MALAKI 4
4
Apaou Ajekhaiu Nou Shiji:
1 Apaou Akongting nou ngioji, “Abülom naiuso tsümeikün khaiunia nouso apem tsokap khekkü chethe-anau nou ajekhaiu tsak shiji. Nungh ajekhaiu nouko ngüso tsaktso tsüpoishikü chethe-ane. 2Lüko asam sauhaiüh jüngio angji, nungso thaiutha jü akipsan oukong nung aje khekkü sunge, naiuso nungh aje ou khekkü alomei nou kankü shi-e. Jangtso tsam ainou jangthso nouso iwonkü monglingtsünli, 3Ngo chhitsün ajekhaiu nouko nai asamüh tsümeikünso shiolou-e, naiuso ngüso asam hok khemai pukhao khekkü iula-e.
4“Ngü yathsüotsün Mosa ün atsande nouso, sübao ngo apa hau Sinai King ainai Israel khaiunia apemüh angio ang-au ngiokhem naiuso athoilut nouso kiu nung asamüh lüyangsan.
5“Lüko ahat au lümeikün Apaou ajekhaiu asong moshikün khako, ngo asam dongai Elija E-po honge. 6Apaüh posinyiu nouso, thso nouso, mong müjam jeiai-ishi-e, nungti tsüdekünaito ngo shiküta asam shingkhannio lomowane.”
Currently Selected:
MALAKI 4: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.