RŪT 4
4
Pīhövö Poās Tö Rūt
1Chuh i kūö inkūp ngaich ang Pō-as, ūichngöre ngaich nö umuh: ngaich yĕh meuk, ök töröhta mak alaha nö lök umuh ök ṙô Pō-as; ök töve-evkūö tö ò nö ngö, Mah, me-eṅ! kāntöre man ūichngöre ihih. Kāntöre anga-aṅ, ngaich ūichngöre. 2Söm tak yik tarik ngahôṅ ò mā ngam elpanam, ngaich ngö ṙô anga-aṅ. Ūichngöre yin ihih. Ūichngöre cha-a ngaich. 3Ngaich ngö ṙô anga-aṅ tök töröhta mak alaha, Naōmī, öp mahavan nö hēk nö ṙā-ang panam Mô-āp, Inyihtö öp kamnāchö öp tumlat, öp tumlat ök hanöng kisānö hī Elimelek: 4Ngaich chū-ö tölōnre hòṅ vë-enynang meh, öich ngö ṙô. I kūö vē man amūchhaka ihih havaha e, i kūö vē mā vē tarik chu inrē. Yē meh havānö e nö havaha, havānö e nö havaha: yē meh pöri sōḵ havānö e nö havaha, ngaich ve-enynang chu, hòṅ chu akahalōn; tön öt mahavānu öp tö hol meh; ngaich chū-ö ṙanët meh. Ngaich ngö ṙô anga-aṅ, Hō chin havānö e nö havāha. 5Ngaich ngö ṙô ang Pō-as, Ip sakāmö meh havan ngam taṙeū öm in Naōmī, ötkô më-eṅ inrē öt havaha e öm in Rūt öp aṅ Mô-āp öp pīhö ök kupah, öm hachohlö minë-eny ök kupah nö ip amin ò. 6Ngaich ngö ṙô ök töröhta mak alaha ò ötkô chin havānö e nö havāha nö kanahngen chu, pò chu min chōichngen tī töp aminre: me-eṅ man yēḵ kamë-ekūö chu öm havāha e nö havānö; tön rö-ö chin chū-ö kô havaha e nö havānö.
7Ngih ön yih kui panam misī hē yik Israĕl i inlahen töhavānö nö havāha i inlahen töhaṙūöngö inrē, nö inköpngö nup ṙô; hōknyö kunröpö re öp tarik, ngaich kētö e nö ip holre: angū-ö an inlahen inköpngö ṙô i Israĕl, 8Ngaich ök töröhta mak alaha ngö ṙô tö Pō-as, Havāha e nö më-eṅ meh, Hōknyö kunröpöre ngaich anga-aṅ. 9Ngaich Pō-as nö ngö ṙô tö yik mā, tö yik tarik inrē nö ṙòkhöre, Yī-ö yin töngamuh mameuk, tö chu ngaich havah në inlānen Elimelek nö ṙòkhöre, ṙā-ang eltī Naōmī, në inlānen Mahlòn inrē nö ṙòkhöre. 10Ane chin inrē havāha Rūt ngòh aṅ Mô-āp, nö pīhö chu, ngòh pīhö Mahlòn, öich hachohlö minë-eny ök tökapah nö i ngam amin ò, hòṅ ngam minë-eṅ ök tökapah nö öt rökiyö nö ṙā-ang in yip mak alahare, ṙā-ang im inkūp ngam chūök ò inrē: yī-ö yin ngaich mameuk töngamuh. 11Ṙòknyöre ṙô ngaich yik tarik i kūö inkūp, tö yik mā inrē, nö ngö ṙô, Ngaich in īhö mameuk. Vīten ngam kikānö an yēḵ ngam Mā Tēv ngam yamih nö i patī meh nö sā Rēchöl Leā inrē nö mamāmlö patī Israĕl; töhō-ov man yēḵ me-eṅ i Efrata, tö eūnyu inrē i Petlihem: 12Hökngen ngam patī meh nö sā patī Pērĕs, ök kayônyö Tēmar nö kūön Yūtā, tö öp kūön meh min kahëtö ngam Mā Tēv nö i ngòh ṙālö kikānö.
Pōas Tö Yik Mikūönö Ò
13Ngaich kē-ĕ Rūt ang Pō-as, ngaich pīhö ò anga-aṅ; kuhēthötre ngaich anga-aṅ nö in ò, ngaich ngam Mā Tēv nö kē-ĕkūö ò tö pinrūkö nyīö, kayônyö nyīö kikōnyö ngaich anga-aṅ. 14Ngaich ngö ṙô ngam kikānö tö Naōmī, Tökôlò an yēḵ ngam Mā Tēv, ngam töt ṙamāngen meh töngamuh öm öt hanöng kisānuvö tö töröhta, hökngen öp minë-eny ò yēḵ inrē nö tö-eūnyu nö in Israĕl. 15Ngaich anga-aṅ min nö in meh nö mahavanlö nômö, maharūkö meh inrē i saha meh köiny: pò ngam kan kūön meh nö kayônyö kūön ò, ngam töhāngenlōn tö meh nö mötlö tö tösat tak nyīö kikōnyö. 16Ngaich Naōmī nö kē ngam nyīō, ngaich haṙōllen ò nö elngòhre, ngaich anga-aṅ maharūkan. 17Ngaich kaheūkö minë-eny anga-aṅ tö yik kikānö hol ò, nö ngö ṙô, Kikōnyö ap nyīö umuh kayônyö Naōmī; ngaich kaheuk minë-eṅy ò cha-a nö Opĕt anga-aṅ an kikōnyö yöng Yēsī ök kikōnyö yöng Tāvit.
18Cha-a yin vē tumköl chap Pērĕs: hakūönten Hesròn ang Pērĕs; 19Hakūönten Ram ang Hesròn, hakūönten Aminatap ang Ram; 20Hakūönten Nasòn ang Aminatap, hakūönten Salmòn ang Nasòn; 21Hakūönten Pō-as ang Salmòn, hakūönten Opĕt ang Pō-as; 22Hakūönten Yēsī ang Ōpĕt, hakūönten Tāvit ang Yēsī.
Currently Selected:
RŪT 4: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
RŪT 4
4
Pīhövö Poās Tö Rūt
1Chuh i kūö inkūp ngaich ang Pō-as, ūichngöre ngaich nö umuh: ngaich yĕh meuk, ök töröhta mak alaha nö lök umuh ök ṙô Pō-as; ök töve-evkūö tö ò nö ngö, Mah, me-eṅ! kāntöre man ūichngöre ihih. Kāntöre anga-aṅ, ngaich ūichngöre. 2Söm tak yik tarik ngahôṅ ò mā ngam elpanam, ngaich ngö ṙô anga-aṅ. Ūichngöre yin ihih. Ūichngöre cha-a ngaich. 3Ngaich ngö ṙô anga-aṅ tök töröhta mak alaha, Naōmī, öp mahavan nö hēk nö ṙā-ang panam Mô-āp, Inyihtö öp kamnāchö öp tumlat, öp tumlat ök hanöng kisānö hī Elimelek: 4Ngaich chū-ö tölōnre hòṅ vë-enynang meh, öich ngö ṙô. I kūö vē man amūchhaka ihih havaha e, i kūö vē mā vē tarik chu inrē. Yē meh havānö e nö havaha, havānö e nö havaha: yē meh pöri sōḵ havānö e nö havaha, ngaich ve-enynang chu, hòṅ chu akahalōn; tön öt mahavānu öp tö hol meh; ngaich chū-ö ṙanët meh. Ngaich ngö ṙô anga-aṅ, Hō chin havānö e nö havāha. 5Ngaich ngö ṙô ang Pō-as, Ip sakāmö meh havan ngam taṙeū öm in Naōmī, ötkô më-eṅ inrē öt havaha e öm in Rūt öp aṅ Mô-āp öp pīhö ök kupah, öm hachohlö minë-eny ök kupah nö ip amin ò. 6Ngaich ngö ṙô ök töröhta mak alaha ò ötkô chin havānö e nö havāha nö kanahngen chu, pò chu min chōichngen tī töp aminre: me-eṅ man yēḵ kamë-ekūö chu öm havāha e nö havānö; tön rö-ö chin chū-ö kô havaha e nö havānö.
7Ngih ön yih kui panam misī hē yik Israĕl i inlahen töhavānö nö havāha i inlahen töhaṙūöngö inrē, nö inköpngö nup ṙô; hōknyö kunröpö re öp tarik, ngaich kētö e nö ip holre: angū-ö an inlahen inköpngö ṙô i Israĕl, 8Ngaich ök töröhta mak alaha ngö ṙô tö Pō-as, Havāha e nö më-eṅ meh, Hōknyö kunröpöre ngaich anga-aṅ. 9Ngaich Pō-as nö ngö ṙô tö yik mā, tö yik tarik inrē nö ṙòkhöre, Yī-ö yin töngamuh mameuk, tö chu ngaich havah në inlānen Elimelek nö ṙòkhöre, ṙā-ang eltī Naōmī, në inlānen Mahlòn inrē nö ṙòkhöre. 10Ane chin inrē havāha Rūt ngòh aṅ Mô-āp, nö pīhö chu, ngòh pīhö Mahlòn, öich hachohlö minë-eny ök tökapah nö i ngam amin ò, hòṅ ngam minë-eṅ ök tökapah nö öt rökiyö nö ṙā-ang in yip mak alahare, ṙā-ang im inkūp ngam chūök ò inrē: yī-ö yin ngaich mameuk töngamuh. 11Ṙòknyöre ṙô ngaich yik tarik i kūö inkūp, tö yik mā inrē, nö ngö ṙô, Ngaich in īhö mameuk. Vīten ngam kikānö an yēḵ ngam Mā Tēv ngam yamih nö i patī meh nö sā Rēchöl Leā inrē nö mamāmlö patī Israĕl; töhō-ov man yēḵ me-eṅ i Efrata, tö eūnyu inrē i Petlihem: 12Hökngen ngam patī meh nö sā patī Pērĕs, ök kayônyö Tēmar nö kūön Yūtā, tö öp kūön meh min kahëtö ngam Mā Tēv nö i ngòh ṙālö kikānö.
Pōas Tö Yik Mikūönö Ò
13Ngaich kē-ĕ Rūt ang Pō-as, ngaich pīhö ò anga-aṅ; kuhēthötre ngaich anga-aṅ nö in ò, ngaich ngam Mā Tēv nö kē-ĕkūö ò tö pinrūkö nyīö, kayônyö nyīö kikōnyö ngaich anga-aṅ. 14Ngaich ngö ṙô ngam kikānö tö Naōmī, Tökôlò an yēḵ ngam Mā Tēv, ngam töt ṙamāngen meh töngamuh öm öt hanöng kisānuvö tö töröhta, hökngen öp minë-eny ò yēḵ inrē nö tö-eūnyu nö in Israĕl. 15Ngaich anga-aṅ min nö in meh nö mahavanlö nômö, maharūkö meh inrē i saha meh köiny: pò ngam kan kūön meh nö kayônyö kūön ò, ngam töhāngenlōn tö meh nö mötlö tö tösat tak nyīö kikōnyö. 16Ngaich Naōmī nö kē ngam nyīō, ngaich haṙōllen ò nö elngòhre, ngaich anga-aṅ maharūkan. 17Ngaich kaheūkö minë-eny anga-aṅ tö yik kikānö hol ò, nö ngö ṙô, Kikōnyö ap nyīö umuh kayônyö Naōmī; ngaich kaheuk minë-eṅy ò cha-a nö Opĕt anga-aṅ an kikōnyö yöng Yēsī ök kikōnyö yöng Tāvit.
18Cha-a yin vē tumköl chap Pērĕs: hakūönten Hesròn ang Pērĕs; 19Hakūönten Ram ang Hesròn, hakūönten Aminatap ang Ram; 20Hakūönten Nasòn ang Aminatap, hakūönten Salmòn ang Nasòn; 21Hakūönten Pō-as ang Salmòn, hakūönten Opĕt ang Pō-as; 22Hakūönten Yēsī ang Ōpĕt, hakūönten Tāvit ang Yēsī.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.