EBRIAMAI 2
2
Khailupeiyu Aduna
1Südonou Eletaoye lapasou hüpoa talou more donou Eletao nou choulouyu acheehe nasü Eletao nou khoupushoa polou vuzülai. 2Daiolouzü rakivamai taonou paopei khaitouyu chipao nasü chechewe toulouzü, alia süna thaifüa tamoyu moa süsü zümoyu mai taliye puhnou ngaozüyu tudee nasü peibaiwe toulouzü, 3Eletao nou haibüyu dushoyu khailu peiyu nasü ngaophou molouzü kakua Eletao sü tupaloulai? Rairaikaia Mapaowo lahnou khailu peiyu hainasü paosüpeie, alia puh chi choulouyu puletao nou süsü chechewe tea Eletao hi zhopaoh peie. 4Sükuyu pha hinou Ramaia sühisü sheetaonou khupa vah tyalinou soua ea puhnou lichoyu thaifüa Rako Mashivei sapeina taonou pozhihpeia zhopaoh soungaopeie.
Eletaoye Khailu Peiyu hi Süthai Save Peiyuna
5Daiolouzü Eletao nou paoa buyu vere deiphao ashu naye sü rakivamaiye panou tukha loure Ramai nou buh peimoe. 6Ana sheeyu larübvü buh ali hinou haibüa paokhaitoue:
“Oh Ramai, nenou puhye donou lichopeia buyu emaisü daie;
moa nenou puhye donou zhupeia buyu emainah Poutu sü daie?
7Nenou puhye sü phajü donou
rakivamaitao jünou daotu naphoua soupeie;
Nenou puhye sü khouko avanou ea tsükhouyu noupu veo peirü rüpeire,
8alia puhye panou ha teitei pei hi kholoure.”
Haibüa nou paoe, süolouzü Ramai nou Emaiye panou “Ha teitei pei hi kholoure;” sühisü sheesha-a ha teitei paothou khaire. Sütoukhaia, emai nou ha teitei pei hi khoa buyu sü chu Eletao nou ngaomoe. 9Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe. 10Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.
11Jisu nou maikhe maiye puletao vei mah hinou soushee peie, alia puh ea soushee louyu khemaitao hrülaisü puo ali hinou vebaie. Sükuyu donou puletaoye puh thaihou jürai khemai tea kuyu sü Jisu nou ahrao moe. 12Puhnou Ramai hi paoe,
“Enou ne zhih sü Athaihou jürai maitao hi paongao peilai,
Puletao nou vedzüa buyu hrohinou Enou neye paosholai.”
13Alia puhnou paokhaie, “Enou Avei lü sü Ramai hi pokhailai.” Alia puhnou paopukhaie, “Ramai nou Ahi peikhai touyu nahmaitaoye koa Esü haihi bue.”
14Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue, 15alia haiküa athai naye piyu donou puletao hrüphao nou qila soupoa kouyu sümaitaoye do sou peire. 16Daiolouzü puhnou soukhayu hai cheche vuzünou rakivamai taoye moe, ana Abraham taonah maitaoye baie. 17Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai. 18Alia chuo puhnou athao daoloua veahoyu sü shamea louyu vanou athao daoyu maitaoye sü puhnou soukha peilou süre.
Currently Selected:
EBRIAMAI 2: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EBRIAMAI 2
2
Khailupeiyu Aduna
1Südonou Eletaoye lapasou hüpoa talou more donou Eletao nou choulouyu acheehe nasü Eletao nou khoupushoa polou vuzülai. 2Daiolouzü rakivamai taonou paopei khaitouyu chipao nasü chechewe toulouzü, alia süna thaifüa tamoyu moa süsü zümoyu mai taliye puhnou ngaozüyu tudee nasü peibaiwe toulouzü, 3Eletao nou haibüyu dushoyu khailu peiyu nasü ngaophou molouzü kakua Eletao sü tupaloulai? Rairaikaia Mapaowo lahnou khailu peiyu hainasü paosüpeie, alia puh chi choulouyu puletao nou süsü chechewe tea Eletao hi zhopaoh peie. 4Sükuyu pha hinou Ramaia sühisü sheetaonou khupa vah tyalinou soua ea puhnou lichoyu thaifüa Rako Mashivei sapeina taonou pozhihpeia zhopaoh soungaopeie.
Eletaoye Khailu Peiyu hi Süthai Save Peiyuna
5Daiolouzü Eletao nou paoa buyu vere deiphao ashu naye sü rakivamaiye panou tukha loure Ramai nou buh peimoe. 6Ana sheeyu larübvü buh ali hinou haibüa paokhaitoue:
“Oh Ramai, nenou puhye donou lichopeia buyu emaisü daie;
moa nenou puhye donou zhupeia buyu emainah Poutu sü daie?
7Nenou puhye sü phajü donou
rakivamaitao jünou daotu naphoua soupeie;
Nenou puhye sü khouko avanou ea tsükhouyu noupu veo peirü rüpeire,
8alia puhye panou ha teitei pei hi kholoure.”
Haibüa nou paoe, süolouzü Ramai nou Emaiye panou “Ha teitei pei hi kholoure;” sühisü sheesha-a ha teitei paothou khaire. Sütoukhaia, emai nou ha teitei pei hi khoa buyu sü chu Eletao nou ngaomoe. 9Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe. 10Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.
11Jisu nou maikhe maiye puletao vei mah hinou soushee peie, alia puh ea soushee louyu khemaitao hrülaisü puo ali hinou vebaie. Sükuyu donou puletaoye puh thaihou jürai khemai tea kuyu sü Jisu nou ahrao moe. 12Puhnou Ramai hi paoe,
“Enou ne zhih sü Athaihou jürai maitao hi paongao peilai,
Puletao nou vedzüa buyu hrohinou Enou neye paosholai.”
13Alia puhnou paokhaie, “Enou Avei lü sü Ramai hi pokhailai.” Alia puhnou paopukhaie, “Ramai nou Ahi peikhai touyu nahmaitaoye koa Esü haihi bue.”
14Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue, 15alia haiküa athai naye piyu donou puletao hrüphao nou qila soupoa kouyu sümaitaoye do sou peire. 16Daiolouzü puhnou soukhayu hai cheche vuzünou rakivamai taoye moe, ana Abraham taonah maitaoye baie. 17Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai. 18Alia chuo puhnou athao daoloua veahoyu sü shamea louyu vanou athao daoyu maitaoye sü puhnou soukha peilou süre.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.