1 TIMOTHI 3
3
Borü ching Limberübo
1Ha thakhi thiyuro: Khürünü borü limberü thsüpü mulungsho, apinü rhimo atsü rhimopü mulungchoh. 2#Tit 1.6-9Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah, 3amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah. 4Apinü yambuk tsüde kümkhukbeah, limro alala ching tsührübo azhihayih tüsho wüntrekhi ching zobeah; 5tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba? 6Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah; 7api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.
Borü ching Tankihrübo
8Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah; 9arü ju lümkhi müsühde akin aramyu ramrihrü thsübeah. 10Tüsho arübo ju akhuhde rükakheahshang; jushu arü areak mükihkhi mütsanshu tankihrü thsüshang. 11Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah. 12Tankihrübo ju niuberü khülang lang alarü thsübeah tüsho arünü arü tsührübo tüsho yambukbo tsüde kümkhukbeah; 13sherünü tankihrü thsüde tsüde tankihchonü atsü tüsho Jisu Khrista ching akin mulongram ato alü thsüchoh.
14I nüsa kilim nahde arüpü mulonglam lah, tüshe inü harü thsangdankhi nüsa kilim thrütkhi ju, 15I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah. 16Isanü alokhikhi isa kingaün aramyu ato lah:
Api shih ching akhiuk,
me ching alim mütsanjih,
yunirübonü ngü,
trükshih bolung thsangyuthsangra,
alomi alala chingnü kin,
müretahkhi ching bekih-a lu.
Currently Selected:
1 TIMOTHI 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 TIMOTHI 3
3
Borü ching Limberübo
1Ha thakhi thiyuro: Khürünü borü limberü thsüpü mulungsho, apinü rhimo atsü rhimopü mulungchoh. 2#Tit 1.6-9Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah, 3amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah. 4Apinü yambuk tsüde kümkhukbeah, limro alala ching tsührübo azhihayih tüsho wüntrekhi ching zobeah; 5tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba? 6Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah; 7api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.
Borü ching Tankihrübo
8Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah; 9arü ju lümkhi müsühde akin aramyu ramrihrü thsübeah. 10Tüsho arübo ju akhuhde rükakheahshang; jushu arü areak mükihkhi mütsanshu tankihrü thsüshang. 11Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah. 12Tankihrübo ju niuberü khülang lang alarü thsübeah tüsho arünü arü tsührübo tüsho yambukbo tsüde kümkhukbeah; 13sherünü tankihrü thsüde tsüde tankihchonü atsü tüsho Jisu Khrista ching akin mulongram ato alü thsüchoh.
14I nüsa kilim nahde arüpü mulonglam lah, tüshe inü harü thsangdankhi nüsa kilim thrütkhi ju, 15I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah. 16Isanü alokhikhi isa kingaün aramyu ato lah:
Api shih ching akhiuk,
me ching alim mütsanjih,
yunirübonü ngü,
trükshih bolung thsangyuthsangra,
alomi alala chingnü kin,
müretahkhi ching bekih-a lu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.