 #
Yunir 18.2; 2 Tim 1.16,17 Priscilla le Aquila, tüsho Onesiphora yamkhün ki salüm thaang. 20#Yunir 19.22; Rom 16.23; Yunir 20.4; 21.29Erasta Korint ching lah; Trophima tukthsüde inü Mileta ching zojihdo. 21Nü tsüngkam müngühnü arüpü mürangang. Eubula, Puden, Klaudia tüsho keoniorü alalanü nü kilim salüm jihchoh.
22Atungpuh nü me lung lashang. Nü lung amüthsüm laang.
Currently Selected:
2 TIMOTHI 4: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 TIMOTHI 4
4
1Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh: 2Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang. 3Thiyuro thsangyukhi mihtsürübonü marümkheampü kim arüchoh, tüshe nükhünbo rangrangde arü nihbuh künkhi ayede thsangyurübo bemukhungbah, 4thiyuro anipü chingnü rholode atsobah, tüsho mümütsankhi yukhean ching mulong jihbah. 5Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.
6Tümüde I a shuhmülanga kingaünkhi ching lah; I chamachihpü kim arüdo. 7Inü thirithsü atsü keochihdo, inü alihkhi bando, inü akin zodo. 8Kheakü Atungpuh, thiyuro-lungki mahkhapbuhnü ju nimung I kilim thsambah jihpü zowupung ching thiyuro-lungki kuthranbo zojihlah–I kilim lang yung tüshe api arüpü lakhi muzhode aleangrü alala kilim she ah.
Langzü Yubo
9I kilim nahde arüpü nünü mürangang. 10#Kol 4.14; Phi 1.24; 2 Kor 8.23; Gal 2.3; Tit 1.4Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo. 11#Kol 4.14; Phi 1.24; Yunir 12.12,25; 13.13; 15.37-39; Kol 4.10; Phi 1.24Luk lang I lung lah. Nü lung Mark bebah arang; tümüde I rungpü ching api khide yihnüpü lah. 12#Yunir 20.4; Efi 6.21,22; Kol 4.7,8Inü Tykika Efisia ching yüshihdo. 13#Yunir 20.6Küyimki nü arübanü Troa ching Karpa ki zojihkhi pangkhümpü, hümbo she tüsho adungto thsüde shihküpnü athsükhibo lubah arang. 14#1 Tim 1.20; Rom 2.6Shoto-yingkingrü Alexandernü I ki tode yuride rhimodo; api rhimobo dünkheak Atungpuhnü ajihlobah. 15Nü she api dünkheak kümkangang, tümüde apinü isa thiyusheak müküpde azhihlah. 16I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih. 17Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo. 18Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.
Akheam Salüm
19 #
Yunir 18.2; 2 Tim 1.16,17 Priscilla le Aquila, tüsho Onesiphora yamkhün ki salüm thaang. 20#Yunir 19.22; Rom 16.23; Yunir 20.4; 21.29Erasta Korint ching lah; Trophima tukthsüde inü Mileta ching zojihdo. 21Nü tsüngkam müngühnü arüpü mürangang. Eubula, Puden, Klaudia tüsho keoniorü alalanü nü kilim salüm jihchoh.
22Atungpuh nü me lung lashang. Nü lung amüthsüm laang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.