PHILEMON 1
1
1Jisu Khrista donou hukhahi loua buyu Paul alia Eletao thaihou jürai Timothi hinou —
Eh sa ea koa vah souyu Philemon, 2alia neki hinou tavedzüa buyu lüloumaime, alia Eh tu Apphia ea Eh sa reihmai Arkippa hi rüwe.
3Eletao Puo Ramai ea Mapao Jisu Khrista nou zhuvea ea kaonayu hai neletao hi peiyu souloutheo.
Philemon vei Leshi ea Lü
4Eh thaihou jürai Philemon, Enou veachi paosa hai neye lichoa Aramai hi kalo paoa bue. 5Daiolouzü nenou sheeyu maitaoye leshiyu ea Mapao Jisu hi lü buyu hai Enou choue. 6alia Khrista hinou Eletao vei soua buyu avei teitei vei tsü nahai, maiye koa zha ngaochiyu nevei lü süna vanou panou dushu loure donou Enou veachi paowe. 7Leshiyu Achina Philemon, nevei leshina vanou Eye sou sasho peire ea le soudu peire, daiolouzü lülou maitao le hai ne vanou soukai peire.
Onesimasye donou Khoyu
8Südonou Khrista hinou nevei thaihou jürai ali büa Enou khuveia dai souzüe touyu hai paopeilou süe. 9Ana Enou neye leshiyu vanou, Paul, Ehai Jisu Khrista vei süh-seitana khaia ea chuo puh donou hukhahi bumai ali khaia Enou nehinou khoyu züpae. 10Hukha hinou ve puh puo soulouyu Enou Khrista hinou lah Anahpoutu soua buyu Onesimas donou khowe. 11Raiki louzü neye donou puh hai halia koyu hae, ana chuwo chekhaoa puh hai ne donoua ea Eye donoua kosho loure. 12Enou chuwo Ale teiteinou koa puhye nehi sei dakhai vewe. 13Enou Ko Aveina donou hukhahi bubuki ne süh soua Eye soukha peire puhye panou Eye koa buyu hai Enou züpae. 14Sütoukhaia nenou lüpeiyu loumoa Enou halia souyu züpa moe, daiolouzü lah nedo hinou moa nou moshilaiyu hinou neye panou Eye soukhapei nümoe.
15Daiolouzü Onesimas nou ne nghojünou phajü donou tayu hai nenou puhye sada khaive teisanou nehi khailoure donou baia malae. 16Alia chuwo puh hai qila likhei baimore, ana qila ali jünou koushore: puh hai Khrista hinou leshiyu thaihou jürai ali souloure. Daizhozhou puh hai Eye donou koshosa! Ana koulih soua puh hai pfüphao hilonou ea Mapao hinou daizhozhou neye donou veikousa.
17Südonou nenou Eye hai koa vah soumai alie tea licho peilouzü, nenou Eye sapei laiyu büa puhye sapei khaio. 18Hakinou puhnou nepei hi kaozü moyu soukhaire toulouzü, moa nepao hata pfülouzü, sünahai Avei thousha pei hi chokhai peikhaio 19Haihai Paul Enou Abah vuzünou rüe: Enou sünahai khadapei khailai. (Ne hrümai koutea Apao pfüa bue touyu hai Enou paopayu phamoe). 20Südonou Achina, Mapao zhih hinou leshia haisü Eye donou soupei khaio. Khrista hinou thaihou jüraili soua Ale hai sousa peikhaio!
21Enou haina hai rülukhu louchewe süolouzü Enou khoyu hai nenou soupei shulai, alia chechekhaoa nenou süjünou koua soupei shulai touyu hai Enou süe. 22Süpeinou, Eye donou kideli souda peikhaio, daiolouzü neletao hrülai vei veachi hai Ramai nou popei loua Eye hai neletao hi peidakhai shulai touyuhai Enou louche-a bue.
Akhai Khrüyu Chidoh
23-24Jisu Khrista donou Eye koa hukha pfüzhoyu Epaphras alia Eye koa vah souzhoyu Mark, Aristarkha, Demas ea Luk nou ne hi khurüyu chidoh seiwe.
25Mapao Jisu Khrista zhuvea nou neletao hrülaiye koa buyu sü souloutheo.
Currently Selected:
PHILEMON 1: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
PHILEMON 1
1
1Jisu Khrista donou hukhahi loua buyu Paul alia Eletao thaihou jürai Timothi hinou —
Eh sa ea koa vah souyu Philemon, 2alia neki hinou tavedzüa buyu lüloumaime, alia Eh tu Apphia ea Eh sa reihmai Arkippa hi rüwe.
3Eletao Puo Ramai ea Mapao Jisu Khrista nou zhuvea ea kaonayu hai neletao hi peiyu souloutheo.
Philemon vei Leshi ea Lü
4Eh thaihou jürai Philemon, Enou veachi paosa hai neye lichoa Aramai hi kalo paoa bue. 5Daiolouzü nenou sheeyu maitaoye leshiyu ea Mapao Jisu hi lü buyu hai Enou choue. 6alia Khrista hinou Eletao vei soua buyu avei teitei vei tsü nahai, maiye koa zha ngaochiyu nevei lü süna vanou panou dushu loure donou Enou veachi paowe. 7Leshiyu Achina Philemon, nevei leshina vanou Eye sou sasho peire ea le soudu peire, daiolouzü lülou maitao le hai ne vanou soukai peire.
Onesimasye donou Khoyu
8Südonou Khrista hinou nevei thaihou jürai ali büa Enou khuveia dai souzüe touyu hai paopeilou süe. 9Ana Enou neye leshiyu vanou, Paul, Ehai Jisu Khrista vei süh-seitana khaia ea chuo puh donou hukhahi bumai ali khaia Enou nehinou khoyu züpae. 10Hukha hinou ve puh puo soulouyu Enou Khrista hinou lah Anahpoutu soua buyu Onesimas donou khowe. 11Raiki louzü neye donou puh hai halia koyu hae, ana chuwo chekhaoa puh hai ne donoua ea Eye donoua kosho loure. 12Enou chuwo Ale teiteinou koa puhye nehi sei dakhai vewe. 13Enou Ko Aveina donou hukhahi bubuki ne süh soua Eye soukha peire puhye panou Eye koa buyu hai Enou züpae. 14Sütoukhaia nenou lüpeiyu loumoa Enou halia souyu züpa moe, daiolouzü lah nedo hinou moa nou moshilaiyu hinou neye panou Eye soukhapei nümoe.
15Daiolouzü Onesimas nou ne nghojünou phajü donou tayu hai nenou puhye sada khaive teisanou nehi khailoure donou baia malae. 16Alia chuwo puh hai qila likhei baimore, ana qila ali jünou koushore: puh hai Khrista hinou leshiyu thaihou jürai ali souloure. Daizhozhou puh hai Eye donou koshosa! Ana koulih soua puh hai pfüphao hilonou ea Mapao hinou daizhozhou neye donou veikousa.
17Südonou nenou Eye hai koa vah soumai alie tea licho peilouzü, nenou Eye sapei laiyu büa puhye sapei khaio. 18Hakinou puhnou nepei hi kaozü moyu soukhaire toulouzü, moa nepao hata pfülouzü, sünahai Avei thousha pei hi chokhai peikhaio 19Haihai Paul Enou Abah vuzünou rüe: Enou sünahai khadapei khailai. (Ne hrümai koutea Apao pfüa bue touyu hai Enou paopayu phamoe). 20Südonou Achina, Mapao zhih hinou leshia haisü Eye donou soupei khaio. Khrista hinou thaihou jüraili soua Ale hai sousa peikhaio!
21Enou haina hai rülukhu louchewe süolouzü Enou khoyu hai nenou soupei shulai, alia chechekhaoa nenou süjünou koua soupei shulai touyu hai Enou süe. 22Süpeinou, Eye donou kideli souda peikhaio, daiolouzü neletao hrülai vei veachi hai Ramai nou popei loua Eye hai neletao hi peidakhai shulai touyuhai Enou louche-a bue.
Akhai Khrüyu Chidoh
23-24Jisu Khrista donou Eye koa hukha pfüzhoyu Epaphras alia Eye koa vah souzhoyu Mark, Aristarkha, Demas ea Luk nou ne hi khurüyu chidoh seiwe.
25Mapao Jisu Khrista zhuvea nou neletao hrülaiye koa buyu sü souloutheo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.