MATHI 1
1
Yisu Khrista Paosiposo
(Luk 3:23-38)
1Abraham ainou David thsaosithso saokü nouko Yisu Khrista paosiposo ling: 2-6aAbraham ainou Nokpao David ko yangkü paosipo ling: Abraham, Isak, Yakob, Yihuda naiuso apa deisinioso; Perez naiuso Zera (ngüne nyiu Tamar), Hezron, Ram, Aminadab, Nashon, Salmon, Boaz (apa nyiu Rahab), Obed (apa nyiu Ruth), Jese, naiuso Nokpao David.
6b-11David ainou Israel hai Babilon akhothio au thaloukü khuwantsün atao saokü nouko paosipo ling: David, Solomon (apa nyiu nung Uria tsammongnyiu noikü lünou), Rehoboam, Abijah, Asa, Jehoshafat, Jehoram, Uziah, Jotham, Ahaz, Hesekia, Manase, Amon, Josia, Jehoiachin naiuso apa deisinioso.
12-16Babilon goumchiai thalokü khuwankütün phiai Yisu chettsün tü thaloutkü nouko paosipo ling: Jehoiachin, Shealtheil, Zerubabel, Abiud, Eliakim, Azor, Zadok, Achim, Eliud, Eleazar, Mathan, Yakob naiuso Yosep, nung Yisu sau tü Khrista ta jonji nung chetkiutsün Mari tsammongpo.
17Abraham ainou David tü yangkü vetao chekü püle, David ainou Babilon goumchi ai thaloukü khuwan nou ta yangkü vetao chekü püle, naiuso Babilon goumchiai thaloukü khuwantsün ainou Khrista ta yangkü vetao chekü püle.
Yisu Khrista Chettsün
(Luk 2:1-7)
18Yisu Khrista nungti chet: Apa nyiu Mari Yosep ko kihaao khemtaiuküla, lüko ngüne tsamsigoh moyangkü nai Asio Onthso tsangkü apa pem tsükengkü iula. 19Nungshioko Yosep ngiotsüoting khaiuniaphe Mari hau nian lochi tsüepiao me hao tsülu-ikü pungeao thatsan. 20Lüko apa nungti mongyang piakü noinai athaplu, Apaou hongthon nou miamian ko sungkü ngiom, “O David thsaosithso Yosep, ni Mari atsammongnyiu theao lahatsai, tititenai Asio Onthso tsangkü apa pemtsükengkü noin. 21Apaüh melothso tsak chete, naiuso ni apa nian Yisu ta niane, tititenai apaüh meshen khaiuniahoi ngüso angei ainou kipsane.”
22Nung apem shinappao Apaou nou e-po nouso tsangkü ngiotaim. 23“Athaplu asangting meso nou pemtsükengkü iula-e, naiuso melothso tsak chete, naiuso apa nian Immanuel ta jone” (nung alat “Samko Goa hakü noin.”) ta noi-e.
24Nungphiai Yosep chuoküta, aünhong nou apa tü ngiotsünli Mari ko tsamsigoh yang. 25Mariüh methso nou mochetkün lektso Yosep apa ko tsü-em, naiuso Yosepüh methso nou Yisu ta niankiu.
Currently Selected:
MATHI 1: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.