EBRIAMAI 9
9
Deiphao ea Raki vei Rathoyu
1Vo araina hisü rathore vei zhai ea rathore donou mainou soukhai touyu rathobuh-a bue. 2Daiolouzü sühisü sahpao ali soushupa khaitoue, kijülo kide nasü Mashi Buh tea kuwe. Sühisü meibvü dzükhaiyu buhli, alia arübuhli ea süphao hisü Ramaiye posheelayu raokhao-a bue. 3Alia sah haokhaiyu ahai chena thailova hisü Mashi Shilaibuh tea kuyu sahpao nasü bue. 4Sühisü kai nüveiyu mei deikhaire sananou soukhai touyu sheelabuh ea sananou zükhai touyu Vobvüna alia süna levai hisü Manna thoukhai touyu sana leeki, züh lapayu Aaron süpo, alia chikhatao rüthoukhai touyu vo chuhkhao ahai bue. 5Sübvü süna pei hisü khouko ava vei Cherubim ahai nou zhuvea peiyu buh nasü shouhnou hopfüa bue. Ana sütaosü Eletao nou chu toutya pua kubai louhoe.
6Na sütaosü haikuyu zhai hinou soudachewu-a, napao maitao nou kijülo sahpaona hinou teithe tsünou talou puletao vei naanou taosü souwe, 7ana Napao Peichana likhei kikha levai sahpaona hisü loubaiwe, alia puhnou sühi louyusü potei hinou lüh likhei loubaiwe. Alia lah puhye donou ea maikhe mainou sükhaimoa souyu mahtao donou puhnou Ramai hi sheelayu zhe süna pomoa hakia sühi talouwumoe. 8Sükua souda khaitouyu haitaonou Rako Mashinou Eletao hi sahpao araina busasü Mashi Shilai Buh hi talou loure ludu nasü houpapei mohie touyu sü sheetoua paongao peiwe. 9Süsü zhaodo teile donou nada alie. Nada hai nanou doupeiyu thaifüa sapeina nou ea kikhaorüh nou posheela-a Ramai hi pothoyu sünanou ratho maivei le hai southou liche peilou hoe, 10ana sütaowo tousho ea kukhe tya kukuyu soushee loure naanoutao donou likhei baie ea sütaosü Ramai nou zhai ashuna povemo jühi taloure pfüphao hilo zhai baie.
Khrista vei Zhe
11Ana haihi buyu avei natao donou Khrista nou Napao Peichana soua veloure. Puhnou kuvah soua buyu sahpao sünanou dua dukou ea liche-a liche kouhie; sünasü emai bahnou souyu sahpao moe, süolouzü soukhai touyu deiphao vei na lia loumoe. 12Khrista nou teisavei donou lüh alikhei sahpao nasü tacho louloua Mashi Shilai Buh hi talouyu kisü puhnou sheelare donou nghitu ea chotu zhenou moa lah puh zhenou poloua Eletaoye teisanou phaohupa peire. 13Daiolouzü nghitu ea chode zhenou ea chotuye meideiyu vounai nou naanou hilonou sheemoyu maikhemai vahi vukhai peiyu hinou sünanou puletao vei sheemoyu sü potapeiwua puletaoye soushee peiwulouzü, 14daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.
15Qo haina donou Khrista hai vo ashu vei kolelou-apeio süe, südonou Ramai nou kolouyu puletao nou apaopei khaitouyu teisa vei kaalo nasü ngaoloulai, daiolouzü vo araina nou bubuki maikhe mainou mah soukhai touyu hinou puletao phaohupa peire donou maili thaipeire.
16Daiolouzü, nüü touyu hisü nüü-apeio thaivuzüre touyu vei lapeiyu hai buvu zülai, 17daiolouzü nüü touyu hai nüü-apeio hribu sasü halia koyu hae, süsü puhnou thaiyu shonou likhei talou veibaie. 18Sükuyu donou vo araina koutea zhe loumoa vahlia soupfümoe. 19Daiolouzü, Moses nou razhai vei chikha teiteisü maikhemai hrülai hi paongaopei cheyu thaisü, puhnou chotu ea nghitu zhe nasü dzünou pu choloua horoyu soumai ea hissop bonou poloua razhaibvü vahi ea maikhemai hrülai hi vukhaipeie. 20Alia puhnou haibüa paoe, “Haihai Ramai nou neletaoye panou züloure donou chikha peikhai touyu vo navei zhe nasüe.” 21Alia sübütoua Moses nou vo navei sahpao vahi ea sühinou sei-a rathoyu leekhao pfüphou vahisü zhe sünanou vukhaire. 22Achechenou, razhai thaifüa ha teiteisü zhenou sousheeloue; ea zhe kükou peimoa sühisü mah khaipeiyu ali-a hae.
Khrista nou Thaipeiyu vanou Mah Khaipeiyu
23Südonou rakiva vei zhairai soua buyu nataoye sü naanou haitao nou sousheewu vuzülai. Ana rakiva vuzüvei nataoye donou louzü süjünou veikou shoyu sheelayu nataonou poa sousheelai. 24Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure. 25Alia Jihudimai Napao Peichana nou popatsü lah puhvei moyu zhenou poloua Mashi Shilai Buh hi louyu kua Khristawo lah puhye sü pothore donou rakihi loupu khaikhai moe; 26daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire. 27Emai hrülaisü vuhli thaivu zülai, alia süthaisü chikuyu süvelai. 28Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.
Currently Selected:
EBRIAMAI 9: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EBRIAMAI 9
9
Deiphao ea Raki vei Rathoyu
1Vo araina hisü rathore vei zhai ea rathore donou mainou soukhai touyu rathobuh-a bue. 2Daiolouzü sühisü sahpao ali soushupa khaitoue, kijülo kide nasü Mashi Buh tea kuwe. Sühisü meibvü dzükhaiyu buhli, alia arübuhli ea süphao hisü Ramaiye posheelayu raokhao-a bue. 3Alia sah haokhaiyu ahai chena thailova hisü Mashi Shilaibuh tea kuyu sahpao nasü bue. 4Sühisü kai nüveiyu mei deikhaire sananou soukhai touyu sheelabuh ea sananou zükhai touyu Vobvüna alia süna levai hisü Manna thoukhai touyu sana leeki, züh lapayu Aaron süpo, alia chikhatao rüthoukhai touyu vo chuhkhao ahai bue. 5Sübvü süna pei hisü khouko ava vei Cherubim ahai nou zhuvea peiyu buh nasü shouhnou hopfüa bue. Ana sütaosü Eletao nou chu toutya pua kubai louhoe.
6Na sütaosü haikuyu zhai hinou soudachewu-a, napao maitao nou kijülo sahpaona hinou teithe tsünou talou puletao vei naanou taosü souwe, 7ana Napao Peichana likhei kikha levai sahpaona hisü loubaiwe, alia puhnou sühi louyusü potei hinou lüh likhei loubaiwe. Alia lah puhye donou ea maikhe mainou sükhaimoa souyu mahtao donou puhnou Ramai hi sheelayu zhe süna pomoa hakia sühi talouwumoe. 8Sükua souda khaitouyu haitaonou Rako Mashinou Eletao hi sahpao araina busasü Mashi Shilai Buh hi talou loure ludu nasü houpapei mohie touyu sü sheetoua paongao peiwe. 9Süsü zhaodo teile donou nada alie. Nada hai nanou doupeiyu thaifüa sapeina nou ea kikhaorüh nou posheela-a Ramai hi pothoyu sünanou ratho maivei le hai southou liche peilou hoe, 10ana sütaowo tousho ea kukhe tya kukuyu soushee loure naanoutao donou likhei baie ea sütaosü Ramai nou zhai ashuna povemo jühi taloure pfüphao hilo zhai baie.
Khrista vei Zhe
11Ana haihi buyu avei natao donou Khrista nou Napao Peichana soua veloure. Puhnou kuvah soua buyu sahpao sünanou dua dukou ea liche-a liche kouhie; sünasü emai bahnou souyu sahpao moe, süolouzü soukhai touyu deiphao vei na lia loumoe. 12Khrista nou teisavei donou lüh alikhei sahpao nasü tacho louloua Mashi Shilai Buh hi talouyu kisü puhnou sheelare donou nghitu ea chotu zhenou moa lah puh zhenou poloua Eletaoye teisanou phaohupa peire. 13Daiolouzü nghitu ea chode zhenou ea chotuye meideiyu vounai nou naanou hilonou sheemoyu maikhemai vahi vukhai peiyu hinou sünanou puletao vei sheemoyu sü potapeiwua puletaoye soushee peiwulouzü, 14daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.
15Qo haina donou Khrista hai vo ashu vei kolelou-apeio süe, südonou Ramai nou kolouyu puletao nou apaopei khaitouyu teisa vei kaalo nasü ngaoloulai, daiolouzü vo araina nou bubuki maikhe mainou mah soukhai touyu hinou puletao phaohupa peire donou maili thaipeire.
16Daiolouzü, nüü touyu hisü nüü-apeio thaivuzüre touyu vei lapeiyu hai buvu zülai, 17daiolouzü nüü touyu hai nüü-apeio hribu sasü halia koyu hae, süsü puhnou thaiyu shonou likhei talou veibaie. 18Sükuyu donou vo araina koutea zhe loumoa vahlia soupfümoe. 19Daiolouzü, Moses nou razhai vei chikha teiteisü maikhemai hrülai hi paongaopei cheyu thaisü, puhnou chotu ea nghitu zhe nasü dzünou pu choloua horoyu soumai ea hissop bonou poloua razhaibvü vahi ea maikhemai hrülai hi vukhaipeie. 20Alia puhnou haibüa paoe, “Haihai Ramai nou neletaoye panou züloure donou chikha peikhai touyu vo navei zhe nasüe.” 21Alia sübütoua Moses nou vo navei sahpao vahi ea sühinou sei-a rathoyu leekhao pfüphou vahisü zhe sünanou vukhaire. 22Achechenou, razhai thaifüa ha teiteisü zhenou sousheeloue; ea zhe kükou peimoa sühisü mah khaipeiyu ali-a hae.
Khrista nou Thaipeiyu vanou Mah Khaipeiyu
23Südonou rakiva vei zhairai soua buyu nataoye sü naanou haitao nou sousheewu vuzülai. Ana rakiva vuzüvei nataoye donou louzü süjünou veikou shoyu sheelayu nataonou poa sousheelai. 24Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure. 25Alia Jihudimai Napao Peichana nou popatsü lah puhvei moyu zhenou poloua Mashi Shilai Buh hi louyu kua Khristawo lah puhye sü pothore donou rakihi loupu khaikhai moe; 26daiolouzü, puhnou sükua soure toulouzü puhsü deiphao soushu rainou vuh alao vea pokou vuzülai. Ana chuwo maihrü teitei akhai soulouyu kihinou lah puhye posheelayu hinou mah souhawure puhnou teisavei donou vuh likheithe talou peire. 27Emai hrülaisü vuhli thaivu zülai, alia süthaisü chikuyu süvelai. 28Sükheihao-a Khrista-a maikhemai alaovei mahtao pfüta loure donou vuhli sheela-a pothouwure, alia mah donou moa puhye donou zhishoa khoa bumaitaoye khaipeire donou puhsü vuh ahai chena soua velai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.