LOUTAO 27
27
Paoshoyu Veachi
1 Mapao hai avei ava ae Eye khailupa apeio nasüe;
Enou mailia ngaopi laimoe.
Mapao nou Eye kaozhou ashi teitei hinou vupa peiwe,
haliro Enou ngaopire sü ha-e.
2Mai ashi mainou apei hi reih souve Eye southalai touyu phaki,
puletao hai phi süloua kaodu ta-a bailai.
3Reihmai me dushoyu ali nou Eye sühao loua buyuma
Enou puletaoye ngaopilai moe,
Eye ngaobayu maitao nou duyuma,
Enou Ramai ye sü louche-a bubailai.
4Enou hali Mapao hinou khowe;
Enou jüpa-a phouyu nasü haina baie:
avei hrümai veishi nou Mapao vei ki hinou bua puhvei aveih aduso nasü licho-a
ae Eye khosa-a laipeio tea puh hinou khoyu nasü baie.
5Veahoyu phaki puhnou Eye kiko peilai,
puhnou Eye puhvei Rathoki hinou poku povai peilai
ae kushoyu chuhdu ali phi hinou Eye pokhaitou toupeilai.
6Südonou Eye sühao poa buyu ngaoba maitao jünou Enou veiloulai.
Asayu nou shura soua puhvei Rathoki hinou Enou puhye posheela peilai;
Enou lou soulai, Enou Mapao ye paosholai.
7Oh Mapaowo, Enou neye kuyu phaki keinou peio!
Eye zhuvea peio ae Eye chila peio!
8Nenou “Ahi velo, ae Eye tholo” tea paoyu phaki,
Enou haibüa chila peie, “Mapao, Enou ne hi velai,
9Ne ahinou tarei tavai peiso!”
Eye rarou peiso;
Ne kilai Eye huta peiso.
Ne sü Eye soukha apeio nasüe;
Eye thaowua tapeiso, Eye malai peiso,
Oh Ramai, Eye khailupa apeio.
10Apfü ae apuo nou Eye thaowua talou vei-e,
ana Mapao nou Eye kiko peilai.
11Oh Mapaowo, nenou jüpayu ludu na hisü Eye panou taloure donou doupeio,
ae zhoukao veiyu ludu hisü Eye süthaisa-a tapeio,
daiolouzü Eye ngaobayu mai alao bue.
12Eye soushilai tea da-a buyu maitao,
ae Eye soupi-a buyu ngaoba maitao hinou Eye thaokhai peiso.
13Avei hrümai haina hinou Mapao vei aveih,
ae aduso nasü ngao-a hrülou süe touyu Enou louchewe.
14 Mapao ye sü louchelo!
Puhye lü louchelo, chathai taso.
Mapao ye louchelo.
Currently Selected:
LOUTAO 27: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LOUTAO 27
27
Paoshoyu Veachi
1 Mapao hai avei ava ae Eye khailupa apeio nasüe;
Enou mailia ngaopi laimoe.
Mapao nou Eye kaozhou ashi teitei hinou vupa peiwe,
haliro Enou ngaopire sü ha-e.
2Mai ashi mainou apei hi reih souve Eye southalai touyu phaki,
puletao hai phi süloua kaodu ta-a bailai.
3Reihmai me dushoyu ali nou Eye sühao loua buyuma
Enou puletaoye ngaopilai moe,
Eye ngaobayu maitao nou duyuma,
Enou Ramai ye sü louche-a bubailai.
4Enou hali Mapao hinou khowe;
Enou jüpa-a phouyu nasü haina baie:
avei hrümai veishi nou Mapao vei ki hinou bua puhvei aveih aduso nasü licho-a
ae Eye khosa-a laipeio tea puh hinou khoyu nasü baie.
5Veahoyu phaki puhnou Eye kiko peilai,
puhnou Eye puhvei Rathoki hinou poku povai peilai
ae kushoyu chuhdu ali phi hinou Eye pokhaitou toupeilai.
6Südonou Eye sühao poa buyu ngaoba maitao jünou Enou veiloulai.
Asayu nou shura soua puhvei Rathoki hinou Enou puhye posheela peilai;
Enou lou soulai, Enou Mapao ye paosholai.
7Oh Mapaowo, Enou neye kuyu phaki keinou peio!
Eye zhuvea peio ae Eye chila peio!
8Nenou “Ahi velo, ae Eye tholo” tea paoyu phaki,
Enou haibüa chila peie, “Mapao, Enou ne hi velai,
9Ne ahinou tarei tavai peiso!”
Eye rarou peiso;
Ne kilai Eye huta peiso.
Ne sü Eye soukha apeio nasüe;
Eye thaowua tapeiso, Eye malai peiso,
Oh Ramai, Eye khailupa apeio.
10Apfü ae apuo nou Eye thaowua talou vei-e,
ana Mapao nou Eye kiko peilai.
11Oh Mapaowo, nenou jüpayu ludu na hisü Eye panou taloure donou doupeio,
ae zhoukao veiyu ludu hisü Eye süthaisa-a tapeio,
daiolouzü Eye ngaobayu mai alao bue.
12Eye soushilai tea da-a buyu maitao,
ae Eye soupi-a buyu ngaoba maitao hinou Eye thaokhai peiso.
13Avei hrümai haina hinou Mapao vei aveih,
ae aduso nasü ngao-a hrülou süe touyu Enou louchewe.
14 Mapao ye sü louchelo!
Puhye lü louchelo, chathai taso.
Mapao ye louchelo.
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.