MATHI 6
6
Atsüojin Thaiutha Tsandeji
1“Khaiunia nou epao thaiutha ngüso khako asio chhisiya nou asamüh tsüchhiao lütsüolo, nungti tsüdekünaito aün nai noi nou asam Po khako ti alesan tsünoi-e.
2“Nungtiphe ni tilai hoikü atsüojin chhi nou chhi-e, akaosai nousoüh yamtsong nai naiuso amkham tsamai chhitsünli, ni laitso amaohai hao epla-ikü lachhi. Ngüsoüh nianlom epau chhiji. 3Ni tilai angjahai da hachu-e, apha uai nou ti chhiji nung apha tsatai nou hao langela-i. 4Nungti ni hoikü atsüojin chhitsün nung Apo sauüh akao ai chhitsün apem epji apaüh nihau alesan kiu-e.
Misao thaiutha Tsandeji
(Luk 11:2-4)
5“Tilai asamüh misao sao-e, asamüh akaosai haili lathe! tititenai khaiunia nou epao thaiutha ngüsoüh Yihuda kamthang nai naiuso sonkeng nai tsakü misao saoji. Ngo asam tü atsüoting ngioji, ngüsoüh meshen alesan epiu. 6Lüko asamüh tilai misao sao-e, tsampai akheiai lünap, naiuso kou nou kiapküta anioveiüh tsüepkün apo tü misao lüsao, naiuso apo sauüh akhei ainou epji apaüh nihao alesan kiu-e.
7“Naiuso misaonai, tsümonglamkünsoüh kankeitsünli yaang ngiothan lakankei, tititenai ngüsoüh piakü singiokü saonai lula-e ta yangji. 8Asam ngüsoli lathe, tititenai asamüh apa tü mosaokü naita asam thaiutha tilüsong pouji, nung asam Poüh ngen. 9Nungtiphe, asamüh misao nungti lüsao:
‘Aün nai noi nou sam Po:
anian asio noin;
10anokshing ashi;
Aün nai titi noin goumchi ko nungti amongchilüja.
11Lonyi sam eheshiu sam hao akiu.
12Naiuso samüh amaohai hao aphio titi wankiuji,
nungti sam aphio nou awankiu.
13Naiuso alilutsün nai sam lanialükhun,
lüko Tsümeikün Tsak ainou sam akipsan.’
14“Tititenai asamüh amaohai aphio wankiu naito asam Po aün ainou asam aphioüh wankiu-e. 15Lüko asamüh amaohai aphio tsüwankiu naito asam Poüh lüko asam aphio tsüwan kiu-e.
Keithon thaiutha Tsandeji
16“Naiuso ni tilai keithon-e, akaosai nousoli kha nou khemkü lanap, tititenai ngüso keithontsün khaiunia hao epiao thaiutha, ngüsoüh khanai mea lolutji. Ngü asam tü atsüoting ngioji, ngüsoüh nung thaiutha alesan epiu. 17Tilai asam chih tsühekü khu-e, asam kha lüpengan naiuso khaiu nou lühethe, 18nungti naito amaohaiüh asam keithonji ta tsüngela-e asam Po sau niovei nou tsüep apaüh lu nge-e. Naiuso asam Poüh lu asam chhi mai alesan kiu-e.
Aün nai Memei theao thaiutha
(Luk 12:33-34)
19“Mat si hou nou heantsün naiuso kao nou napkü kaolotsün goumchi nai, asamüh meshen thaiutha jengtsaiu lakhamtaiu. 20Lüko tiai mat naiuso hou nou heao naiuso kao nou napkü kaoau tsüshioji nung aün nai jengtsaiu lütsangtaiu. 21Tititenai tiai jengtsaiu taim, nungai amongpem lüko noi-e.
Pem nai Tson
(Luk 11:34-36)
22“Aniovei nung tson tsak noin, nungtiphe aniovei meikü noinai apim chikü awone. 23Lüko aniovei tsümeikü naito, apim chikü anyakhem nai noi-e. Nungtiphe ni da noi nou awon nung anyakhem naito, anyakhem nou titengkü asong!
Goa naiuso Jengtsaiu
(Luk 16:13; 12:22-31)
24“Sauüh Apaou nime yathsüoao tsüshio, tititenai apaüh tsak chinyan-e naiuso tsak tsüojin-e, tsüdekünai apaüh mong nou tsak hau kiu-e, naiuso tsak tsüvesan-e. Asamüh Goa naiuso jengtsaiu aikü yathsüoao tsüshio. 25“Nungtiphe ngü asam tü ngioji, asam aa thaiutha asamüh ti he-e tsüdekünai ti shiu-e, tsüdekünai loüh asam pem thaiutha ti tene, layangelat. Eheshiu nouko aa nou chen, naiuso neshe nouko pem chen nungti tsüde süne? 26Koiyai jeikeitsün waio nouso athaplu: ngüsoüh tsülethio, tsüyamhe, tsüdekünai bei ai tsükamtaiuji; nungti lüko asam Poüh ngüso tsadji! Ngüsoko naito asam tekkü chen tsüdeso? 27Asam yangelat nou aakih intso lüko lolaiuao shio-eli yangjiso? 28“Asam neshe thaiutha tiau yangelatji? Liutsa nai mimi lakkhaiu titi sungji lüyanglu: ngüsoüh chhi tsüchhiji, neshe tsüshanloji. 29Nungti lüko ngü asam tü ngioji, Solomon lüko apa memei sheitho chikü nou nungko noi nou taopon aleng tsaktso tsüthasao. 30Lüko, Oh intsülo monglamtsünso, tisübao liusang nai noitsün sang tsak lonyi noikü ta lühom to aukhanai thiowanji nung hao lüko Goa nou nungti tholokiujitünai apaüh nung tü shimkü asam hao tsükiu-e süne? 31Nungtiphe asamüh ‘ti he-e, tsüdekünai ti shiu-e, tsüdekünai ti tene,’ ta ngemkü layangelat. 32(Tititenai Goa tsüngekünsoüh nung thaiuthalu yangji). Tititenai asam Po aün nai noi nou nung chikü asam thaiutha poukü noin ta ngen? 33Nung likoto asamüh aya nai Goa nokshing naiuso apaüh mongchiotsün lüyam, naiuso nung chikü asamhao kamlutkiu-e. 34Nungtiphe lühom thaiutha layangelat: tititenai lühom nou lühom yanghekü saiuwane. Ajekhaiu pungkü nungnyi thaiutha omhe nou saiukü noian.
Currently Selected:
MATHI 6: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
MATHI 6
6
Atsüojin Thaiutha Tsandeji
1“Khaiunia nou epao thaiutha ngüso khako asio chhisiya nou asamüh tsüchhiao lütsüolo, nungti tsüdekünaito aün nai noi nou asam Po khako ti alesan tsünoi-e.
2“Nungtiphe ni tilai hoikü atsüojin chhi nou chhi-e, akaosai nousoüh yamtsong nai naiuso amkham tsamai chhitsünli, ni laitso amaohai hao epla-ikü lachhi. Ngüsoüh nianlom epau chhiji. 3Ni tilai angjahai da hachu-e, apha uai nou ti chhiji nung apha tsatai nou hao langela-i. 4Nungti ni hoikü atsüojin chhitsün nung Apo sauüh akao ai chhitsün apem epji apaüh nihau alesan kiu-e.
Misao thaiutha Tsandeji
(Luk 11:2-4)
5“Tilai asamüh misao sao-e, asamüh akaosai haili lathe! tititenai khaiunia nou epao thaiutha ngüsoüh Yihuda kamthang nai naiuso sonkeng nai tsakü misao saoji. Ngo asam tü atsüoting ngioji, ngüsoüh meshen alesan epiu. 6Lüko asamüh tilai misao sao-e, tsampai akheiai lünap, naiuso kou nou kiapküta anioveiüh tsüepkün apo tü misao lüsao, naiuso apo sauüh akhei ainou epji apaüh nihao alesan kiu-e.
7“Naiuso misaonai, tsümonglamkünsoüh kankeitsünli yaang ngiothan lakankei, tititenai ngüsoüh piakü singiokü saonai lula-e ta yangji. 8Asam ngüsoli lathe, tititenai asamüh apa tü mosaokü naita asam thaiutha tilüsong pouji, nung asam Poüh ngen. 9Nungtiphe, asamüh misao nungti lüsao:
‘Aün nai noi nou sam Po:
anian asio noin;
10anokshing ashi;
Aün nai titi noin goumchi ko nungti amongchilüja.
11Lonyi sam eheshiu sam hao akiu.
12Naiuso samüh amaohai hao aphio titi wankiuji,
nungti sam aphio nou awankiu.
13Naiuso alilutsün nai sam lanialükhun,
lüko Tsümeikün Tsak ainou sam akipsan.’
14“Tititenai asamüh amaohai aphio wankiu naito asam Po aün ainou asam aphioüh wankiu-e. 15Lüko asamüh amaohai aphio tsüwankiu naito asam Poüh lüko asam aphio tsüwan kiu-e.
Keithon thaiutha Tsandeji
16“Naiuso ni tilai keithon-e, akaosai nousoli kha nou khemkü lanap, tititenai ngüso keithontsün khaiunia hao epiao thaiutha, ngüsoüh khanai mea lolutji. Ngü asam tü atsüoting ngioji, ngüsoüh nung thaiutha alesan epiu. 17Tilai asam chih tsühekü khu-e, asam kha lüpengan naiuso khaiu nou lühethe, 18nungti naito amaohaiüh asam keithonji ta tsüngela-e asam Po sau niovei nou tsüep apaüh lu nge-e. Naiuso asam Poüh lu asam chhi mai alesan kiu-e.
Aün nai Memei theao thaiutha
(Luk 12:33-34)
19“Mat si hou nou heantsün naiuso kao nou napkü kaolotsün goumchi nai, asamüh meshen thaiutha jengtsaiu lakhamtaiu. 20Lüko tiai mat naiuso hou nou heao naiuso kao nou napkü kaoau tsüshioji nung aün nai jengtsaiu lütsangtaiu. 21Tititenai tiai jengtsaiu taim, nungai amongpem lüko noi-e.
Pem nai Tson
(Luk 11:34-36)
22“Aniovei nung tson tsak noin, nungtiphe aniovei meikü noinai apim chikü awone. 23Lüko aniovei tsümeikü naito, apim chikü anyakhem nai noi-e. Nungtiphe ni da noi nou awon nung anyakhem naito, anyakhem nou titengkü asong!
Goa naiuso Jengtsaiu
(Luk 16:13; 12:22-31)
24“Sauüh Apaou nime yathsüoao tsüshio, tititenai apaüh tsak chinyan-e naiuso tsak tsüojin-e, tsüdekünai apaüh mong nou tsak hau kiu-e, naiuso tsak tsüvesan-e. Asamüh Goa naiuso jengtsaiu aikü yathsüoao tsüshio. 25“Nungtiphe ngü asam tü ngioji, asam aa thaiutha asamüh ti he-e tsüdekünai ti shiu-e, tsüdekünai loüh asam pem thaiutha ti tene, layangelat. Eheshiu nouko aa nou chen, naiuso neshe nouko pem chen nungti tsüde süne? 26Koiyai jeikeitsün waio nouso athaplu: ngüsoüh tsülethio, tsüyamhe, tsüdekünai bei ai tsükamtaiuji; nungti lüko asam Poüh ngüso tsadji! Ngüsoko naito asam tekkü chen tsüdeso? 27Asam yangelat nou aakih intso lüko lolaiuao shio-eli yangjiso? 28“Asam neshe thaiutha tiau yangelatji? Liutsa nai mimi lakkhaiu titi sungji lüyanglu: ngüsoüh chhi tsüchhiji, neshe tsüshanloji. 29Nungti lüko ngü asam tü ngioji, Solomon lüko apa memei sheitho chikü nou nungko noi nou taopon aleng tsaktso tsüthasao. 30Lüko, Oh intsülo monglamtsünso, tisübao liusang nai noitsün sang tsak lonyi noikü ta lühom to aukhanai thiowanji nung hao lüko Goa nou nungti tholokiujitünai apaüh nung tü shimkü asam hao tsükiu-e süne? 31Nungtiphe asamüh ‘ti he-e, tsüdekünai ti shiu-e, tsüdekünai ti tene,’ ta ngemkü layangelat. 32(Tititenai Goa tsüngekünsoüh nung thaiuthalu yangji). Tititenai asam Po aün nai noi nou nung chikü asam thaiutha poukü noin ta ngen? 33Nung likoto asamüh aya nai Goa nokshing naiuso apaüh mongchiotsün lüyam, naiuso nung chikü asamhao kamlutkiu-e. 34Nungtiphe lühom thaiutha layangelat: tititenai lühom nou lühom yanghekü saiuwane. Ajekhaiu pungkü nungnyi thaiutha omhe nou saiukü noian.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.