MATTHAI 1
1
Jesu Phunggui
(Luk 3.23-38)
1Abraham suan, David suan ah Messiah kiti, Jesu hung pian dan chu zia gual hi ahi:
2Abraham chu Isak pa ahi’n; Isak chu Jakob pa ahi’n; Jakob in Judah leh a suapite a hing a;
3Judah in Tamar ah kipat in Perez tawh Zerah a hing hi; Perez chu Hezron pa ahi’n, Hezron chu Aram pa ahi’n;
4Aram chu Amminadab pa ahi’n; Amminadab chu Nahshon pa ahi’n; Nahshon chu Salmon pa ahi’n;
5Salmon in Rahab ah kipat in Boaz a hing in; Boaz in Ruth ah kipat in Obed a hing in; Obed chu Jesse pa ahi’n;
6 #
2 Le 24.14,15; 2 Kh 36.10; Jer 27.20 Jesse chu lengpa David pa ahi’n; chun, David chu Uria ji tawh a chau Solomon pa ahi.
7Solomon chu Rehoboam pa ahi’n; Rehoboam chu Abijah pa ahi’n, Abijah chu Asaph pa ahi.
8Asaph chu Jehoshaphat pa ahi’n; Jehoshaphat chu Joram pa ahi’n; Joram chu Uzzia pa ahi’n;
9Uzzia chu Jotham pa ahi’n; Jotham chu Ahaz pa ahi’n; Ahaz chu Hezekiah pa ahi’n;
10Hezekiah chu Manasseh pa ahi’n; Manasseh chu Amos pa ahi’n; Amos chu Josia pa ahi.
11Babulon lam ah sal ah a pui lai ua khan Josia in Jekoniah leh a unaute a hing hi.
12Babulon lam ah sal ah a pui nung un Jekoniah in Salathiel a hing a; Salathiel chu Zerubbabel pa ahi’n;
13Zerubbabel chu Abiud pa ahi’n; Abiud chu Eliakim pa ahi’n; Eliakim chu Azor pa ahi’n;
14Azor chu Zadok pa ahi’n; Zadok chu Akhim pa ahi’n; Akhim chu Eliud pa ahi’n;
15Eliud chu Eleazar pa ahi’n; Eleazar chu Matthan pa ahi’n; Matthan chu Jakob pa ahi’n;
16Jakob chu Joseph pa ahi’n, zia Joseph chu Mari pawsal chu ahi. Zia Mari chu Messiah kiti, Jesu hung pianna chu ahi.
17Chutichun, Abraham ah kipat David tiang ah suan zosia chu suan sawm leh li ahi’n; David ah kipat Babulon lam ah sal ah pui mang ah a um tiang ua khan, suan sawm leh li ma ahi kit a; Babulon lam ah sal ah a pui mang ua kipat Messiah tiang chu suan sawm leh li ma ahi.
Messiah Jesu Pian Thu
(Luk 2.1-7)
18 #
Luk 1.27
Messiah Jesu hung pian dan chu zia gual hi ahi. A nu Mari chu Joseph tawh kicheng ding ah kikhâm lai; a um khawm mau in, Thagau Thiangtho in nau a vopsak hi ti a hung he tau a;
19A pawsal Joseph chu midik tak ahi’n, sukmualpho a nuam pua’n, a gûk ah haisan a gaw tai.
20Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.
21 #
Luk 1.31
Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.
22Zia hi Lalpa‘n a jawlneite mang ah a thugente kha a guitunna ding ahi:
23 #
Isa 7.14
“Nungak thiangtho chu gâi intin,
Chapa hing intin,
a min in Immanuel sa’n au”
zia chu, “I kiang un Pathian a um hi,” ti’na ahi.
24Joseph ipmu chu a thaw phatin, Lalpa vansawlchâk in a kiang ah thu a piak gual in, ama chu a kichenpi ta’n;
25 #
Luk 2.21
ahi’n la, chapa a nei masia chu a luppi puai. Chuleh, a min in Jesu a sak tai.
Mipilte Ve’na
Currently Selected:
MATTHAI 1: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.