JOSHUA 1
1
Ramai nou Joshua ye Reih soulou Kanaan Teidei Poloure donou Lüpeiyu
1 Mapao kilai Moses thaiyu thai, Nun nahpoutu Joshua, Moses ye soukhana, puh hi Mapao nou paoe, 2Avei kilai Moses hai thaire, südonou chuo tashulou-o, Jordan tachopalouo, ne alia mai haitao teiteinou, Enou puletaoye peilaiyu teideisü, Israel maitao hi peilaiyu dei hisü. 3Enou Moses hi paokhai touyu thaifüa, nemai taono talou phiheayu teiteisü nemaiye peiwure. 4Vaohro alia Lebanon hinou rei aduna hi koute, Ephratis rei, Hit mai teidei teitei alia zaidu hinou teinghi loulova hai neletao vei teidei souwulai. 5Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe. 6Khouchilo alia khuveilo; daiolouzü neletao puopao hi Enou peilai teanou chaachou soukhai touyu teidei nasü, neye panou mai haitaoye salou dei nasü kathao loulai. 7Khouchilo alia khuvei sholou-a baio, leikei-a soulo Akilai Moses nou ne hi kharochi peikhai touyu chikhatao hai; nenou butaraki veyuma pahvei sü ngaoloure donou, sühinou bakha zhoulaoa mokhai-a bakha nalao reitawuso. 8Chikha larübvü haina hai ne mü hinou ralaimoe, ana hea-khei sühinou li-a cholai, haihi rüthou khaitouyu thaifüa talouzü nenou vapu khelai alia veiloulai. 9Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”
Joshua nou Puh maitao hi Kharochi Peiyu
10Süthai peikho maitao hi Joshua nou kharochi peie, 11Neletao nou chaoyu buh hi sünou takhai-o, alia maisou hisü haibüa kharochi peio, “Neletao touso soudalo, daiolouzü neletao Ramai Mapao nou peiyu teidei nasü talou poloure donou teithe asü levainou Jordan rei tacho palai.”
12Joshua nou Reuben, Gad alia Manasseh khü dahli hi paoe, 13“Mapao vei kilai Moses nou neletao hi haibüa kharochi peiyu nahai lilou-o, Ramai Mapao nou neletao ye pa sholoure buh peilai, alia dei sünasü neletaoye peilai. 14Moses nou neletao ye peikhai touyu Jordan rei dapolo deihi neletao chapfümai, nahmaitao alia kikhaorü taohai khaiwulai; ana sou-reih soulou süyu mai hrülai nou reihna pfülou-a neletao chapfü-nahmai nghoujünou rai-a talai alia puletaoye soukhalai. 15Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”
16Puletao nou Joshua hi chila peie, “Nenou Etao hi kharochi peiyu pfüphou Etao nou soulai, alia butaraki nenou Etaoye seitayu hisü etao nou talai. 17Etao nou Moses chi züyu büa etao nou ne chi-a zülai; Moses ye Ramai Mapao nou kozo peiyu büa ne-a kozo peilouzü chebaie. 18Ne chi züba-a neye mai tara linoua dulouzü mokhai-a nenou peikhai touyu kharochi zübayu maiye sü southawu bailai. Khouchilou-o alia khuvei louzü chebaie.”
Currently Selected:
JOSHUA 1: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
JOSHUA 1
1
Ramai nou Joshua ye Reih soulou Kanaan Teidei Poloure donou Lüpeiyu
1 Mapao kilai Moses thaiyu thai, Nun nahpoutu Joshua, Moses ye soukhana, puh hi Mapao nou paoe, 2Avei kilai Moses hai thaire, südonou chuo tashulou-o, Jordan tachopalouo, ne alia mai haitao teiteinou, Enou puletaoye peilaiyu teideisü, Israel maitao hi peilaiyu dei hisü. 3Enou Moses hi paokhai touyu thaifüa, nemai taono talou phiheayu teiteisü nemaiye peiwure. 4Vaohro alia Lebanon hinou rei aduna hi koute, Ephratis rei, Hit mai teidei teitei alia zaidu hinou teinghi loulova hai neletao vei teidei souwulai. 5Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe. 6Khouchilo alia khuveilo; daiolouzü neletao puopao hi Enou peilai teanou chaachou soukhai touyu teidei nasü, neye panou mai haitaoye salou dei nasü kathao loulai. 7Khouchilo alia khuvei sholou-a baio, leikei-a soulo Akilai Moses nou ne hi kharochi peikhai touyu chikhatao hai; nenou butaraki veyuma pahvei sü ngaoloure donou, sühinou bakha zhoulaoa mokhai-a bakha nalao reitawuso. 8Chikha larübvü haina hai ne mü hinou ralaimoe, ana hea-khei sühinou li-a cholai, haihi rüthou khaitouyu thaifüa talouzü nenou vapu khelai alia veiloulai. 9Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”
Joshua nou Puh maitao hi Kharochi Peiyu
10Süthai peikho maitao hi Joshua nou kharochi peie, 11Neletao nou chaoyu buh hi sünou takhai-o, alia maisou hisü haibüa kharochi peio, “Neletao touso soudalo, daiolouzü neletao Ramai Mapao nou peiyu teidei nasü talou poloure donou teithe asü levainou Jordan rei tacho palai.”
12Joshua nou Reuben, Gad alia Manasseh khü dahli hi paoe, 13“Mapao vei kilai Moses nou neletao hi haibüa kharochi peiyu nahai lilou-o, Ramai Mapao nou neletao ye pa sholoure buh peilai, alia dei sünasü neletaoye peilai. 14Moses nou neletao ye peikhai touyu Jordan rei dapolo deihi neletao chapfümai, nahmaitao alia kikhaorü taohai khaiwulai; ana sou-reih soulou süyu mai hrülai nou reihna pfülou-a neletao chapfü-nahmai nghoujünou rai-a talai alia puletaoye soukhalai. 15Neletao Ramai Mapao nou peilai tea paohkhai touyu teidei nasü lou poloumo koute neletao tyahrü alia neye pa soyu peimosa puletaoye soukhalai-e. Süthainou neletao nou nemai vei dei nahisü dakhai talai alia Mapao vei kilai Moses nou neletao hi peiyu Jordan teinghi palo dei hisü neletao nou poloulai.”
16Puletao nou Joshua hi chila peie, “Nenou Etao hi kharochi peiyu pfüphou Etao nou soulai, alia butaraki nenou Etaoye seitayu hisü etao nou talai. 17Etao nou Moses chi züyu büa etao nou ne chi-a zülai; Moses ye Ramai Mapao nou kozo peiyu büa ne-a kozo peilouzü chebaie. 18Ne chi züba-a neye mai tara linoua dulouzü mokhai-a nenou peikhai touyu kharochi zübayu maiye sü southawu bailai. Khouchilou-o alia khuvei louzü chebaie.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.