Isayā 2
2
Tötchanūhuvṙen Haneūheu
(Maik 4.1-3)
1Ngam ṙô tömeūkö tö Isayā ök kikōnyö kūön Amôs lāinyngen Yūtā Yērusalem inrē.
2Ngaich ngö inlahen min angū-ö i nup sakāmö mu-unôichrit ngam raneh, tö ngam rôngö ngam patī ngam Mā Tēv min nö köpngö nö i kui minë rôngö, hapōilöng inrē min nö tulöng tö minë rung; ṙòkhöre inrē min pumnāmö tarik nö chahīömköti nö in e.
3Maṙôngö min tarik kumröönngöre ngaich ngö ṙô, Tā-ih, tā-a töi peūlöre im rôngö ngam Mā Tēv, i patī ngam Tēv Yāköp; ngaich anga-aṅ min nö haköpten hī tö nup talöökö ò, ngaich ayī-ö min lök ël nup talöökö ò: pòn löknyö Sīyôn min ngam chöngö nö kunyī inrē, ngam ṙô ngam Mā Tēv inrē nö ṙā-ang Yērusalem.
4Ngaich anga-aṅ min nö akah fālen i hôi pumnāmö tarik, ngaich vëkö tömaṙôngö min tarik, ngaich cha-a min nö römngö nup sanët re nö kunköh tumlat, nup vöi cha min inrē nö kinmöpngö pak chōn: hö-ö yip min pumnāmö tarik nö hachônglö sanët re nö lā-al pumnāmö tarik, öt rēhĕn cha-a min nö haköptöre nö i kinyūngö nö hēḵ.
5Ō patī Yāköp tarik, ta-a töi lök im hanātö aṅ im Mā Tēv.
Pisū-uyö Nup Min Chin-eūṙökūö Tarik
6Pò meh ṙāngö yip tarik re yip aṅ patī Yāköp, pò cha nö hatöö-ölre tö kui panam aṅ lā chuhöt, ngaich vītenre nö chamòng alaha sā yip aṅ Filistain kē eltī höö cha-a ngaich tö kūön aṅ tahëng.
7Tööḵlö an inrē ngam panam cha tö rupīö humlum inrē, öt rēhĕn nö kinheūṅtu töpōi ṙāi chehen cha inrē; tööḵlö an inrē ngam panam cha tö kōra, öt rēhĕn nö kinheūṅtu nup inröl cha.
8Tööḵlö an inrē ngam panam cha tö insātēv salām vahīṙen kuntī re cha-a, nup vahīṙen nup kuntī cha.
9Ngaich ngam yāich tarik nö sōntöre, ngam tökiröng tarik inrē nö tumṙeūtu: lökten un aṙēlöng cha-a.
10Meuthöt el ngam ihong, hayunngöre me-eṅ inrē el tumlat, öm ṙā-ang i kūö ngam pinhe-eṅkūö aṅ im Mā Tēv, ṙā-ang im kanôlò ngam minā-aṅ ò inrē.
11Tumṙeūtu an min ngam chin-eūṙökūö tarik, tumṙeūtu min inrē ngam nganë-eṅkūö tarik; ngaich höng hĕng tak min ngam Mā Tēv nö töhapōilöngö ip sakāmö angū-ö.
12Pòn sakāmö ngam Mā Tēv yip tömaṙôngö min öp umuh mī-ikui mahakeūlenre nö ṙòkhöre töngë-eṅkūö inrē, i kui yip mahchônglöre inrē nö ṙòkhöre; Ngaich angū-ö min nö tumṙeūtuvö:
13I kui nup sītör chōn Lëpanön inrē nö ṙòkhöre, nup tömarôlòng töchônghaka inrē, i kui nup ōk chōn Pasān inrē nö ṙòkhöre;
14I kui nup tömarô-òl kui rôngö nö ṙòkhöre inrē i kui nup rung inrē töchônghaka nö ṙòkhöre;
15I kui nup chūök chamônga tömarô-òlkui, i kui nup ihong kinlōngö inrē;
16I kui nup chōng aṅ Tārsis inrē nö ṙòkhöre, i kui nup chūök chamônga inrē nö ṙòkhöre.
17Yupūttu min öp inkeūlen tarik, tumṙeūtu inrē min öp nganë-eṅkūö tarik: ngaich hĕng tak min ngam Mā Tēv nö töhapōilöngö ip sakāmö angū-ö.
18Hatngö min nup insā tēv inrē.
19Ngaich tarik min nö meuthöt nö el kinluhu në ihong, el manëngö ngam tumlat inrē, ṙā-ang i kūö ngam pinhë-eṅkūö aṅ im Mā Tēv, ṙā-ang im kanôlò ngam minā-aṅ ò inrē, yĕn chōholre anga-aṅ nö kiyin ngih panam nö kalē-ĕtī.
20Ip sakāmö angū-ö min öp tarik nö kavalngö nup rupīö insātēv ò, nup humlum inrē insātēv ò nup vahī cha nö tö salāmö tö ò, i nup kamlök taṙeū ane inrē tayām;
21Nö chuh el nup ṙeūvö nup ihong, el nup linrākö tökeūtö taseū ihong, ṙā-ang i kūö ngam pinhë-eṅkūö aṅ im Mā Tēv, ṙā-ang im kanôlò ngam minā-aṅ ò inrē, yĕn choholre anga-aṅ nö kiyin ngih panam nö kalē-ĕtī.
22Ṙāngenre yin im tarik, ngam töng elmeh re unhômö: isuh ṙöng ang nö kanṙeukten?
Currently Selected:
Isayā 2: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
Isayā 2
2
Tötchanūhuvṙen Haneūheu
(Maik 4.1-3)
1Ngam ṙô tömeūkö tö Isayā ök kikōnyö kūön Amôs lāinyngen Yūtā Yērusalem inrē.
2Ngaich ngö inlahen min angū-ö i nup sakāmö mu-unôichrit ngam raneh, tö ngam rôngö ngam patī ngam Mā Tēv min nö köpngö nö i kui minë rôngö, hapōilöng inrē min nö tulöng tö minë rung; ṙòkhöre inrē min pumnāmö tarik nö chahīömköti nö in e.
3Maṙôngö min tarik kumröönngöre ngaich ngö ṙô, Tā-ih, tā-a töi peūlöre im rôngö ngam Mā Tēv, i patī ngam Tēv Yāköp; ngaich anga-aṅ min nö haköpten hī tö nup talöökö ò, ngaich ayī-ö min lök ël nup talöökö ò: pòn löknyö Sīyôn min ngam chöngö nö kunyī inrē, ngam ṙô ngam Mā Tēv inrē nö ṙā-ang Yērusalem.
4Ngaich anga-aṅ min nö akah fālen i hôi pumnāmö tarik, ngaich vëkö tömaṙôngö min tarik, ngaich cha-a min nö römngö nup sanët re nö kunköh tumlat, nup vöi cha min inrē nö kinmöpngö pak chōn: hö-ö yip min pumnāmö tarik nö hachônglö sanët re nö lā-al pumnāmö tarik, öt rēhĕn cha-a min nö haköptöre nö i kinyūngö nö hēḵ.
5Ō patī Yāköp tarik, ta-a töi lök im hanātö aṅ im Mā Tēv.
Pisū-uyö Nup Min Chin-eūṙökūö Tarik
6Pò meh ṙāngö yip tarik re yip aṅ patī Yāköp, pò cha nö hatöö-ölre tö kui panam aṅ lā chuhöt, ngaich vītenre nö chamòng alaha sā yip aṅ Filistain kē eltī höö cha-a ngaich tö kūön aṅ tahëng.
7Tööḵlö an inrē ngam panam cha tö rupīö humlum inrē, öt rēhĕn nö kinheūṅtu töpōi ṙāi chehen cha inrē; tööḵlö an inrē ngam panam cha tö kōra, öt rēhĕn nö kinheūṅtu nup inröl cha.
8Tööḵlö an inrē ngam panam cha tö insātēv salām vahīṙen kuntī re cha-a, nup vahīṙen nup kuntī cha.
9Ngaich ngam yāich tarik nö sōntöre, ngam tökiröng tarik inrē nö tumṙeūtu: lökten un aṙēlöng cha-a.
10Meuthöt el ngam ihong, hayunngöre me-eṅ inrē el tumlat, öm ṙā-ang i kūö ngam pinhe-eṅkūö aṅ im Mā Tēv, ṙā-ang im kanôlò ngam minā-aṅ ò inrē.
11Tumṙeūtu an min ngam chin-eūṙökūö tarik, tumṙeūtu min inrē ngam nganë-eṅkūö tarik; ngaich höng hĕng tak min ngam Mā Tēv nö töhapōilöngö ip sakāmö angū-ö.
12Pòn sakāmö ngam Mā Tēv yip tömaṙôngö min öp umuh mī-ikui mahakeūlenre nö ṙòkhöre töngë-eṅkūö inrē, i kui yip mahchônglöre inrē nö ṙòkhöre; Ngaich angū-ö min nö tumṙeūtuvö:
13I kui nup sītör chōn Lëpanön inrē nö ṙòkhöre, nup tömarôlòng töchônghaka inrē, i kui nup ōk chōn Pasān inrē nö ṙòkhöre;
14I kui nup tömarô-òl kui rôngö nö ṙòkhöre inrē i kui nup rung inrē töchônghaka nö ṙòkhöre;
15I kui nup chūök chamônga tömarô-òlkui, i kui nup ihong kinlōngö inrē;
16I kui nup chōng aṅ Tārsis inrē nö ṙòkhöre, i kui nup chūök chamônga inrē nö ṙòkhöre.
17Yupūttu min öp inkeūlen tarik, tumṙeūtu inrē min öp nganë-eṅkūö tarik: ngaich hĕng tak min ngam Mā Tēv nö töhapōilöngö ip sakāmö angū-ö.
18Hatngö min nup insā tēv inrē.
19Ngaich tarik min nö meuthöt nö el kinluhu në ihong, el manëngö ngam tumlat inrē, ṙā-ang i kūö ngam pinhë-eṅkūö aṅ im Mā Tēv, ṙā-ang im kanôlò ngam minā-aṅ ò inrē, yĕn chōholre anga-aṅ nö kiyin ngih panam nö kalē-ĕtī.
20Ip sakāmö angū-ö min öp tarik nö kavalngö nup rupīö insātēv ò, nup humlum inrē insātēv ò nup vahī cha nö tö salāmö tö ò, i nup kamlök taṙeū ane inrē tayām;
21Nö chuh el nup ṙeūvö nup ihong, el nup linrākö tökeūtö taseū ihong, ṙā-ang i kūö ngam pinhë-eṅkūö aṅ im Mā Tēv, ṙā-ang im kanôlò ngam minā-aṅ ò inrē, yĕn choholre anga-aṅ nö kiyin ngih panam nö kalē-ĕtī.
22Ṙāngenre yin im tarik, ngam töng elmeh re unhômö: isuh ṙöng ang nö kanṙeukten?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.