2 KORINT 8
8
Khristan Jihchungkhi
1 #
Rom 15.26
Keoniorübo, Macedonia borübo ching huhkhi Thrünpuh amüthsüm nüsanü mükheahshihnelah, 2tümüde arübo küpkhukbonü mütsüdakde rükaki; tüshe arü zhochih-a lalashe khide salade jih-chungkhinü arü asühpü ato lakheah. 3Tümütüsho arünü athsükhukkhi tüsho ju kihode salade jihdo de inü thiyumütsan thsükhuklah, 4junangde akinrübo rungpü ching shihcham lupü arünü zuknukde isa ki mushu. 5Tüsho arünü ha isanü alümkhi nangde arhimokhi yung, tüshe akhuhde arü küdah thsüde Atungpuh kilim, tüsho jushu Thrünpuh lümkhi yande isa kilim jih. 6Jumonü apinü tankih-a lakhi nangde, nüsa bolung ha amüthsüm banthsangpü isanü Tita ki tuthsuk. 7Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.
8Ha inü thiyukhümnü mütha, tüshe püpürü künsahkhi akede nüsa adüngakhi rükakheahchoh. 9Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam. 10Tüsho hadürü dünkheaknü I athsunganah jihchoh: ahobe kam nüsanü atankihkhi ju arhimopü lang yungde amulongpü lakhi, kheakü nüsanü abanpü tsülah, 11junangde nüsanü amulongpü thsakhama lakhi junü nüsanü abanpü kheak ayebah. 12Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah. 13Inü alümkhi ju, püpürü zuzu thsüshihbeah tüsho nüsa hahmülang lubeah de yung, 14tüshe shahrihkhüh lapü thsüde kheakü nüsa suhdahkhi ju arü yihnüpü lakhi jihbeah, junangde arü suhdahkhi ju nüsa yihnüpü lakhi jihbah. 15Ha thrüta lah: “Shepünü hihde hanmukhungkheanü kihode müla, tüsho shepünü nükde hanmukhungkheanü aphahde müla.”
Tita tüsho Api Müyamrübo
16Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang. 17Tümüde Titanü isanü atuthsukkhi leangkhikhi lang yung, tüshe apinü khide künsahde tüsho anihbuh küdahnü pungkhibah nüsa kilim arüchoh. 18Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh; 19tüsho ju lang yung, tüshe Atungpuh müretahpü tüsho isa rhimo atsü huhpü, amüthsüm rhimode alakhi isa lung tsahshihpü borübonü api thiyi. 20Isanü rhimode alakhi arung thsambah thsungkheak shenü matsangbeah de isanü lümlah, 21tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah. 22Tüsho isanü ahihkhüh ching künsahde amütsankhi, tüsho kheakü apinü nüsa kheak mulongram ato lakhinü alü künsahde alakhi isa keoniorü ane lung thiyichoh. 23Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah. 24Jumonü nüsa amuzho tüsho nüsa dünkheak isa kükheangkhi borübonü angüpü thsüde harü mihtsürübo ki amütsan jihang.
Currently Selected:
2 KORINT 8: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 KORINT 8
8
Khristan Jihchungkhi
1 #
Rom 15.26
Keoniorübo, Macedonia borübo ching huhkhi Thrünpuh amüthsüm nüsanü mükheahshihnelah, 2tümüde arübo küpkhukbonü mütsüdakde rükaki; tüshe arü zhochih-a lalashe khide salade jih-chungkhinü arü asühpü ato lakheah. 3Tümütüsho arünü athsükhukkhi tüsho ju kihode salade jihdo de inü thiyumütsan thsükhuklah, 4junangde akinrübo rungpü ching shihcham lupü arünü zuknukde isa ki mushu. 5Tüsho arünü ha isanü alümkhi nangde arhimokhi yung, tüshe akhuhde arü küdah thsüde Atungpuh kilim, tüsho jushu Thrünpuh lümkhi yande isa kilim jih. 6Jumonü apinü tankih-a lakhi nangde, nüsa bolung ha amüthsüm banthsangpü isanü Tita ki tuthsuk. 7Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.
8Ha inü thiyukhümnü mütha, tüshe püpürü künsahkhi akede nüsa adüngakhi rükakheahchoh. 9Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam. 10Tüsho hadürü dünkheaknü I athsunganah jihchoh: ahobe kam nüsanü atankihkhi ju arhimopü lang yungde amulongpü lakhi, kheakü nüsanü abanpü tsülah, 11junangde nüsanü amulongpü thsakhama lakhi junü nüsanü abanpü kheak ayebah. 12Tümüde thsakhama lasho, amülakhi yande yungde, mihtsürü ju tümü lanü ju yande aleangkhikhukbe lah. 13Inü alümkhi ju, püpürü zuzu thsüshihbeah tüsho nüsa hahmülang lubeah de yung, 14tüshe shahrihkhüh lapü thsüde kheakü nüsa suhdahkhi ju arü yihnüpü lakhi jihbeah, junangde arü suhdahkhi ju nüsa yihnüpü lakhi jihbah. 15Ha thrüta lah: “Shepünü hihde hanmukhungkheanü kihode müla, tüsho shepünü nükde hanmukhungkheanü aphahde müla.”
Tita tüsho Api Müyamrübo
16Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang. 17Tümüde Titanü isanü atuthsukkhi leangkhikhi lang yung, tüshe apinü khide künsahde tüsho anihbuh küdahnü pungkhibah nüsa kilim arüchoh. 18Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh; 19tüsho ju lang yung, tüshe Atungpuh müretahpü tüsho isa rhimo atsü huhpü, amüthsüm rhimode alakhi isa lung tsahshihpü borübonü api thiyi. 20Isanü rhimode alakhi arung thsambah thsungkheak shenü matsangbeah de isanü lümlah, 21tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah. 22Tüsho isanü ahihkhüh ching künsahde amütsankhi, tüsho kheakü apinü nüsa kheak mulongram ato lakhinü alü künsahde alakhi isa keoniorü ane lung thiyichoh. 23Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah. 24Jumonü nüsa amuzho tüsho nüsa dünkheak isa kükheangkhi borübonü angüpü thsüde harü mihtsürübo ki amütsan jihang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.