MARK 1
1
Johan Baptükbüi Chongvenpü
(Mt. 3:1–12; Lk. 3:1–18; Jn. 1:19–28)
1Hapayü Kahvang Ha Jisu Khristalei shahjangmei chongpangpü nyüke. 2Hapayü Isaiah thibüi nyangpükei chongpang:
“Veituh, ngei ngelei shahjang kobü
nüng shekü nüngei lem temhen shomnyeih;
3jahpanei hüki lenpü ngeü:
‘Amphongi Shembüpalei lem temtuh,
büpalei lem kangshangi lingtuh.’ ”
4Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven. 5Judea kahmük hatü Jerusalem kübü nanglakthü peü büpa touei peiyei jomei mang lah-ei Jordan yungyenei baptük.
6Shaang Johanü ut mum thuhtü, phaishuw shüngshep shep, hatü shouk#Shaangü “Locust” kü shouk shei lepei tuhnyeih, shejao hapa aihük shah hahbenüng phenha lemhük kao enyeih shei dangnyüke. hatü phaü nyahjiü hahteke. 7Büpai, “Ngei mao wong kohpü hük ngei pheikü peikünyüke; ngei aümei shatü büpalei lathuhvü laihen dangkao ngei nechang. 8Ngei am kü yungi baptükteke, shejao büpai am kü Laangha Daülangpai baptükphahen” shei e.
Jisu Baptükpü hatü Dokpü
(Mt. 3:13—4:11; Lk. 3:21–22; 4:1–13)
9Hathü nyih kü Jisu Galil kahdok Nazareth leipü pei, hatü Jordan yungyenei Johani baptükshuoh. 10Mechem büpa yung mongeipü vamjapa, vangsho jiam yamtü athuba keiha Laangha Daülangpü yiüei büpa kü bakpü büpai ee; 11hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.
12Ngangahük kü Laangha Daülangpai büpa jahpanei müei dei. 13Büpa jahpanei nyih pinyi thahshi Kahshih-i dokei ang; hatü büpayü phaüyemthü mü nyu, hatü vangsho phongshanthüi büpa yomteke.
Jisui Nyah Yeppüthü Nyükpü
(Mt. 4:12–22; Lk. 4:14–15; 15:1–11)
14Shaang Johan yepei khoklatei tuhpheikü Jisui Galilei Kahvangei shahjangmei chongvenei pei, 15hatü, “Hepak ngoiteke, hatü Kahvang ongching yopailei nyüke; mong lepei shahjangmei kü hinglemtuh” shei e.
16Jisui Galil yungching phungei daishingkü büpai Simon hatü chenaü Andrew jiji yungchingei shang shepei ee; mehenangkü jijiyü nyah yeppü am nyuteke. 17Jisui jiji kü, “Ngei phei mükei hatü ngei anjiyü shennyak yeppü am leihühen hih” shei e. 18Shüshülangi jijinyi-i shang tuhphongtü büpa phei mü. 19Büpa ajüki yanei heihjü büpai Zebedeelei cheha Jakob hatü chenaü Johan nyi ailei uoshi shang temei ee. 20Büpai jiji eehinüng jiji kü nyük, hatü jiji-i chepa Zebedee, hatü nanglat shanpü shennyakthü ai mongei tuhphongtü büpa phei mü.
Mang Laanghai Yeppü Shennyak
(Lk. 4:31–37)
21Jomphong Kapernaumei heih, hatü mechem Sabbath nyih ngoipa, büpa Sinagoglei shüei nyuhteke. 22Büpai nyuhpü kü jomi thama; mehenangkü büpai shahkung nyuhbüthü kei nevai, shejao ngan kohpü hük kei nyuhteke. 23Hahepak kü mang laanghai yeppü shennyak hük Sinagoglei nyu, 24hatü büpai, “Nazareth am Jisu, nüngi hamphong kü mehe dükhen nyüpa? Nüngü Kahvangei Daülangpü Phongshan hük shei ngei nyingnyeih” shei lenei e. 25Shejao Jisui büpa kü loh-ei, “Nüng nenmü nyutuh, hatü büpa leipü vamdaituh” shei e. 26Mang laanghai wong mü hapa shennyak kü dhi, hatü ngeüwong anei büpa kübü vam. 27Jom peü thama, hatü jom hüki hük mü pheteiyei, “Hayü meheang yo? Ngan kohshi nyuhpüvenpü ja hük khih! Büpai mang laanghathü kü shahkung shuohjü jomphongiyao büpai epü bangnyüke” shei etei. 28Chemjalak kü büpai dükpü doumei jung Galil kahmük shonpü peü lemei yaüei dai.
Jisui Longi Meihüpü
(Mt. 8:14–17; Lk. 4:38–41)
29Jomphong Sinagog leipü vamei daihinüng Simon hi Andrew amei shemei Jakob hi Johan nyi mü shü. 30Shaang Simonei nyühalei chenyü bheüi tüngei lemshi nyupü jomphongi büpa kü ejateke. 31Büpa heih-ei pinnyülei lak kü düktü phuk. Hahepak küüng tüngpü meidai hatü pinnyüi jomphong kü nemnoei shuoh.
32Ha ya om vanghe shüpheikü jomphongi büpa touei tüngpü hatü mang laanghai yeppüthü peü müei dei, 33hatü ching am kemei chingshelei thaiyei shüngshi nyu. 34Büpai dinlem laolaoi tüngpüthü meihü, hatü mang laanghathü changtük; hatü büpai mang laanghathü kü meheyao ehen nehan; mehenangkü jomphongi büpa nyingei nyuteke.
Jisui Galilei Chongvenpü
(Lk. 4:42–44)
35Nepphei vangngai pibom kü büpa lomi paoei daiyei vüngmakpü shing hükei phop. 36Simon hatü büpalei küphüthüi büpa yemei nyu. 37Mechem jomphongi büpa pongpa, jomphongi büpa kü, “Peüi nüng yemnyüke” shei eshuoh. 38Büpai, “Jen shinei nyupü chingthü leiyao daishah; shejüang ngei hathü leiyao shahjangmei nyuh-aokhen; mehenangkü ngeiyü ha düknüng yiüpeih” shei e. 39Büpai Galil peü lemei daiyei Sinagogthülei shahjangmei chongven hatü mang laanghathü changtük.
Jisui Ngombü Hük Meihü
(Mt. 8:1–4; Lk. 5:12–16)
40Ngombü hük büpa kü khümei pei, hatü aümei shatü büpa kü, “Nüngi mongjema nüngi ngei meitükshih” shei e. 41Jisui shinshangei deih, hatü büpalei lak deiyei büpa kü haongtü, “Ngei mongnyüpeih, nüng meidaituh!” shei e. 42Chemjalak kü ngomdin daüdai hatü büpa meidai. 43Büpa kü wongmü shahvüng shuohtü büpai büpa deishih, 44hatü büpa kü, “Nüngi üpa kao hapa jung te-e; shejao daiyei Mosai epükei ngongpa kü hueishuoh, hatü jom touei meidaipü denpü hük vaishi nüngi moila shuohtuh” shei e.
45Shejao hapa shennyak daiyei peü lemei hapa shahjang baongtük. Hanangkü Jisui hapa jilalei ngaihe-i nepeiaok; shejao büpai vüngmakpü shingei nyu, hatü nanglakthü shing peü leipü büpa touei pei.
Currently Selected:
MARK 1: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
MARK 1
1
Johan Baptükbüi Chongvenpü
(Mt. 3:1–12; Lk. 3:1–18; Jn. 1:19–28)
1Hapayü Kahvang Ha Jisu Khristalei shahjangmei chongpangpü nyüke. 2Hapayü Isaiah thibüi nyangpükei chongpang:
“Veituh, ngei ngelei shahjang kobü
nüng shekü nüngei lem temhen shomnyeih;
3jahpanei hüki lenpü ngeü:
‘Amphongi Shembüpalei lem temtuh,
büpalei lem kangshangi lingtuh.’ ”
4Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven. 5Judea kahmük hatü Jerusalem kübü nanglakthü peü büpa touei peiyei jomei mang lah-ei Jordan yungyenei baptük.
6Shaang Johanü ut mum thuhtü, phaishuw shüngshep shep, hatü shouk#Shaangü “Locust” kü shouk shei lepei tuhnyeih, shejao hapa aihük shah hahbenüng phenha lemhük kao enyeih shei dangnyüke. hatü phaü nyahjiü hahteke. 7Büpai, “Ngei mao wong kohpü hük ngei pheikü peikünyüke; ngei aümei shatü büpalei lathuhvü laihen dangkao ngei nechang. 8Ngei am kü yungi baptükteke, shejao büpai am kü Laangha Daülangpai baptükphahen” shei e.
Jisu Baptükpü hatü Dokpü
(Mt. 3:13—4:11; Lk. 3:21–22; 4:1–13)
9Hathü nyih kü Jisu Galil kahdok Nazareth leipü pei, hatü Jordan yungyenei Johani baptükshuoh. 10Mechem büpa yung mongeipü vamjapa, vangsho jiam yamtü athuba keiha Laangha Daülangpü yiüei büpa kü bakpü büpai ee; 11hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.
12Ngangahük kü Laangha Daülangpai büpa jahpanei müei dei. 13Büpa jahpanei nyih pinyi thahshi Kahshih-i dokei ang; hatü büpayü phaüyemthü mü nyu, hatü vangsho phongshanthüi büpa yomteke.
Jisui Nyah Yeppüthü Nyükpü
(Mt. 4:12–22; Lk. 4:14–15; 15:1–11)
14Shaang Johan yepei khoklatei tuhpheikü Jisui Galilei Kahvangei shahjangmei chongvenei pei, 15hatü, “Hepak ngoiteke, hatü Kahvang ongching yopailei nyüke; mong lepei shahjangmei kü hinglemtuh” shei e.
16Jisui Galil yungching phungei daishingkü büpai Simon hatü chenaü Andrew jiji yungchingei shang shepei ee; mehenangkü jijiyü nyah yeppü am nyuteke. 17Jisui jiji kü, “Ngei phei mükei hatü ngei anjiyü shennyak yeppü am leihühen hih” shei e. 18Shüshülangi jijinyi-i shang tuhphongtü büpa phei mü. 19Büpa ajüki yanei heihjü büpai Zebedeelei cheha Jakob hatü chenaü Johan nyi ailei uoshi shang temei ee. 20Büpai jiji eehinüng jiji kü nyük, hatü jiji-i chepa Zebedee, hatü nanglat shanpü shennyakthü ai mongei tuhphongtü büpa phei mü.
Mang Laanghai Yeppü Shennyak
(Lk. 4:31–37)
21Jomphong Kapernaumei heih, hatü mechem Sabbath nyih ngoipa, büpa Sinagoglei shüei nyuhteke. 22Büpai nyuhpü kü jomi thama; mehenangkü büpai shahkung nyuhbüthü kei nevai, shejao ngan kohpü hük kei nyuhteke. 23Hahepak kü mang laanghai yeppü shennyak hük Sinagoglei nyu, 24hatü büpai, “Nazareth am Jisu, nüngi hamphong kü mehe dükhen nyüpa? Nüngü Kahvangei Daülangpü Phongshan hük shei ngei nyingnyeih” shei lenei e. 25Shejao Jisui büpa kü loh-ei, “Nüng nenmü nyutuh, hatü büpa leipü vamdaituh” shei e. 26Mang laanghai wong mü hapa shennyak kü dhi, hatü ngeüwong anei büpa kübü vam. 27Jom peü thama, hatü jom hüki hük mü pheteiyei, “Hayü meheang yo? Ngan kohshi nyuhpüvenpü ja hük khih! Büpai mang laanghathü kü shahkung shuohjü jomphongiyao büpai epü bangnyüke” shei etei. 28Chemjalak kü büpai dükpü doumei jung Galil kahmük shonpü peü lemei yaüei dai.
Jisui Longi Meihüpü
(Mt. 8:14–17; Lk. 4:38–41)
29Jomphong Sinagog leipü vamei daihinüng Simon hi Andrew amei shemei Jakob hi Johan nyi mü shü. 30Shaang Simonei nyühalei chenyü bheüi tüngei lemshi nyupü jomphongi büpa kü ejateke. 31Büpa heih-ei pinnyülei lak kü düktü phuk. Hahepak küüng tüngpü meidai hatü pinnyüi jomphong kü nemnoei shuoh.
32Ha ya om vanghe shüpheikü jomphongi büpa touei tüngpü hatü mang laanghai yeppüthü peü müei dei, 33hatü ching am kemei chingshelei thaiyei shüngshi nyu. 34Büpai dinlem laolaoi tüngpüthü meihü, hatü mang laanghathü changtük; hatü büpai mang laanghathü kü meheyao ehen nehan; mehenangkü jomphongi büpa nyingei nyuteke.
Jisui Galilei Chongvenpü
(Lk. 4:42–44)
35Nepphei vangngai pibom kü büpa lomi paoei daiyei vüngmakpü shing hükei phop. 36Simon hatü büpalei küphüthüi büpa yemei nyu. 37Mechem jomphongi büpa pongpa, jomphongi büpa kü, “Peüi nüng yemnyüke” shei eshuoh. 38Büpai, “Jen shinei nyupü chingthü leiyao daishah; shejüang ngei hathü leiyao shahjangmei nyuh-aokhen; mehenangkü ngeiyü ha düknüng yiüpeih” shei e. 39Büpai Galil peü lemei daiyei Sinagogthülei shahjangmei chongven hatü mang laanghathü changtük.
Jisui Ngombü Hük Meihü
(Mt. 8:1–4; Lk. 5:12–16)
40Ngombü hük büpa kü khümei pei, hatü aümei shatü büpa kü, “Nüngi mongjema nüngi ngei meitükshih” shei e. 41Jisui shinshangei deih, hatü büpalei lak deiyei büpa kü haongtü, “Ngei mongnyüpeih, nüng meidaituh!” shei e. 42Chemjalak kü ngomdin daüdai hatü büpa meidai. 43Büpa kü wongmü shahvüng shuohtü büpai büpa deishih, 44hatü büpa kü, “Nüngi üpa kao hapa jung te-e; shejao daiyei Mosai epükei ngongpa kü hueishuoh, hatü jom touei meidaipü denpü hük vaishi nüngi moila shuohtuh” shei e.
45Shejao hapa shennyak daiyei peü lemei hapa shahjang baongtük. Hanangkü Jisui hapa jilalei ngaihe-i nepeiaok; shejao büpai vüngmakpü shingei nyu, hatü nanglakthü shing peü leipü büpa touei pei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.