PHILIPPIMAI 4
4
Mapaowo hinou Sasa-a Buloure Khoyu
1Südonou Athaihou jürai khemai, Enou neletaoye daizhozhou leshisa ea neletaoye vedao loure daizhozhou zhia busa! Neletao nou Eye daizhozhou souvapeisa, alia neletao vanou Ehai daizhozhou khaophu sousa! Südonou leshiyu thaihou jürai khemai, haibüa neletao vei hrümaihai Mapaowo hinou latouloua buvuzülai.
2Enou Eudia ea Suntikhi ye Mapaowo hinou alinou liye aetoupeio tea khokhai khokhaiwe. 3Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.
4Teisanou Mapaowo hinou lesalo, haisü Enou paopu khaiwe: lesalo!
5Mai hrülaiye panou neletao vei shameayu sü süloukhaio. Mapao thashoa laire. 6Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio. 7Alia tsü süyu teitei jünou koushoyu Ramai vei kaonayu sünanou Khrista Jisu ye koa ali soulouyu hinou neletao vei tsü-lesü khotou peiloulai.
8Akhai hinou Athaihou jürai khemai, checheyu teitei, tsükhoulou veiyu teitei, züyu teitei, sheeyu teitei, zhaivei shoyu teitei, zhuvea peiyu teitei, veishoyu hatali bue toulouzü, paosho züyu hatali bue toulouzü, na haitao vanou chotou loukhaio. 9Neletao nou Ahinou doulouyu, ngaolouyu, choulouyu ea nghithou nou ngaolouyu sütaosü soukhaio; alia kaonayu Ramai nou neletaoye koa bupeilai.
Sapeina vanou Kalo Paoyu
10Enou Mapaowo hinou le sashowe, süolouzü chuo akhai hinou neletao nou Eye donou chopu peiwure; chechenou neletao nou Eye donou dopeie, ana neletaoye donou teile zhou aveisü hae. 11Eye donou moshilaiyu buyu vanou haisü Enou paomoe, daiolouzü Ahi buyu sünanou khra-a buloure sü Enou douloure. 12Enou kabüa hazhia moa alaosou bua hrülai touyu-a süwe. Buh tali kinou ea teile tali hinou Enou pou phou-a buyua, hou-a buyua moa alaosou buyua, chelouhoa buyua, khra-a buloure kheitsü nasü Enou douloure. 13Eye soukhou peiyu Khrista puh vanou Enou ha teitei soulousüe.
14Ana Enou veahoyuki neletao nou koa zha ngaozhopei-a veitoua soupeire. 15Alia Philippi maitao, Ko Aveina paodou shuraihi Enou Makedonia thaowu-a tayuki kukhe lüloumaime talia Eye koa peiyuhi-a, ngaoyu hi-a zha ngaozho moe, neletao likhei baie touyu sü lah neletao nou süwe; 16daiolouzü Enou Thessalonika hinou soukha peiyuhai moshilai-a bubuki neletao nou Ahi lüh ali jünou koua süsü seive peie. 17Süsü Enou sapeina nasü züpashoa phouyu nou moe; süjüwo, neletao vei thou-sha pei hi zhiyu thoupuyu sü Enou phouwe. 18Enou ngaochekhou loure ea kouh-lih-a ngaoloure! Chuo Enou moshilaiyu teiteisü buchekhou loure süolouzü neletao vei sapeina veishisü Epaphroditas nou Ahi povepeie. Sütaosü Ramai hi kai nüveiyu na pothoyu, puhnou polou veiyu ea züpayu posheelana nasüe, 19alia Aramai nou neletao vei moshilaiyu teiteisü khouko ava hinou puhvei kini alao buyu süna thaifüa Khrista Jisu hinou peiloulai. 20Chuo Eletao Ramai ea Puo hi teisanou paoshoyu souloutheo! Teisanou! Amen.
Akhai Khurüyu Chidoh
21Khrista Jisu hinou sheeyumai hrülaiye sasa-a khurüpeio. Eye koa buyu thaihou jürai maitao nou neletao hi khurüyu chidoh seiwe. 22Sheeyumai hrülainou, koulihsoua Kaisar kikha mainou neletao hi khurüyu chidoh seiwe.
23Mapao Jisu Khrista zhuvea nou neletao hrülaiye koa buyu sü souloutheo.
Currently Selected:
PHILIPPIMAI 4: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
PHILIPPIMAI 4
4
Mapaowo hinou Sasa-a Buloure Khoyu
1Südonou Athaihou jürai khemai, Enou neletaoye daizhozhou leshisa ea neletaoye vedao loure daizhozhou zhia busa! Neletao nou Eye daizhozhou souvapeisa, alia neletao vanou Ehai daizhozhou khaophu sousa! Südonou leshiyu thaihou jürai khemai, haibüa neletao vei hrümaihai Mapaowo hinou latouloua buvuzülai.
2Enou Eudia ea Suntikhi ye Mapaowo hinou alinou liye aetoupeio tea khokhai khokhaiwe. 3Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.
4Teisanou Mapaowo hinou lesalo, haisü Enou paopu khaiwe: lesalo!
5Mai hrülaiye panou neletao vei shameayu sü süloukhaio. Mapao thashoa laire. 6Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio. 7Alia tsü süyu teitei jünou koushoyu Ramai vei kaonayu sünanou Khrista Jisu ye koa ali soulouyu hinou neletao vei tsü-lesü khotou peiloulai.
8Akhai hinou Athaihou jürai khemai, checheyu teitei, tsükhoulou veiyu teitei, züyu teitei, sheeyu teitei, zhaivei shoyu teitei, zhuvea peiyu teitei, veishoyu hatali bue toulouzü, paosho züyu hatali bue toulouzü, na haitao vanou chotou loukhaio. 9Neletao nou Ahinou doulouyu, ngaolouyu, choulouyu ea nghithou nou ngaolouyu sütaosü soukhaio; alia kaonayu Ramai nou neletaoye koa bupeilai.
Sapeina vanou Kalo Paoyu
10Enou Mapaowo hinou le sashowe, süolouzü chuo akhai hinou neletao nou Eye donou chopu peiwure; chechenou neletao nou Eye donou dopeie, ana neletaoye donou teile zhou aveisü hae. 11Eye donou moshilaiyu buyu vanou haisü Enou paomoe, daiolouzü Ahi buyu sünanou khra-a buloure sü Enou douloure. 12Enou kabüa hazhia moa alaosou bua hrülai touyu-a süwe. Buh tali kinou ea teile tali hinou Enou pou phou-a buyua, hou-a buyua moa alaosou buyua, chelouhoa buyua, khra-a buloure kheitsü nasü Enou douloure. 13Eye soukhou peiyu Khrista puh vanou Enou ha teitei soulousüe.
14Ana Enou veahoyuki neletao nou koa zha ngaozhopei-a veitoua soupeire. 15Alia Philippi maitao, Ko Aveina paodou shuraihi Enou Makedonia thaowu-a tayuki kukhe lüloumaime talia Eye koa peiyuhi-a, ngaoyu hi-a zha ngaozho moe, neletao likhei baie touyu sü lah neletao nou süwe; 16daiolouzü Enou Thessalonika hinou soukha peiyuhai moshilai-a bubuki neletao nou Ahi lüh ali jünou koua süsü seive peie. 17Süsü Enou sapeina nasü züpashoa phouyu nou moe; süjüwo, neletao vei thou-sha pei hi zhiyu thoupuyu sü Enou phouwe. 18Enou ngaochekhou loure ea kouh-lih-a ngaoloure! Chuo Enou moshilaiyu teiteisü buchekhou loure süolouzü neletao vei sapeina veishisü Epaphroditas nou Ahi povepeie. Sütaosü Ramai hi kai nüveiyu na pothoyu, puhnou polou veiyu ea züpayu posheelana nasüe, 19alia Aramai nou neletao vei moshilaiyu teiteisü khouko ava hinou puhvei kini alao buyu süna thaifüa Khrista Jisu hinou peiloulai. 20Chuo Eletao Ramai ea Puo hi teisanou paoshoyu souloutheo! Teisanou! Amen.
Akhai Khurüyu Chidoh
21Khrista Jisu hinou sheeyumai hrülaiye sasa-a khurüpeio. Eye koa buyu thaihou jürai maitao nou neletao hi khurüyu chidoh seiwe. 22Sheeyumai hrülainou, koulihsoua Kaisar kikha mainou neletao hi khurüyu chidoh seiwe.
23Mapao Jisu Khrista zhuvea nou neletao hrülaiye koa buyu sü souloutheo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.