MATHIU 28
28
Jisu nou Hrishuyu
(Mk 16.1-10; Lk 24.1-12; Jn 20.1-10)
1Chuo Soteithe thaisü, Rathozhou shohna hinou Magdalini Meri ea kukhe Meri pai nou khüh nasü zhure donou tave. 2Alia zhukhaio, sühisü sükhai moa nü süsho loure; daiolouzü raki vanou Mapao vei rakivamai alinou takou loua chuh nasü phaoda laiwure, alia süphaonou kou buloure. 3Puh zhuhai teipeiyu kue, alia puh sahnü taosü vüra kua kaawe. 4Alia puhye piyu donou khüh khoyu maitaosü nguloure ea thaimai bübaire.
5Ana rakivamai nanou naotumai taohi paoe, “Neletao pikhaiso; daiolouzü kros vanou veatheayu Jisuye neletao nou phoua bue touyu hai Enou süwe. 6Puhwo haihi hare, daiolouzü puhnou paopeiyu büa puh hai hrishure. Haihi takou khaio, puhye pokhaiyu buh nasü zhukhaio. 7Alia chuo thalasou taho puh rozümai taohi, ‘Puhwo athai hinou hrishuloure tea paokhaio, alia zhu khaio, puhwo neletao jünou raia Galilee hi talai; sühinou neletao nou puhye ngaolai!’ Zhukhaio, Enou neletao hi paopeire.”
8Südonou puletao nou piyu ea sashoyu nou phoua khüh hinou thashoa tare, alia puh rozümai taohi paopeire donou tutare.
9Alia zhukhaio, sükhai moa Jisu nou puletaoye tave daoloua paoe, “Kaonalo!” Alia puletao nou ngheiki takou loua ea puh phi kou deiloua puhye khurüe. 10Sükisü Jisu nou puletao hi paoe, “Pikhaiso; takhaio ea Athaihou jüraimai taoye Galilee hi tavere donou paopeikhaio, alia sühinou puletao nou Eye ngaolai.”
Khüh Khoyu mainou Taho Süngaoyu
11Naotumai taonou puletao duhi ta-a bubu kinou, zhukhaio, khüh khoyu reihmai kamai taonou nuhdu nahi dakhai veloua payutao teiteisü napao adumai taohi paongao peire. 12Alia napao adumai taonou tsümai taoye koa vedzü loua do phouloure; puletao nou reihmai taohi pousha taoli peire. 13Alia haibüa paoe, “Puh rozümai taonou khei nou taveloua Eletao nou zhia bubu kinou puh pfüphao hai vaoloure tea maikhe mai hi paokhaio. 14Alia haina hai Teideikhowo nou choulouzü, Eletao nou puhye paonawulai alia neletaoa ko-a zhoushiyu halia daolaimoe.”
15Südonou puletao nou pousha sü poloure ea puletao hi doupeiyu kua souloure; alia ko sünahai zhou koutea Jihudimaitao hrohi kupoa bue
Jisu nou Puh Rozümai Kialihi Ngaopeiyu ea Lütayu Aduna
(Mk 16.14-18; Lk 24.36-49; Jn 20.19-23; Vah 1.6-8)
16Alia chuo rozümai kiali taonou Jisu nou puletao hi paopeikhai touyu Galilee hi buyu deichi nahi tare. 17Alia puletao nou puhye ngaolouyu kisü, puhye khurüe; ana kamainou lekiloure. 18Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure. 19Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio; 20Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”
Currently Selected:
MATHIU 28: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MATHIU 28
28
Jisu nou Hrishuyu
(Mk 16.1-10; Lk 24.1-12; Jn 20.1-10)
1Chuo Soteithe thaisü, Rathozhou shohna hinou Magdalini Meri ea kukhe Meri pai nou khüh nasü zhure donou tave. 2Alia zhukhaio, sühisü sükhai moa nü süsho loure; daiolouzü raki vanou Mapao vei rakivamai alinou takou loua chuh nasü phaoda laiwure, alia süphaonou kou buloure. 3Puh zhuhai teipeiyu kue, alia puh sahnü taosü vüra kua kaawe. 4Alia puhye piyu donou khüh khoyu maitaosü nguloure ea thaimai bübaire.
5Ana rakivamai nanou naotumai taohi paoe, “Neletao pikhaiso; daiolouzü kros vanou veatheayu Jisuye neletao nou phoua bue touyu hai Enou süwe. 6Puhwo haihi hare, daiolouzü puhnou paopeiyu büa puh hai hrishure. Haihi takou khaio, puhye pokhaiyu buh nasü zhukhaio. 7Alia chuo thalasou taho puh rozümai taohi, ‘Puhwo athai hinou hrishuloure tea paokhaio, alia zhu khaio, puhwo neletao jünou raia Galilee hi talai; sühinou neletao nou puhye ngaolai!’ Zhukhaio, Enou neletao hi paopeire.”
8Südonou puletao nou piyu ea sashoyu nou phoua khüh hinou thashoa tare, alia puh rozümai taohi paopeire donou tutare.
9Alia zhukhaio, sükhai moa Jisu nou puletaoye tave daoloua paoe, “Kaonalo!” Alia puletao nou ngheiki takou loua ea puh phi kou deiloua puhye khurüe. 10Sükisü Jisu nou puletao hi paoe, “Pikhaiso; takhaio ea Athaihou jüraimai taoye Galilee hi tavere donou paopeikhaio, alia sühinou puletao nou Eye ngaolai.”
Khüh Khoyu mainou Taho Süngaoyu
11Naotumai taonou puletao duhi ta-a bubu kinou, zhukhaio, khüh khoyu reihmai kamai taonou nuhdu nahi dakhai veloua payutao teiteisü napao adumai taohi paongao peire. 12Alia napao adumai taonou tsümai taoye koa vedzü loua do phouloure; puletao nou reihmai taohi pousha taoli peire. 13Alia haibüa paoe, “Puh rozümai taonou khei nou taveloua Eletao nou zhia bubu kinou puh pfüphao hai vaoloure tea maikhe mai hi paokhaio. 14Alia haina hai Teideikhowo nou choulouzü, Eletao nou puhye paonawulai alia neletaoa ko-a zhoushiyu halia daolaimoe.”
15Südonou puletao nou pousha sü poloure ea puletao hi doupeiyu kua souloure; alia ko sünahai zhou koutea Jihudimaitao hrohi kupoa bue
Jisu nou Puh Rozümai Kialihi Ngaopeiyu ea Lütayu Aduna
(Mk 16.14-18; Lk 24.36-49; Jn 20.19-23; Vah 1.6-8)
16Alia chuo rozümai kiali taonou Jisu nou puletao hi paopeikhai touyu Galilee hi buyu deichi nahi tare. 17Alia puletao nou puhye ngaolouyu kisü, puhye khurüe; ana kamainou lekiloure. 18Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure. 19Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio; 20Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.