MATHI 1
1
Jisu Khristalei Bülem
(Lk. 3:23–38)
1Hapayü Abrahamei cheha David, Davidei cheha Jisu Khristalei#Khrista kü, “Messiah” sheiyao eehen. bülem jung nyangpü.
2Abrahamü Isakei chepa, Isakü Jakobei chepa, Jakobü Judah hatü büpalei chenaüthülei chepa nyuteke; 3hatü Judahyü Perez hatü Zerah nyilei chepa hatü chenyü-ü Tamar nyu; Perez-ü Hezronei chepa, Hezronü Aramei chepa; 4hatü Aramü Aminadabei chepa, hatü Aminadabü Nahshonei chepa, hatü Nahshonü Salmonei chepa; 5hatü Salmonü Boazlei chepa; chenyü-ü Rahab nyu; Boaz-ü Obedlei chepa; chenyü-ü Ruth nyu; Obedü Jesselei chepa; 6hatü Jesseyü David ongpalei chepa nyuteke.
Davidü Solomonei chepa, chenyü-ü Uriahlei nyüha nyuteke; 7Solomonü Rehoboamei chepa, Rehoboamü Abijahlei chepa, Abijah-ü Asaphlei#Asaph kü, “Asa” sheiyao eehen. chepa; 8Asaph-ü Jehoshaphatei chepa, Jehoshaphatü Joramei chepa, Joramü Uzziahlei chepa; 9Uzziah-ü Jothamei chepa, Jothamü Ahazlei chepa, Ahaz-ü Hezekiahlei chepa; 10Hezekiah-ü Manassehlei chepa, Manasseh-ü Amoslei#Amos kü, “Amon” sheiyao eehen. chepa, Amos-ü Josiahlei chepa; 11Josiah-ü Jekoniah#Jekoniah kü, “Jehoiakin” sheiyao nyüknyüke. hatü büpalei chenaüthülei chepa nyuteke. Hahepak kü nanglakthü Babylon wüpküpei deiteke.
12Babylon wüpküpei deipheikü: Jekoniah-ü Salathielei#Lai haneilei “Shealtiel” sheiyao eehen. chepa, Salathielü Zerubbabelei chepa; 13Jerubbabelü Abiudlei chepa, Abiudü Eliakimei chepa, Eliakimü Azorlei chepa; 14Azor-ü Zadokei chepa, Zadokü Akimei chepa, Akimü Eliudlei chepa; 15Eliud-ü Eleazarlei chepa, Eleazar-ü Mathanei chepa, Mathanü Jakobei chepa; 16Jakobü Josephei chepa nyuteke; Josephei chenyüha Mary-i Jisu, üpa kü Khrista#Khrista kü, “Messiah” sheiyao eehen. shei nyüknya, büpa bühteke.
17Hapakei Abraham kübü David thahshi denshem anpüali; David kübü Babylon wüpküpei daipü thahshi denshem anpüali; hatü Babylon wüpküpei daipü kübü Khrista thahshi denshem anpüali nyuteke.
Jisu Khrista Bühpü
(Lk. 2:1–7)
18Shaang Jisu Khrista hapakei bühteke: Chenyü Mary kü Joseph shing yiük pheyei nyu; shejao jiji shem mangyem shekü Laangha Daülangpai pinnyüi naü hük anghen mü vam. 19Chepaha Joseph-ü shahhing shennyak vaipü nangkü pinnyü pangnyüha touei veüpongei netuhhüpü nangkü joei yandaihen temteke. 20Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih. 21Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.
22Hathü peü Shembüpai thihivam homei hapakei epü jiühühen shingvaishi vamteke.
23“Veituh, pai mü ngühpü
nela hük büm nekongi leihen,
hatü Yeshang hük anghen,
hatü büpa kü, ‘Immanuel’ lappai,
‘Kahvang jen mü nyüpeih’ shei menhen.”
24Mechem Joseph shipü kübü paopa, Shembüpalei phongshani büpa kü epükei büpai dük; büpai pinnyü yah, 25shejao hapa yeshang mangbüh thahshi büpai pinnyü mü nejem, hatü Joseph-i büpa kü Jisu shei menteke.
Currently Selected:
MATHI 1: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.