1 KORINT 3
3
Thrünpuh Tankihrübo
1Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo. 2#Ibr 5.12,13Inü nüsa kilim amüküp yungde niuhke duh; tümüde nüsanü ju leangkhipü mukukyi; tüsho kheaküshe nüsa müthsakham, 3tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de? 4#1 Kor 1.12Küyimki nüsa khülangnü, “I Paul ruyanrü,” tüsho püpürünü, “I Apollo ruyanrü,” de athaba, nüsa ju mihtsürü dümung lang yung de?
5Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah. 6#Yunir 18.4-11; Yunir 18.24-28Inü khim, Apollonü ke duh, tüshe Thrünpuhnü toshih. 7Jumonü shepünü khimcho yungsho shepünü ke duhchonü tümü she yung, tüshe atoshihbuh ju Thrünpuh ah. 8Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah. 9Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.
10Thrünpuh amüthsüm I kilim jihkhi ayannü, athsüsorü khülang nangde inü khimtan thsü, tüsho püpürü mihtsürünü ju kheak thsükihchoh. Mihtsürü abannü künangde apinü ju kheak thsükihchonü kümkangang. 11Tümüde Jisu Khrista khimtankhi kheak hode shenü she püpü khimtan müthsükhuk. 12Kheakü khürünü khimtan kheak ju suna, shotoyinchi, shotolungbo, sang, rim tüsho müneangnü thsüsho, 13mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah. 14Mihtsürü khürünü khimtan kheak rhimokhi aninga lasho, apinü thsambah khülang leangkhibah. 15Mihtsürü khürü rhimo aniuabahsho ju adükheakbah; tüshe api a mo chingnü tsokhitde akhümkhitbah.
16 #
1 Kor 6.19; 2 Kor 6.16 Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de? 17Khürünü Thrünpuh arüngyam thsümünimsho, Thrünpuhnü api thsümünimbah. Tümüde Thrünpuh arüngyam amüsüh, tüsho ju arüngyam nüsa ah.
18Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah. 19Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,” 20tüsho kheaküshe, “Lümlung larü lümkhibo akeangkeang de Atungpuhnü mükheahlah.” 21Shenü she mihtsürü dünkheak dükükheang. Tümütüsho alala nüsa yo ah: 22Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah; 23tüsho nüsa ju Khrista yo; tüsho Khrista ju Thrünpuh yo.
Currently Selected:
1 KORINT 3: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 KORINT 3
3
Thrünpuh Tankihrübo
1Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo. 2#Ibr 5.12,13Inü nüsa kilim amüküp yungde niuhke duh; tümüde nüsanü ju leangkhipü mukukyi; tüsho kheaküshe nüsa müthsakham, 3tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de? 4#1 Kor 1.12Küyimki nüsa khülangnü, “I Paul ruyanrü,” tüsho püpürünü, “I Apollo ruyanrü,” de athaba, nüsa ju mihtsürü dümung lang yung de?
5Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah. 6#Yunir 18.4-11; Yunir 18.24-28Inü khim, Apollonü ke duh, tüshe Thrünpuhnü toshih. 7Jumonü shepünü khimcho yungsho shepünü ke duhchonü tümü she yung, tüshe atoshihbuh ju Thrünpuh ah. 8Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah. 9Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.
10Thrünpuh amüthsüm I kilim jihkhi ayannü, athsüsorü khülang nangde inü khimtan thsü, tüsho püpürü mihtsürünü ju kheak thsükihchoh. Mihtsürü abannü künangde apinü ju kheak thsükihchonü kümkangang. 11Tümüde Jisu Khrista khimtankhi kheak hode shenü she püpü khimtan müthsükhuk. 12Kheakü khürünü khimtan kheak ju suna, shotoyinchi, shotolungbo, sang, rim tüsho müneangnü thsüsho, 13mihtsürü aban rhimo amikheak akhiukbah; nimungnü ju lahkhita huhbah, tümütüsho ju monü akhiuka huhbah, tüsho rhimokhi aban küdürüanü monü thsahakheahbah. 14Mihtsürü khürünü khimtan kheak rhimokhi aninga lasho, apinü thsambah khülang leangkhibah. 15Mihtsürü khürü rhimo aniuabahsho ju adükheakbah; tüshe api a mo chingnü tsokhitde akhümkhitbah.
16 #
1 Kor 6.19; 2 Kor 6.16 Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de? 17Khürünü Thrünpuh arüngyam thsümünimsho, Thrünpuhnü api thsümünimbah. Tümüde Thrünpuh arüngyam amüsüh, tüsho ju arüngyam nüsa ah.
18Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah. 19Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,” 20tüsho kheaküshe, “Lümlung larü lümkhibo akeangkeang de Atungpuhnü mükheahlah.” 21Shenü she mihtsürü dünkheak dükükheang. Tümütüsho alala nüsa yo ah: 22Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah; 23tüsho nüsa ju Khrista yo; tüsho Khrista ju Thrünpuh yo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.