1 TESALONIKA 2
2
Tesalonika ching Paul Rhimo
1Keoniorübo, isanü nüsa rhua kheahkhi akeangkeang yung de nüsanü mükheahlah; 2#Yunir 16.19-24; Yunir 17.1-9tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah. 3Tümüde isanü amushukhi ju alakmihkhi yungsho mümüsühkhi, yungsho rük thsüde yung; 4tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh. 5Isanü küyimkishe mülapmüji yubo yungsho yihnelunede müram–Thrünpuh thiyumütsan ah; 6yungsho isa Khrista amüsühthsangyurü thsümonü nüsa ki kheangzükheangdoa lalashe, mihtsürü kilimnü, nüsa yungsho püpürü kilimnü isa mungshi müyim. 7Tüshe isa ju berünü tsührü kümkhi nangde nüsa lung azhihayihde alakheah. 8Jumonü, nüsa khide amuzhokhinü isanü nüsa ki Thrünpuh thiyusheakatsü lang yung tüshe isa nihbuh rhangdung she ajihpü thsakhambah alakheah, tümütüsho isanü nüsa khide muzhode kam.
9Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo. 10Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah; 11tümüde buhrünü tsührübo ki nangde isanü nüsa aban ki thsangdankhi nüsanü mükheahlah. 12Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.
13Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh. 14#Yunir 17.5Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo, 15#Yunir 9.23,29; 13.45,50; 14.2,5,19; 17.5,13; 18.12arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih, 16ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.
Paulnü Kheaküshe Arü Rhuakheahpü Mulongkhi
17Keoniorübo, lümkhi ching yungde pangnü kim akhihkhüh thsungkheak nüsa kheaknü chamkhia lakhinü, mironü miro nüsa shorupü khide mulong dukde alakheah; 18isanü nüsa kilim arüpü mulongdo–I Paulnü alochode mürangdo–tüshe amüneannü isa zhipdokheah. 19Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de? 20Tümütüsho nüsa ju isa müretah tüsho asühpü lah!
Currently Selected:
1 TESALONIKA 2: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 TESALONIKA 2
2
Tesalonika ching Paul Rhimo
1Keoniorübo, isanü nüsa rhua kheahkhi akeangkeang yung de nüsanü mükheahlah; 2#Yunir 16.19-24; Yunir 17.1-9tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah. 3Tümüde isanü amushukhi ju alakmihkhi yungsho mümüsühkhi, yungsho rük thsüde yung; 4tüshe isa kheak thiyusheakatsü reangkihjihpü Thrünpuhnü amulongkhi nangde mihtsürü asühshihpü yung tüshe isa mulong rükakheahbuh Thrünpuh asühshihpü isanü asukchoh. 5Isanü küyimkishe mülapmüji yubo yungsho yihnelunede müram–Thrünpuh thiyumütsan ah; 6yungsho isa Khrista amüsühthsangyurü thsümonü nüsa ki kheangzükheangdoa lalashe, mihtsürü kilimnü, nüsa yungsho püpürü kilimnü isa mungshi müyim. 7Tüshe isa ju berünü tsührü kümkhi nangde nüsa lung azhihayihde alakheah. 8Jumonü, nüsa khide amuzhokhinü isanü nüsa ki Thrünpuh thiyusheakatsü lang yung tüshe isa nihbuh rhangdung she ajihpü thsakhambah alakheah, tümütüsho isanü nüsa khide muzhode kam.
9Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo. 10Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah; 11tümüde buhrünü tsührübo ki nangde isanü nüsa aban ki thsangdankhi nüsanü mükheahlah. 12Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.
13Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh. 14#Yunir 17.5Keoniorübo, nüsa ju Judea ching Jisu Khrista lung Thrünpuh borübo kheahkhirü kamdo; tümüde Jihudarü hode arü thsünükhi nangde nüsa nihbuh lomi mihtsürü hode ju ruk thsünüdo, 15#Yunir 9.23,29; 13.45,50; 14.2,5,19; 17.5,13; 18.12arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih, 16ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.
Paulnü Kheaküshe Arü Rhuakheahpü Mulongkhi
17Keoniorübo, lümkhi ching yungde pangnü kim akhihkhüh thsungkheak nüsa kheaknü chamkhia lakhinü, mironü miro nüsa shorupü khide mulong dukde alakheah; 18isanü nüsa kilim arüpü mulongdo–I Paulnü alochode mürangdo–tüshe amüneannü isa zhipdokheah. 19Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de? 20Tümütüsho nüsa ju isa müretah tüsho asühpü lah!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.