ISAIAH 6
6
Ramai nou Isaiah-ye Kulouyu
1Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure. 2Puhvei pehao teitei hisü shouh pfüyu Seraphim khaona sünou sühao poa bue, alia puletao hai shouh arou pfüe, shouh ahai nou pah ho-e, shouh ahai sünou pfüphao ho-e, alia shouh ahai sünou pfüa zhaowe. 3Puletao hai alinou ali hi haibüa paoe,
“Masheeo, Masheeo, Masheeo!
Khoukhoulai Mapao hai mashee-e!
Puhvei khoukho ava sünou deiphao teitei hi phupoa nou bue.”
4Puletao vei paikho sünou rathoki sü pfülere, alia rathoki teitei sü meikhao nou phoutao loure.
5Süthaisü Enou paoe, “E hai daizhou koute vealaisa! Ahio veiyu touyu ali-a hare, daiolouzü avei mü-li hai shee moe, ae E sü mah chipao ae mah lou soua buyu maitao hrohinou hrüa bubaie, alia anghithou vuzünou Veo, Khoukhoulai Mapao sü ngaowure.”
6Süthaisü shouh pfüyu khaona ali nou posheelabu hinou meithou ali meibya nou biloua ahi zhaokoue. 7Puhnou amü hisü meithou nou pokou deiloua paoe, “Chuo hai nanou ne mü sü deipeiwure, ne hi buyu kaomoyu ae zümoyu khesü hatare, alia nevei mah khesü khaipeiwure.”
8Süthaisü Mapao nou haibüa paoyu Enou choue, “E thaoye seitalai, alia thaonou Eye donou tapeilai?”
Enou chila peie, “E hai hi bue, Eye seita peio.”
9Süthaisü puhnou ahi takou chipao haitao hai maikhe mai hi paopeio tea paoe, “Neletao nou chi kei khai, kei khaia buyuma sükulou süyu sü neletao hi bulai moe. Neletao nou zhukhai, zhu khai-a buyuma dai vepawe touyu sü sülou laimoe.” 10Süthai-a puhnou haibüa ahi paoe, “Mai hai maitao tsüle sü soume peikhaio, puletao vei nou sü soupe peikhaio, alia puletao vei nghithou sü souchawo, sükua panou puletaoye ngaolou laimoe, moa choulou laimoe, moa sükulou laimoe. Puletao nou ngaolou, choulou ae sükulou süre toulouzü ahi dakhai veloua puletao vei sounou nasü souveilou shulai.”
11Süthaisü Enou noue, “Haibüa teile kaso koute Enou soukou laige, Oh Mapao?”
Puhnou haibüa chila peie, “Nuhdu khesü soushi souha laiwua panou sakhai-a bumo koute, ki khesü panou mai hrümo koute, alia teidei teitei sü soushi khaimo koute, 12Enou maikhe maiye kadouyu teidei hilo seita khaimo koute alia teidei teitei soushimo koute soulai. 13Mai kirou hinou mai ali koute-a shokhai toua bulouzü, puhye koute-a souhawulai; puhye sü süübe vikhao khaitouyu süümü ali buyu bütoua panou bulai.”
(Süümü nasü daie paowe toulouzü, süübe lapa louyu bütoua Ramai vei maikhe sü hrüdakhai shupu loulai).
Currently Selected:
ISAIAH 6: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
ISAIAH 6
6
Ramai nou Isaiah-ye Kulouyu
1Veo Uzziah thaiyu po hi Enou Mapao ye ngaoe. Puh hai du-sho shoa nou puhvei vebuh hinou bue, alia puhvei naazao kai nou kou rathoki sü phoutao loure. 2Puhvei pehao teitei hisü shouh pfüyu Seraphim khaona sünou sühao poa bue, alia puletao hai shouh arou pfüe, shouh ahai nou pah ho-e, shouh ahai sünou pfüphao ho-e, alia shouh ahai sünou pfüa zhaowe. 3Puletao hai alinou ali hi haibüa paoe,
“Masheeo, Masheeo, Masheeo!
Khoukhoulai Mapao hai mashee-e!
Puhvei khoukho ava sünou deiphao teitei hi phupoa nou bue.”
4Puletao vei paikho sünou rathoki sü pfülere, alia rathoki teitei sü meikhao nou phoutao loure.
5Süthaisü Enou paoe, “E hai daizhou koute vealaisa! Ahio veiyu touyu ali-a hare, daiolouzü avei mü-li hai shee moe, ae E sü mah chipao ae mah lou soua buyu maitao hrohinou hrüa bubaie, alia anghithou vuzünou Veo, Khoukhoulai Mapao sü ngaowure.”
6Süthaisü shouh pfüyu khaona ali nou posheelabu hinou meithou ali meibya nou biloua ahi zhaokoue. 7Puhnou amü hisü meithou nou pokou deiloua paoe, “Chuo hai nanou ne mü sü deipeiwure, ne hi buyu kaomoyu ae zümoyu khesü hatare, alia nevei mah khesü khaipeiwure.”
8Süthaisü Mapao nou haibüa paoyu Enou choue, “E thaoye seitalai, alia thaonou Eye donou tapeilai?”
Enou chila peie, “E hai hi bue, Eye seita peio.”
9Süthaisü puhnou ahi takou chipao haitao hai maikhe mai hi paopeio tea paoe, “Neletao nou chi kei khai, kei khaia buyuma sükulou süyu sü neletao hi bulai moe. Neletao nou zhukhai, zhu khai-a buyuma dai vepawe touyu sü sülou laimoe.” 10Süthai-a puhnou haibüa ahi paoe, “Mai hai maitao tsüle sü soume peikhaio, puletao vei nou sü soupe peikhaio, alia puletao vei nghithou sü souchawo, sükua panou puletaoye ngaolou laimoe, moa choulou laimoe, moa sükulou laimoe. Puletao nou ngaolou, choulou ae sükulou süre toulouzü ahi dakhai veloua puletao vei sounou nasü souveilou shulai.”
11Süthaisü Enou noue, “Haibüa teile kaso koute Enou soukou laige, Oh Mapao?”
Puhnou haibüa chila peie, “Nuhdu khesü soushi souha laiwua panou sakhai-a bumo koute, ki khesü panou mai hrümo koute, alia teidei teitei sü soushi khaimo koute, 12Enou maikhe maiye kadouyu teidei hilo seita khaimo koute alia teidei teitei soushimo koute soulai. 13Mai kirou hinou mai ali koute-a shokhai toua bulouzü, puhye koute-a souhawulai; puhye sü süübe vikhao khaitouyu süümü ali buyu bütoua panou bulai.”
(Süümü nasü daie paowe toulouzü, süübe lapa louyu bütoua Ramai vei maikhe sü hrüdakhai shupu loulai).
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.