2 KORINT 2
2
1Nüsa mulong tukthsüshihpü thsüde I nüsa kilim marülo de inü lüma lu. 2Tümüde inü nüsa mulong tukthsüshihsho, inü mulong tukthsüshihrü kheak hode shenü I asühshihpü? 3I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah. 4Tümüde inü nüsa kilim lümthsünü ato tüsho mulong thsünü ching tüsho chikebo bede athrütkhi ju nüsa mulong tukthsüshipü yung tüshe nüsa thsungkheak I amuzho tokhi nüsanü mükheahshihpü ah.
Athsümünimrü ki Neak Bahjihkhi
5Tüshe khürünü khülang khüh mulong tukthsüshih-a lasho, nüsa alala mulong tukthsüshihkhi nangde I ki a yung le api kheak khide dümüküp. 6Nüsa ahihkhühnü ha mihtsürü hanangde thsümüchikhi suhdahdo. 7Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah. 8Jumonü nüsanü api muzhopü mütsanang de inü nüsa ki mushuchoh. 9Hamonü nüsanü lüpdükhi ching mihyuanila shi yungnü rükakheahpü tüsho amükheahpü inü thrüt. 10Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah, 11jude yungsho arimrinü isa kukbah; tümüde api rük thsükhi isanü mükheahlah.
Khrista hode Akuk Ngükhi
12 #
Yunir 20.1
Küyimki Khrista thiyusheakatsü thsangyuthsangrapü I Troa ching arükheanü Atungpuhnü I kilim ripit khimshuhjih; 13tüsho I me ching sühakhim mülade alakheah, tümütüsho inü ju ching isa keoniorü Tita müngü. Jumonü inü arü kheaknü chamachihbah Macedonia lim yü.
14Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang. 15Tümüde isa ju akhümkhitrü tüsho adükheakrü bolung Thrünpuh kilim Khrista yo arhümthüneabe nangde lah. 16Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla? 17Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.
Currently Selected:
2 KORINT 2: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 KORINT 2
2
1Nüsa mulong tukthsüshihpü thsüde I nüsa kilim marülo de inü lüma lu. 2Tümüde inü nüsa mulong tukthsüshihsho, inü mulong tukthsüshihrü kheak hode shenü I asühshihpü? 3I asühshihpü larünü I mulong mutukthsüshihbeah de lümbah inü thrütdo, tümüde I asühkhi ju nüsa alala asühkhi labah de nüsa alala kheak mulonglam lah. 4Tümüde inü nüsa kilim lümthsünü ato tüsho mulong thsünü ching tüsho chikebo bede athrütkhi ju nüsa mulong tukthsüshipü yung tüshe nüsa thsungkheak I amuzho tokhi nüsanü mükheahshihpü ah.
Athsümünimrü ki Neak Bahjihkhi
5Tüshe khürünü khülang khüh mulong tukthsüshih-a lasho, nüsa alala mulong tukthsüshihkhi nangde I ki a yung le api kheak khide dümüküp. 6Nüsa ahihkhühnü ha mihtsürü hanangde thsümüchikhi suhdahdo. 7Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah. 8Jumonü nüsanü api muzhopü mütsanang de inü nüsa ki mushuchoh. 9Hamonü nüsanü lüpdükhi ching mihyuanila shi yungnü rükakheahpü tüsho amükheahpü inü thrüt. 10Nüsanü sherü neak bahjihchonü, inü she neak bahjihchoh. Inü tümükhüh neak bahjihsho, Khrista miki nüsa thsülimnü ju neak bahjihbah, 11jude yungsho arimrinü isa kukbah; tümüde api rük thsükhi isanü mükheahlah.
Khrista hode Akuk Ngükhi
12 #
Yunir 20.1
Küyimki Khrista thiyusheakatsü thsangyuthsangrapü I Troa ching arükheanü Atungpuhnü I kilim ripit khimshuhjih; 13tüsho I me ching sühakhim mülade alakheah, tümütüsho inü ju ching isa keoniorü Tita müngü. Jumonü inü arü kheaknü chamachihbah Macedonia lim yü.
14Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang. 15Tümüde isa ju akhümkhitrü tüsho adükheakrü bolung Thrünpuh kilim Khrista yo arhümthüneabe nangde lah. 16Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla? 17Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.