JOSHUA 3
3
Israel mainou Jordan Rei Tachopayu
1Thainesho shona Joshua alia Israel mai hrülai nou kushu zilou-a Shittim hinou tashu tare, puletao nou Jordan rei hi velouloue, alia puletao nou rei tachopa loumo koute sühinou fühao sou-a bue. 2Teithe asü thaisü, puletaoye süthai-apei maitao nou puletao vei fühao sü tahao ve zhue, 3alia puletao hi haibüa kharochi peie, “Neletao nou Ramai Mapao vei Vo Sübvü nahai naasou peia buyu Levimai nou kaopoa tayu ngaolouzü, neletao-a buh hai nasü thao-a puletao thaifü talo. 4Sükulouzü neletao nou kalova talai touyu ludusü süloulai, daiolouzü raiki neletao nou ludu haina takhai mohie. Ana neletao ae Ramai Mapao vei Vo Sübvü kohai chaocho (cubits) thehai pha koka-a bulai, süpehi kou heiso.”
5Joshua nou süthai mai khemai hisü paoe, “Neletao lah neletaoye sousheelo; daiolouzü neletao hi dosho Mapao nou khupa shoyu vah sou ngaolai.” 6Alia Joshua nou napao maitao hia paoe, “Vo Sübvü nasü polou-a maisou nghoujü nou raitalo.” Puletao nou Vo Sübvü nasü poloua nou maisou jünou rai-a tare.
7Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai. 8Alia nenou Vo Sübvü poa tayu napao maitao hisü, ‘Jordan rei touchü hi kouloure toulouzü neletao nou sühinou latsü poa bulo,’ teanou kharochi peio.”
9Joshua nou Israel maitao hisü paoe, “Haihi takolo, alia Ramai Mapao vei chi sü keikhaio.” 10Joshua nou haibüa paoe, “Neletao nou hriyu Ramai hai neletao hrohinou bue touyu süloulai, alia Puhnou veikhai moa neletao ye donou Kanaan mai, Hit mai, Hiv mai, Perizz mai, Girgash mai, Amor mai, alia Jebus maiye huta peilai. 11Zhukhaio, hali-hala pei hinou Mapao soua buyu Ramai vei Vo Sübvü nasü neletao pahinou poa Jordan rei hisü kaloure. 12Südonou chuo mai kiahai sü Israel mai khü chehinou mai alili dopalou-o. 13Mapao vei Vo Sübvü poa tayu napao maitao nou talou Jordan reidzü heade toulouzü, Jordan reidzü sü kümoa shoa bailai, alia reikou nou kükouyu reidzü tao-a kholi sou-a bu bailai.”
14Puletao nou puletao vei sahpao nasü thaowure, alia napao maitao nou Vo Sübvü sü kaopoa maisou nghoujü nou rai-a Jordan rei kacho kouyu phaki, 15Vo Sübvü poa tayu maitao nou Jordan hi vetelouyu phaki, sübvü poyu napao mai taonou talou reidzü heapeikhaie, (heabuki sasü Jordan rei dzü hai külya bubaie). 16Reikounou kükouyu reidzü taohai dousho-a nou Zerethan pehi Adam nuh koute külya pare, alia khekou Arabah vei zai, alia Thai Zai hilo kükouyu taozü decha touwure; alia mai khemainou Jeriko pa hilonou tachopa loure. 17Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.
Currently Selected:
JOSHUA 3: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
JOSHUA 3
3
Israel mainou Jordan Rei Tachopayu
1Thainesho shona Joshua alia Israel mai hrülai nou kushu zilou-a Shittim hinou tashu tare, puletao nou Jordan rei hi velouloue, alia puletao nou rei tachopa loumo koute sühinou fühao sou-a bue. 2Teithe asü thaisü, puletaoye süthai-apei maitao nou puletao vei fühao sü tahao ve zhue, 3alia puletao hi haibüa kharochi peie, “Neletao nou Ramai Mapao vei Vo Sübvü nahai naasou peia buyu Levimai nou kaopoa tayu ngaolouzü, neletao-a buh hai nasü thao-a puletao thaifü talo. 4Sükulouzü neletao nou kalova talai touyu ludusü süloulai, daiolouzü raiki neletao nou ludu haina takhai mohie. Ana neletao ae Ramai Mapao vei Vo Sübvü kohai chaocho (cubits) thehai pha koka-a bulai, süpehi kou heiso.”
5Joshua nou süthai mai khemai hisü paoe, “Neletao lah neletaoye sousheelo; daiolouzü neletao hi dosho Mapao nou khupa shoyu vah sou ngaolai.” 6Alia Joshua nou napao maitao hia paoe, “Vo Sübvü nasü polou-a maisou nghoujü nou raitalo.” Puletao nou Vo Sübvü nasü poloua nou maisou jünou rai-a tare.
7Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai. 8Alia nenou Vo Sübvü poa tayu napao maitao hisü, ‘Jordan rei touchü hi kouloure toulouzü neletao nou sühinou latsü poa bulo,’ teanou kharochi peio.”
9Joshua nou Israel maitao hisü paoe, “Haihi takolo, alia Ramai Mapao vei chi sü keikhaio.” 10Joshua nou haibüa paoe, “Neletao nou hriyu Ramai hai neletao hrohinou bue touyu süloulai, alia Puhnou veikhai moa neletao ye donou Kanaan mai, Hit mai, Hiv mai, Perizz mai, Girgash mai, Amor mai, alia Jebus maiye huta peilai. 11Zhukhaio, hali-hala pei hinou Mapao soua buyu Ramai vei Vo Sübvü nasü neletao pahinou poa Jordan rei hisü kaloure. 12Südonou chuo mai kiahai sü Israel mai khü chehinou mai alili dopalou-o. 13Mapao vei Vo Sübvü poa tayu napao maitao nou talou Jordan reidzü heade toulouzü, Jordan reidzü sü kümoa shoa bailai, alia reikou nou kükouyu reidzü tao-a kholi sou-a bu bailai.”
14Puletao nou puletao vei sahpao nasü thaowure, alia napao maitao nou Vo Sübvü sü kaopoa maisou nghoujü nou rai-a Jordan rei kacho kouyu phaki, 15Vo Sübvü poa tayu maitao nou Jordan hi vetelouyu phaki, sübvü poyu napao mai taonou talou reidzü heapeikhaie, (heabuki sasü Jordan rei dzü hai külya bubaie). 16Reikounou kükouyu reidzü taohai dousho-a nou Zerethan pehi Adam nuh koute külya pare, alia khekou Arabah vei zai, alia Thai Zai hilo kükouyu taozü decha touwure; alia mai khemainou Jeriko pa hilonou tachopa loure. 17Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.