JEREMIAH 48
48
Moab Mainou Hakatayu
1Moab mai vanou Khoukhoulai Mapao nou haibüa paoe:
“Nebo hai daizhou koute veade sarou—
puletao vei nuhdu khesü soushi souhawure!
Kiriathaim sü haongu soupeiwua potare;
puhvei reihkhaobu khesü soupho laire,
ae maitaoye sü hraongu soupeire.
2Moab mainou zhih tayu sü hatare.
Heshbon sü ngaoba mainou poloure,
ae Moab tyahrü sü souhare donou shodo souloure.
Voyu maivei nuhdu nasü panou zei tea bua bailai;
reihmaitao nou hai hisü tapoa nou loulai.
3Horonaim maitao nou shusoua krayu sü kei khaio,
‘Taidayu ae Soukanghiyu nou phouloure!’
4“Moab sü soushiwure;
nahmai nou krayu pai sü kei khaio.
5Puletao nou Luhith hi kra hohopoa takheyu pai sü kei khaio,
Horonaim hi dopfüa krapoa nou kouyu pai sü kei khaio.
6‘Tutalo! Lah neletaoye vupalo!’ tea puletao nou paoe.
‘Radeiki hi rheisüh bülo!’
7“Moab, neletao sü lah neletao vei khouko ae kini nou louche loure,
ana chuo neletao sü pah shiyu ngaolai;
neletao vei rah Khemosh sü puhvei napao maitao ae veo nahpoutu maitao noupu koa hukhamai soua vakou nüpoa talaire.
8Nuhdu ali koutea soushi moa nou shokhai peilai moe;
deikho deirao teitei noupu koa soushi khaiwulai.
Haisü Mapao Enou paowe.
9Moab maiye shouh soupeio,
daiolouzü puh sü zhaota laire.
Honapai vei nuhdu khesü soushikhai toulai,
ae sütao hisü mai lia hrüpulai moe.”
10(Mapao vei kuvah hai puletao vei tsüle veishi peia soumoyu maisü panou chaa ngaotheo! Soureih souba-a puletao vei khoche pokhai tayu mai sü panou chaa ngaotheo!)
Moab Maivei Nuhdutao Soushiyu
11 Mapao nou paoe, “Moab sü nahle-a bukinou chukoute hai vaphi tea nou hrüe ae vakou nüpoa takhai timoe; puhye sü bvü ali hinou ali hi lada moyu zhaoh büa bubaie. Südonou puhvei kainüvei nasü hatakhai moe.
12“Südonou chuo haibüyu teile sü velai, süolouzü zhaoh hai lee hinou lapayu büa Enou Moab ye panou lapare maiye seive peilai. Puletao nou zhaokhou sü lapa khailoua souphe sasalai. 13Süthaisü Israel mai nou louche-a buyu Bethel vanou hraongu daoyu büa Moab mai-a puletao vei rah Khemosh vanou hraongu ngaolai.
14“Moab maitaore, neletao daivanou khoukayu na-e,
ae soureih souyu hie souvei kayu nare tea khawe?
15Moab alia puhvei nuhdu khesü souhalaiwure;
puhvei veikayu nahle maitao sü southare.
Khoukhoulai Mapao Enou veo süe,
ae haisü Enou paowe.
16Moab mainou hakatare teile sü ngheire;
puhye soushi peire sü thasho-a nou laire.
17“Tyahrü süna pehao hinou hrüyu maitao,
puhvei kathe süyu mai hrülai puhye donou dopfülo.
Haibüa paokhaio, ‘Kabüa khouchi sho-a buyu puhvei vebuh sü pepota desa;
puhvei kathe ae khouko sü hatare.’
18Dibon hinou hrüa buyu maitaore,
neletao nou khaophu soua buyu buh hinou taokoulo,
ae deiphi hinou kou bulo!
Daiolouzü Moab ye soushi peikhai touyu maitao nou ne pei hi aetou more;
puletao nou nevei reihkhaobu veishi soushi laiwure.
19Aroer hinou hrüa buyu maitaore,
ludu pe kinou la-a nou kholo;
tutayu maitao hinou noukhaio,
daie vepare touyu khesü puletao hinou noulo.
20‘Moab sü kaodu tare,’ tea puletao nou chila peilai,
‘Puhye donou dopfüa kra peio; puh sü hraongu ngaore.
Arnon Reipe sasasü Moab ye soushiwure tea shapao peio!’
21“Teidei kuyu hinou deikho-a buyu nuhdu haitao hisü chikuyu teile hai vere: Holon, Jahzah, Mephaath, 22Dibon, Nebo, Beth Diblathaim, 23Kiriathaim, Bethgamul, Bethmeon, 24Kerioth, ae Bozrah alia Moab maivei nuhdu veishi hisü tudee peiyu hai vere. 25Moab maivei kai sü dashawure, ae puhvei baokao sü souchare tea Mapao nou paoe.”
Moab Mainou Tainouti Soutalai
26 Mapao nou paoe, “Moab maiye panou zhaoh sozhilo, daiolouzü puletao nou Eye dure. Moab mainou lah rüpakhai touyu hinou danapoa nou talai, ae maikhe mainou puhye konülai. 27Moab, nenou kabüa Israel maiye konüe touyu sü licho khaio! Nenou puhye sü vomai liye nülouyu büa ngaora-a ne pei sü züe.
28“Moab hinou hrüa buyu maitaore, neletao vei nuhdu khesü thaowua talo! Khao nou lyapei hinou phe soubuyu büa chuhlya hinou ho hrütawo. 29Moab mai hai khaophu soushore! Puletao nou khaophu souyu, zhosouyu, rochiyu, ae lahye veishoa tsüchoyu khesü Enou choure. 30Mapao Enou puletao vei rochiyu sü süwe. Puletao nou khaophu souyu sü hamako bailai, ae puletao nou haliro soulou hoe. 31Südonou Enou Moab mai hrülaiye donou dopfüa kralai, ae Kir Heres maitaoye donou dopfülai. 32Enou Jazer maitao jünou la-a Sibmah maitaoye donou kralai. Sibmah nuhdu, ne sü darkhabe ali nou puhvei bo hai Athai Zai hi keikouyu büa ae Jazer hi koute keitayu büa bue, ana chuo nevei houki rashithoutao ae nevei darkha shithoutao sü soushiwure. 33Savayu nasü Moab maivei teidei aveih hinou potawure. Enou darkhadzü süyu buh hinou darkhadzü khesü nuchao laiwure; mailinoua darkhadzü sü sümore ae asah soua mailinoua shusoua ramore.
34“Heshbon ae Elealeh nou shusoua krare,#48.34 Haibüyu phae Heshbon...shusoua krare; Hebrew hi sheesha toumoe. ae puhai nou krayu sü Jahaz hi koutea chouve-e; haisü Zoar hi maitao alia Horonaim ae Eglath Shelishiyah koute hia chouve-e. Nimrim hi reidzü koutea thetare. 35Moab mainou poukai nüvei meidei-a posheela peiyu buh khesü Enou souhalai, ae puletao nou puletao vei rahtao hi posheela peiyu khesü Enou souhawulai. Haisü Mapao Enou paowe.
36“Südonou Moab maiye donou ae Kir Heres maitaoye donou ale sü thaizhayu mai alinou sha nghouyu büa leveawe, daiolouzü puletao nou kujükhai touyu kini veishi sü hare. 37Daiolouzü puletao mai hrülai nou puletao vei pei ae mümai sü saiwure; puletao mai hrülai nou puletao vei bah vasü zhimü soupa loure ae soukhousah nou banou loure. 38Moab maivei kiphao veishi hinou ae kijü teitei hisü dopfüa krayu khaikho baire, daiolouzü Enou Moab sü mainou jüpamoyu habvü ali dakho laiyu büa dakho peiwure tea Mapao nou paoe. 39Kabüa haisü petare! Kabüa puletao nou dopfüe! Moab mai sü pah shi-a dakhai tare! Südonou Moab sü puhvei pehao hi hrüyu maitao vei jünü soure, ae puhvei kinapamai hrülai nou ngaopiyu sü soutare.”
Moab Maiye donou Tureipa loure Ludu Hayu
40Daiolouzü Mapao nou paoe, “Zhukhaio, tyahrü ali nou Moab maiye sü lüche ali nou shouh topaloua zhaokouyu büa velai, 41ae puletao vei nuhdutao alia veishoa soukhai touyu reihkhaobu khesü poloulai. Süzhou teithe sü Moab maivei reihmaitao hai naotumai ali nou nah nare phaki ngaopiyu büa ngaopilai. 42Moab sü souhawulai ae tyahrü ali soua bupulai moe, daiolouzü puhnou Eye due. 43Pirayu, deiqulu, ae shorü southou khaitouyu sünou Moab maiye kho-a buloure. Haisü Mapao nou paoe. 44Pirayu sü ngaopi-a tutayu maitao nou deibvü hi deloulai, ae deibvü hinou ngaopa louyu maitao sü shorü soukhai touyu hinou muloulai, daiolouzü Mapao nou Moab maiye souhare teile sü dade khaire. 45Soureih souyu hinou tuta-a buyu maitao nou Veo Sihon nou teile ali hi khasa-a buyu Heshbon nuhdu vei vupa-apei sü phoutare, ana hai nasü meikei-a nou bure. Soureih souyu jüpa-a buyu Moab maivei deichi veishi sü mei nou deihawure. 46Moab mai sü daizhou koute veasarou! Khemosh ye tho-a buyu maitaoye sü souhawure, ae puletao vei nahnaotu poutu khesü hukhamai soua nüpoa tare.”
47Ana haithai vere teile hiolouzü Mapao nou Moab maiye sousava peipulai. Haitao veishi hai Mapao nou Moab mai hi vepalai tea paokhai toue.
Currently Selected:
JEREMIAH 48: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
JEREMIAH 48
48
Moab Mainou Hakatayu
1Moab mai vanou Khoukhoulai Mapao nou haibüa paoe:
“Nebo hai daizhou koute veade sarou—
puletao vei nuhdu khesü soushi souhawure!
Kiriathaim sü haongu soupeiwua potare;
puhvei reihkhaobu khesü soupho laire,
ae maitaoye sü hraongu soupeire.
2Moab mainou zhih tayu sü hatare.
Heshbon sü ngaoba mainou poloure,
ae Moab tyahrü sü souhare donou shodo souloure.
Voyu maivei nuhdu nasü panou zei tea bua bailai;
reihmaitao nou hai hisü tapoa nou loulai.
3Horonaim maitao nou shusoua krayu sü kei khaio,
‘Taidayu ae Soukanghiyu nou phouloure!’
4“Moab sü soushiwure;
nahmai nou krayu pai sü kei khaio.
5Puletao nou Luhith hi kra hohopoa takheyu pai sü kei khaio,
Horonaim hi dopfüa krapoa nou kouyu pai sü kei khaio.
6‘Tutalo! Lah neletaoye vupalo!’ tea puletao nou paoe.
‘Radeiki hi rheisüh bülo!’
7“Moab, neletao sü lah neletao vei khouko ae kini nou louche loure,
ana chuo neletao sü pah shiyu ngaolai;
neletao vei rah Khemosh sü puhvei napao maitao ae veo nahpoutu maitao noupu koa hukhamai soua vakou nüpoa talaire.
8Nuhdu ali koutea soushi moa nou shokhai peilai moe;
deikho deirao teitei noupu koa soushi khaiwulai.
Haisü Mapao Enou paowe.
9Moab maiye shouh soupeio,
daiolouzü puh sü zhaota laire.
Honapai vei nuhdu khesü soushikhai toulai,
ae sütao hisü mai lia hrüpulai moe.”
10(Mapao vei kuvah hai puletao vei tsüle veishi peia soumoyu maisü panou chaa ngaotheo! Soureih souba-a puletao vei khoche pokhai tayu mai sü panou chaa ngaotheo!)
Moab Maivei Nuhdutao Soushiyu
11 Mapao nou paoe, “Moab sü nahle-a bukinou chukoute hai vaphi tea nou hrüe ae vakou nüpoa takhai timoe; puhye sü bvü ali hinou ali hi lada moyu zhaoh büa bubaie. Südonou puhvei kainüvei nasü hatakhai moe.
12“Südonou chuo haibüyu teile sü velai, süolouzü zhaoh hai lee hinou lapayu büa Enou Moab ye panou lapare maiye seive peilai. Puletao nou zhaokhou sü lapa khailoua souphe sasalai. 13Süthaisü Israel mai nou louche-a buyu Bethel vanou hraongu daoyu büa Moab mai-a puletao vei rah Khemosh vanou hraongu ngaolai.
14“Moab maitaore, neletao daivanou khoukayu na-e,
ae soureih souyu hie souvei kayu nare tea khawe?
15Moab alia puhvei nuhdu khesü souhalaiwure;
puhvei veikayu nahle maitao sü southare.
Khoukhoulai Mapao Enou veo süe,
ae haisü Enou paowe.
16Moab mainou hakatare teile sü ngheire;
puhye soushi peire sü thasho-a nou laire.
17“Tyahrü süna pehao hinou hrüyu maitao,
puhvei kathe süyu mai hrülai puhye donou dopfülo.
Haibüa paokhaio, ‘Kabüa khouchi sho-a buyu puhvei vebuh sü pepota desa;
puhvei kathe ae khouko sü hatare.’
18Dibon hinou hrüa buyu maitaore,
neletao nou khaophu soua buyu buh hinou taokoulo,
ae deiphi hinou kou bulo!
Daiolouzü Moab ye soushi peikhai touyu maitao nou ne pei hi aetou more;
puletao nou nevei reihkhaobu veishi soushi laiwure.
19Aroer hinou hrüa buyu maitaore,
ludu pe kinou la-a nou kholo;
tutayu maitao hinou noukhaio,
daie vepare touyu khesü puletao hinou noulo.
20‘Moab sü kaodu tare,’ tea puletao nou chila peilai,
‘Puhye donou dopfüa kra peio; puh sü hraongu ngaore.
Arnon Reipe sasasü Moab ye soushiwure tea shapao peio!’
21“Teidei kuyu hinou deikho-a buyu nuhdu haitao hisü chikuyu teile hai vere: Holon, Jahzah, Mephaath, 22Dibon, Nebo, Beth Diblathaim, 23Kiriathaim, Bethgamul, Bethmeon, 24Kerioth, ae Bozrah alia Moab maivei nuhdu veishi hisü tudee peiyu hai vere. 25Moab maivei kai sü dashawure, ae puhvei baokao sü souchare tea Mapao nou paoe.”
Moab Mainou Tainouti Soutalai
26 Mapao nou paoe, “Moab maiye panou zhaoh sozhilo, daiolouzü puletao nou Eye dure. Moab mainou lah rüpakhai touyu hinou danapoa nou talai, ae maikhe mainou puhye konülai. 27Moab, nenou kabüa Israel maiye konüe touyu sü licho khaio! Nenou puhye sü vomai liye nülouyu büa ngaora-a ne pei sü züe.
28“Moab hinou hrüa buyu maitaore, neletao vei nuhdu khesü thaowua talo! Khao nou lyapei hinou phe soubuyu büa chuhlya hinou ho hrütawo. 29Moab mai hai khaophu soushore! Puletao nou khaophu souyu, zhosouyu, rochiyu, ae lahye veishoa tsüchoyu khesü Enou choure. 30Mapao Enou puletao vei rochiyu sü süwe. Puletao nou khaophu souyu sü hamako bailai, ae puletao nou haliro soulou hoe. 31Südonou Enou Moab mai hrülaiye donou dopfüa kralai, ae Kir Heres maitaoye donou dopfülai. 32Enou Jazer maitao jünou la-a Sibmah maitaoye donou kralai. Sibmah nuhdu, ne sü darkhabe ali nou puhvei bo hai Athai Zai hi keikouyu büa ae Jazer hi koute keitayu büa bue, ana chuo nevei houki rashithoutao ae nevei darkha shithoutao sü soushiwure. 33Savayu nasü Moab maivei teidei aveih hinou potawure. Enou darkhadzü süyu buh hinou darkhadzü khesü nuchao laiwure; mailinoua darkhadzü sü sümore ae asah soua mailinoua shusoua ramore.
34“Heshbon ae Elealeh nou shusoua krare,#48.34 Haibüyu phae Heshbon...shusoua krare; Hebrew hi sheesha toumoe. ae puhai nou krayu sü Jahaz hi koutea chouve-e; haisü Zoar hi maitao alia Horonaim ae Eglath Shelishiyah koute hia chouve-e. Nimrim hi reidzü koutea thetare. 35Moab mainou poukai nüvei meidei-a posheela peiyu buh khesü Enou souhalai, ae puletao nou puletao vei rahtao hi posheela peiyu khesü Enou souhawulai. Haisü Mapao Enou paowe.
36“Südonou Moab maiye donou ae Kir Heres maitaoye donou ale sü thaizhayu mai alinou sha nghouyu büa leveawe, daiolouzü puletao nou kujükhai touyu kini veishi sü hare. 37Daiolouzü puletao mai hrülai nou puletao vei pei ae mümai sü saiwure; puletao mai hrülai nou puletao vei bah vasü zhimü soupa loure ae soukhousah nou banou loure. 38Moab maivei kiphao veishi hinou ae kijü teitei hisü dopfüa krayu khaikho baire, daiolouzü Enou Moab sü mainou jüpamoyu habvü ali dakho laiyu büa dakho peiwure tea Mapao nou paoe. 39Kabüa haisü petare! Kabüa puletao nou dopfüe! Moab mai sü pah shi-a dakhai tare! Südonou Moab sü puhvei pehao hi hrüyu maitao vei jünü soure, ae puhvei kinapamai hrülai nou ngaopiyu sü soutare.”
Moab Maiye donou Tureipa loure Ludu Hayu
40Daiolouzü Mapao nou paoe, “Zhukhaio, tyahrü ali nou Moab maiye sü lüche ali nou shouh topaloua zhaokouyu büa velai, 41ae puletao vei nuhdutao alia veishoa soukhai touyu reihkhaobu khesü poloulai. Süzhou teithe sü Moab maivei reihmaitao hai naotumai ali nou nah nare phaki ngaopiyu büa ngaopilai. 42Moab sü souhawulai ae tyahrü ali soua bupulai moe, daiolouzü puhnou Eye due. 43Pirayu, deiqulu, ae shorü southou khaitouyu sünou Moab maiye kho-a buloure. Haisü Mapao nou paoe. 44Pirayu sü ngaopi-a tutayu maitao nou deibvü hi deloulai, ae deibvü hinou ngaopa louyu maitao sü shorü soukhai touyu hinou muloulai, daiolouzü Mapao nou Moab maiye souhare teile sü dade khaire. 45Soureih souyu hinou tuta-a buyu maitao nou Veo Sihon nou teile ali hi khasa-a buyu Heshbon nuhdu vei vupa-apei sü phoutare, ana hai nasü meikei-a nou bure. Soureih souyu jüpa-a buyu Moab maivei deichi veishi sü mei nou deihawure. 46Moab mai sü daizhou koute veasarou! Khemosh ye tho-a buyu maitaoye sü souhawure, ae puletao vei nahnaotu poutu khesü hukhamai soua nüpoa tare.”
47Ana haithai vere teile hiolouzü Mapao nou Moab maiye sousava peipulai. Haitao veishi hai Mapao nou Moab mai hi vepalai tea paokhai toue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.